శంకరార్పణం - 1878

*************************************************************************************************

శంకరాభరణం సమస్య - 1878

"రాధేయుని శత్రువు కురురాజనిరి బుధుల్"

వేధించెను రాజ్యమొసగి 

బాధించెను నెయ్యమునను బహువిధములుగా 

సాధించెను చావు కడకు... 

రాధేయుని శత్రువు కురురాజనిరి బుధుల్ :)

(కంది శంకరయ్య గారి సౌజన్యంతో)

************************************************************************************************************************

---

శంకరార్పణం - 2777

*********************************************************************************************

శంకరాభరణం సమస్య - 2777

"ప్రాఙ్నగ శృంగమ్మున నదె భానుఁడు గ్రుంకెన్"

ప్రాఙ్నగమున కెదురుండుచు 

ప్రాఙ్నగమున కొక ముకురము పదిలము చేయన్...

ప్రాఙ్నగమును దర్శించగ 

ప్రాఙ్నగ శృంగమ్మున నదె భానుఁడు  గ్రుంకెన్

ముకురము = అద్దము

(కంది శంకరయ్య గారి సౌజన్యంతో)

**************************************************************************************************************************************

శంకరార్పణం - 1879

************************************************************************************************

శంకరాభరణం సమస్య - 1879

"కమలము వికసించెఁ జంద్రకాంతులు సోఁకన్"

విమల మనస్కుడు పోరుచు 

తిమిరమ్మును పారద్రోల తెలగణ రాత్రిన్... 

సమరమున గెల్వగ కవిత

కమలము వికసించెఁ జంద్రకాంతులు సోఁకన్ :)

(కంది శంకరయ్య గారి సౌజన్యంతో)

***********************************************************************************************

శంకరార్పణం - 1878

*************************************************************************************************

శంకరాభరణం సమస్య - 1878

"చనుబాలను తండ్రి తీయ సంతసమందెన్"

పనిలో మగ్నమ్మౌచును 

కనుగొని కవిహంస మెండు కంపము నొందన్...

తన ఘన కావ్యమ్మును  చిం 

చను...బాలను తండ్రి తీయ సంతసమందెన్

(కంది శంకరయ్య గారి సౌజన్యంతో)

**************************************************************************************************************************************

శంకరార్పణం - 1876

*************************************************************************************************

శంకరాభరణం సమస్య - 1876

"కుసుమము తాఁకఁగనె నుసురుఁ గోల్పడె నయ్యో"

విసమంచు కీటకములకు 

రసాయనములు వెదజల్ల రైతన్నచటన్ 

రసమును కోరిన భ్రమరము 

కుసుమము తాఁకఁగనె నుసురుఁ గోల్పడె నయ్యో :(

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 2776 (2)

*****************************************************************************************

శంకరాభరణం సమస్య - 2776

"కంటికి దీపమౌ సుతుఁడె కాలయముండుగ నయ్యె నయ్యయో"

రైతన్న సోది: 

ఒంటరి బుడ్డగాడనుచు నొప్పుచు నొచ్చుచు కొంపనమ్ముచున్ 

చంటిని హైద్రబాదునహ చక్కని డాక్టరు జేయగాసలా!!!

మింటికి నెగ్గుచున్ సుగరు మీటరు గీటరు విప్పిజొప్పుచున్...

ఇంటికి రాగనే భడవ డిచ్చట నచ్చట సూదిగుచ్చుచున్ 

కంటికి దీపమౌ సుతుఁడె కాలయముండుగ నయ్యె నయ్యయో!!!

(కంది శంకరయ్య గారి సౌజన్యంతో)

****************************************************************************************************************************************

శంకరార్పణం - 2776

********************************************************************************************

శంకరాభరణం సమస్య - 2776

"కంటి దీపమౌ సుతుఁడయ్యెఁ గాలయముఁడు"

చంటి బిడ్డను చదివిస్తి నింటి నమ్మి... 

ఒంటి కొడుకాయె డాక్టరు మింటి కెగసి...

ఇంటి కగుదెంచి గుచ్చునె నిచట నచట...

కంటి దీపమౌ సుతుఁడయ్యెఁ గాలయముఁడు!!!

