శంకరార్పణం - 2805 (2)

********************************************************************************************

శంకరాభరణం సమస్య - 2805 (2)

"అంబలితో సమంబు లగునా చవిఁ జూచినఁ బంచభక్ష్యముల్"

జంబము జూపుచున్ మగడు చల్లని నీటిని స్నానమొల్లగా 

తొంబలు దోమలున్ పెరికి తొమ్మిది రోజులు మూల్గుచుండగా

కంబళి ద్రోసి పుచ్చుచును కంఠపు శోషను తీర్ప హాయిగా 

నంబలితో సమంబు లగునా చవిఁ జూచినఁ బంచభక్ష్యముల్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 1220

*********************************************************************************************

శంకరాభరణం పద్య రచన - 1220

కవిమిత్రులారా! 👆

పై చిత్రాన్ని పరిశీలించి తగిన పద్యాన్ని వ్రాయండి.

మిర్చి బజ్జి జూడ మిరిమిడిగా నుండు 

కొరికి నంత ఘాటు గూబ కంటు

 

క్రొత్త పొలతి జూడ మెత్తనై యుండదె..

.

విశ్వ దాభి రామ వినుర వేమ

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 2805

********************************************************************************************

శంకరాభరణం సమస్య - 2805

"అంబలికి సమం బగునె భక్ష్యములు దినఁగ"

చలి జ్వరము తోడ వారము పలుకు లేక 

మంచి నీరము తోడనె మాత్రలిడగ 

కంబళిని త్రోసి యాకలి కడుపు నింప...

నంబలికి సమం బగునె భక్ష్యములు దినఁగ!

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 2029

*****************************************************************************************************

శంకరాభరణం సమస్య - 2029

"మాట నిలుకడ లేకున్న మాన్యుఁ డగును"

వక్ర శుక్రనీతి (భాగ్యనగర పోతన): 👇

పెళ్ళి చూపులందును నాడ పిల్ల లందు 

ప్రాణ విత్త మానములకు భంగ మందు 

బాప లావులు భయపడి పారు నపుడు 

మాట నిలుకడ లేకున్న మాన్యుఁ డగును :)

(కంది శంకరయ్య గారి సౌజన్యంతో)

*************************************************************************************************

శంకరార్పణం - 2028

*************************************************************************************************

శంకరాభరణం సమస్య - 2028

"నీరు జల్లినంత నిప్పు రగిలె"

నల్లనయ్యఁ దూచు నారదీయమ్మైన 

పందె మందు నెగ్గి పరవశిల్లు 

రుక్కిణమ్మ మీద రొండు చుక్కల్లు ప 

న్నీరు జల్లినంత నిప్పు రగిలె :)

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 1219

*************************************************************************************************

శంకరాభరణం పద్య రచన - 1219

కవిమిత్రులారా! 👆

పై చిత్రాన్ని పరిశీలించి తగిన పద్యాన్ని వ్రాయండి.

దగ్గర దగ్గరగా నే 

ముగ్గురు పిల్లలను గంటి ముచ్చట మీరన్ 

ముగ్గురును వాన నీటను 

సిగ్గును వీడుచు విడిచిరి చీనీ బోటుల్ 

😢

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 2027

**********************************************************************************************

శంకరాభరణం సమస్య - 2027

"గీతను పఠియించు నరుఁడు కోతి యగును"

సంస్కృతముకొంత నేర్చిన చాలు ననుచు 

నొంటరి తనము తాళక నొళ్ళు మరచి 

కల్లు త్రాగుచు రాత్రిని కామ సూత్ర 

గీతను పఠియించు నరుఁడు కోతి యగును :)

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 2804 (3)

**********************************************************************************************

శంకరాభరణం సమస్య - 2804 (3)

"ప్రకృతి వినాశనంబె కడు పావన కార్యము ధాత్రిలోపలన్"

చకచక నోట్ల పంపకము, చల్లని కల్లున బొజ్జ నింపుటన్,

పకపక నవ్వులాడుచును పంచుట స్వప్నపు సౌధరాజముల్,

వికటపు చేష్ట లన్నియును, వింతలు భారత దేశమందు నీ 

ప్రకృతి వినాశనంబె కడు పావన కార్యము ధాత్రిలోపలన్ :)

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 1218

**********************************************************************************************

కవిమిత్రులారా! 