(కంది శంకరయ్య గారి సౌజన్యంతో)

******************************************************************************************************************************************

శంకరార్పణం - 1873

************************************************************************************************

శంకరాభరణం సమస్య - 1873

"వదినను ముద్దాడె మరఁది పదుగురు చూడన్"

అదిగో! అన్నను చూడుడు! 

వదినను ముద్దాడె!:...మరఁది పదుగురు చూడన్

కుదురుగ కూర్చొనియుండక... 

అదరగ చప్పట్లు కొట్టె హడలిన యవ్వల్!

(కంది శంకరయ్య గారి సౌజన్యంతో)

***************************************************************************************************************************************

శంకరార్పణం - 1079

***************************************************************************************************

శంకరాభరణం పద్య రచన - 1079

కవిమిత్రులారా,

“జననీ జనకుల పదములు...”

ఇది పద్యప్రారంభం. 

దీనికి కొనసాగిస్తూ పద్యాన్ని పూర్తి చేయండి.

జననీ జనకుల పదములు

వినవలయును కొంత వరకు విజ్ఞత తోడన్...

అనుసరణము కాని యెడల 

వినవలయును గృహిణి మాట వినరా సుమతీ! 

పదము = వాక్యము 

(శబ్దరత్నాకరము)

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 1869

*********************************************************************************************

శంకరాభరణం సమస్య - 1869

"విస్కీ బ్రాండీల వలన విజ్ఞత హెచ్చున్"

ఇస్కో విస్కీ దేదో 

ఉస్కో బ్రాండీ ప్రతిదిన ముదయము రాత్రిన్ 

చస్కా హైదరబాదున 

విస్కీ బ్రాండీల వలన విజ్ఞత హెచ్చున్!

(కంది శంకరయ్య గారి సౌజన్యంతో)

****************************************************************************************************************************************

శంకరార్పణం - 1078

**************************************************************************************************

శంకరాభరణం పద్య రచన - 1078

కవిమిత్రులారా,

“హృత్పద్మము వికసించును...”

ఇది పద్యప్రారంభం. 

దీనికి కొనసాగిస్తూ పద్యాన్ని పూర్తి చేయండి.

హృత్పద్మము వికసించును

హృత్పద్మపు హాస్పిటలున హేలాహేలిన్ 

హృత్పద్మము స్తంభించును 

తత్పరమై బిల్లుజూడ తడికిట థాంథాం!

(కంది శంకరయ్య గారి సౌజన్యంతో)

******************************************************************************************************************************************

శంకరార్పణం - 2775(2)

*******************************************************************************************

శంకరాభరణం సమస్య - 2775

"కలిగెన్ గోరిక శ్రీసతీవిభునకున్ గైలాసమే యేలఁగన్"

తలచెన్ మామక పార్వతీశ్వరుడు నే తాళంగజాలన్నికన్ 

పిలచెన్ నన్నటు హస్తినాపురము నా పీఠంబు నీదేయనన్

 

నిలువన్ జాలక బంగభూమికిని తానేగంగ తోచున్నిటుల్:

కలిగెన్ గోరిక శ్రీసతీవిభునకున్ గైలాసమే యేలఁగన్

(కంది శంకరయ్య గారి సౌజన్యంతో)

************************************************************************************************

శంకరార్పణం - 2775

**********************************************************************************************

శంకరాభరణం సమస్య - 2775

"హరికిఁ గైలాస మేలెడు నాశ గలిగె"

పరుగు పెట్టుచు వెడలెను బంగ భూమి 

ఫెడరలు దళము మనమని గడుసరిగను 

హస్తినాపురి నేలెడు మస్తి తోడ...

హరికిఁ గైలాస మేలెడు నాశ గలిగె :)

(కంది శంకరయ్య గారి సౌజన్యంతో)

***************************************************************************************************************************************

శంకరార్పణం - 1868

**************************************************************************************************

శంకరాభరణం సమస్య - 1868

"సోనియాగాంధి మోడీకి చుట్ట మగును"

సోనియా గాంధి మోడీకి చుట్టమగును

మేనకా గాంధి సోనియ మిత్రయగును 

సానియా మిర్జ షోయబు శత్రువగును 

కాన రానివి కలలోన ఖాయమగును

(కంది శంకరయ్య గారి సౌజన్యంతో)

***************************************************************************************************************************************

శంకరార్పణం - 1077

**********************************************************************************************

శంకరాభరణం పద్య రచన - 1077

కవిమిత్రులారా,

“ఇడుములు వచ్చును పోవును...”

ఇది పద్యప్రారంభం. 

దీనికి కొనసాగిస్తూ పద్యాన్ని పూర్తి చేయండి.

ఇడుములు వచ్చును పోవును

వడగండ్లు కురిసి వెలిసెడి వానల వోలెన్ 

తడబడి లేచిన వెంటనె 

ధడబడమని నెత్తి మీద ధాటిగ  కుమ్మున్

(కంది శంకరయ్య గారి సౌజన్యంతో)

**************************************************************************************************************************************

శంకరార్పణం - 1076

********************************************************************************************

శంకరాభరణం పద్య రచన - 1076

కవిమిత్రులారా,

“కలిమి వివేకశీలురకుఁ గల్గఁగఁ జేయు...”

ఇది పద్యప్రారంభం. 

దీనికి కొనసాగిస్తూ పద్యాన్ని పూర్తి చేయండి.

కలిమి వివేకశీలురకుఁ గల్గఁగఁ జేయును శీర్షకోశమే

చెలిమియు పారిపోవుగద చీకటి దారుల నప్పుసొప్పులన్

బలిమియు తీరిపోవుగద బంధు జనావళి వాంఛలూడ్చగా

విలువలు మారిపోవుగద వీధుల వెంబడి రచ్చహెచ్చగా :)

శీర్షకోశము = తలనొప్పి

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 2774 (2)

*************************************************************************************************

శంకరాభరణం సమస్య - 2774

"పిల్లి జనింపఁగాఁ బులికి వింతగఁ జెప్పుకొనంగ నొప్పునా"

చెల్లియొ చెల్లకో పులయ చెల్లెలి కూతుకు పుత్రునివ్వగా

ఇల్లరికంబటంచు సుతుడింటిని వీడగ చెల్లికల్లుడై

మెల్లగ మెల్లగా ఘనుడు మెత్తని పిల్లిగ మారిపోవగా...

పిల్లి జనింపఁగాఁ బులికి వింతగఁ జెప్పుకొనంగ నొప్పునా?

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 2774

************************************************************************************************

శంకరాభరణం సమస్య - 2774

"పిల్లి పుట్టెఁ బులికి వింత యగునె"

తల్లి మాట వినక తందాన తానంచు 

పెళ్ళి జేసి కొనగ ప్రేమయంచు 

నిల్లు వీడి జనిన నిల్లరికమ్మందు 

పిల్లి పుట్టెఁ బులికి వింత యగునె :)

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 1866

*************************************************************************************************

శంకరాభరణం సమస్య - 1866

"గంగాసుతుఁ డాలమున శిఖండినిఁ జంపెన్"

బెంగాలున మోడి వెడలి 

సింగారముతో మమతను సిగ్గున ముంచెన్...

 

రంగా! ఇది యెట్లన్నన్: 

గంగాసుతుఁ డాలమున శిఖండినిఁ జంపెన్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 1865

*********************************************************************************************

శంకరాభరణం సమస్య - 1865

"కఠినచిత్తులు గద కన్నవారు"

మా వాచ్మన్ సంసారం: 

అమ్మ పెట్టదింత అడుగ నీయదు ముష్టి 

నాన్న తాగి తన్నె నిన్న నేడు 

కరుణ లేదు సుంత కన్నీరు మున్నీరు 

కఠినచిత్తులు గద కన్నవారు!

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 1073

*****************************************************************************************************

శంకరాభరణం పద్య రచన - 1073

కవిమిత్రులారా,

"కందిపప్పు చారు కటువయ్యెరా రామ ...'

ఇది పద్యంలో మొదటి పాదం. 

దీనిని కొనసాగిస్తూ పద్యం వ్రాయండి.

కందిపప్పు చారు కటువయ్యెరా రామ!

కంది పప్పు ధరలు గగన మంటె 

చింత పండు జూడ చెట్టుమీద కెదిగె 

సత్తు బోలె తెచ్చె నత్త గారు!

(కంది శంకరయ్య గారి సౌజన్యంతో)

****************************************************************************************************************************************

శంకరార్పణం - 1071

*********************************************************************************************

శంకరాభరణం - 1071

కవిమిత్రులారా,

"క్షణ మొక యుగమై తోఁచెను...' 

ఇది పద్యంలో మొదటి పాదం.

దీనిని కొనసాగిస్తూ పద్యం వ్రాయండి.

క్షణ మొక యుగమై తోఁచెను

కణకణమున శ్రాంతి యుడిగె కంపము హెచ్చెన్ 

తృణమో పణమో మామా! 

గుణమెంచక ఋణమునిమ్ము కూతురు పుట్టెన్!

(కంది శంకరయ్య గారి సౌజన్యంతో)

*************************************************************************************************************************************

శంకరార్పణం - 1070

********************************************************************************************

శంకరాభరణం పద్య రచన - 1070 

కవిమిత్రులారా,

"వచ్చి పోవుచుంద్రు బంధువుల్ మిత్రులు...' 

ఇది పద్యంలో మొదటి పాదం.

దీనిని కొనసాగిస్తూ పద్యం వ్రాయండి.

వచ్చి పోవుచుంద్రు బంధువుల్ మిత్రులు

జబ్బు జేసినంత సంతసముగ 

చూచి పోవుచుంద్రు చుట్టపు రీతిని 

రొక్కమడిగి నంత చిక్కరింక!

(కంది శంకరయ్య గారి సౌజన్యంతో)

**************************************************************************************************************************************

శంకరార్పణం - 2773

*****************************************************************************************

శంకరాభరణం సమస్య - 2773

"పోతన కావ్యమున రసపోషణ లేదే"

నూతన  పాండితి ప్రియుడై 

కోతలు కోయుచు విరిసెడి కోలాటమునన్ 

వేతన కోవిదుడనియెను: 

"పోతన కావ్యమున రసపోషణ లేదే!"

శంకరాభరణం సమస్య - 2773

"పోతన కావ్యమందు రసపోషణ సుంతయుఁ గానరాదయో"

వేతన భత్యమందునను వేడుక సుంతయు కానరాదయో 

నేతల చేతలందునను నేరము సుంతయు కానరాదయో

జాతక చక్రమందునను చంద్రుడు సుంతయు కానరాడయో... 

పోతన కావ్యమందు రసపోషణ సుంతయుఁ గానరాదయో!

(కంది శంకరయ్య గారి సౌజన్యంతో)

*********************************************************************************************

శంకరార్పణం - 1858

*********************************************************************************************

శంకరాభరణం సమస్య - 1858

"మానము పోవలె నటంచు మానిని తలచెన్"

గానుగ నెద్దును వోలుచు 

కోనల కొండల నొకటియె కొట్టగ స్పీచిన్ 

సోనియ కొమరునికిక స 

మ్మానము పోవలె నటంచు మానిని తలచెన్

(కంది శంకరయ్య గారి సౌజన్యంతో)

**************************************************************************************************************************************

శంకరార్పణం - 1857

***********************************************************************************************

శంకరాభరణం సమస్య - 1857

"కారమ్మే భూజనులకుఁ గడు హిత మొసఁగున్"

వారము వర్జ్యమును గనక 

కోరిక మీరగను స్వీట్లు కుమ్మగ వెగటై ...

జోరుగ నుల్లుల మిర్చుల 

కారమ్మే భూజనులకుఁ గడు హిత మొసఁగున్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 1066

************************************************************************************************

శంకరాభరణం పద్య రచన - 1066

కవిమిత్రులారా!

“నే నొక పూలమొక్క కడ నిల్చి...”

ఇది కరుణశ్రీ గారి పద్యప్రారంభం. 

దీనిని కొనసాగిస్తూ (పుష్పవిలాపాన్ని ప్రస్తావించకుండా) పద్యం వ్రాయండి.

నే నొక పూలమొక్క కడ నిల్చి సుమమ్ముల గ్రోలుచుండగా

వానల కాలమందు విరి వన్నెల సోయగ మొల్లుచుండగా

దీన దయాళుడైన విధి తీరుల గాంచుచు విస్తుపోవగా 

తూనిగ ముక్కుపై నడర తుమ్మగ ఝమ్మని పారిపోయెనే :)

anti-poetry👆

(కంది శంకరయ్య గారి సౌజన్యంతో)

***************************************************************************************************************************************