పై చిత్రాన్ని పరిశీలించి తగిన పద్యాన్ని వ్రాయండి.

స్కూలుకు పోవా భడవా! 

మేలైనది నీ బ్రతుకిట మిట్టూరోడా!

చాలున పచార్లు వెంటనె  

చాలించిక నే.బి.సీ.లు చదువుర కన్నా!

https://te.m.wikipedia.org/wiki/మిట్టూరోడి_పుస్తకం

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 2804 (2)

*********************************************************************************************

శంకరాభరణం సమస్య - 2804 (2)

"ప్రకృతి వినాశనమె మిగులఁ బావనము భువిన్"

అకటా! దోమలు నల్లులు 

వికటించెడి కందిరీగ విరివిగనీగల్...

లుకలుక బొద్దెంకలటుల 

ప్రకృతి వినాశనమె మిగులఁ బావనము భువిన్!

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 2804

********************************************************************************************

శంకరాభరణం సమస్య - 2804

"ప్రకృతి వినాశనమె మిగులఁ బావనము భువిన్"

చకచక నోట్లను పంచుచు 

పకపక నవ్వుచును వోట్లు పండించెడి యా 

వికటపు నేతల దుష్టపు 

ప్రకృతి వినాశనమె మిగులఁ బావనము భువిన్! 

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 2026

**************************************************************************************************

శంకరాభరణం సమస్య - 2026

"మతము మారని జనులకు హితము లేదు"

అచ్చు తప్పున్నదిచటను ముచ్చటైన: 

"మతము మారని జనులకు హితము లేదు"

"అసలు హైదరబాదు"న సిసలు గాను:👇

మతము మారిన జనులకు హితము లేదు!

https://m.youtube.com/watch?v=eA7YbXrZ71A

(కంది శంకరయ్య గారి సౌజన్యంతో)

***********************************************************************************************************************************************************************

శంకరార్పణం - 1217

***************************************************************************************************

శంకరాభరణం పద్య రచన - 1217

కవిమిత్రులారా!☝️

పై చిత్రాన్ని పరిశీలించి తగిన పద్యాన్ని వ్రాయండి.

డజను గులాబులు తినగనె 

వజను కడుపున పెరుగుగగ వాంతులు వచ్చున్.

..

సుజనులు పోటీలందున 

భుజబలమున పిండి మెండు పూడ్చురు కుక్షుల్!

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 2025

**********************************************************************************************

శంకరాభరణం సమస్య - 2025

"బెండు మునుఁగు నినుపగుండు దేలు"

గురువు కరుణ కలుగ క్రూరత్వము లుడిగి 

సాత్వికమ్ము హెచ్చు సరసముంగ...

 

శంకరయ్యగారి సవరణమ్ముల తోడ 

బెండు మునుఁగు నినుపగుండు దేలు

 

🙏

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 1216

***********************************************************************************************

శంకరాభరణం పద్య రచన - 1216

కవిమిత్రులారా!👆

పై చిత్రాన్ని పరిశీలించి తగిన పద్యాన్ని వ్రాయండి.

పర్యావరణ రక్షక రాజకీయ నేతలు: 👇

కట్టెలు కొట్టెడి యమ్మల 

కొట్టెదరీ యుగము నందు క్రూరులు ననుచున్ 

గుట్టుగ పోషించెదరహొ 

పుట్టెడు బుద్ధుల నడవుల పులి వీరప్పన్ :)⇃

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 2024

**************************************************************************************************

శంకరాభరణం సమస్య - 2024

"అక్కను ప్రేమించి పెండ్లియాడె ముదమునన్"

హైదరబాదీయం: 👇

చక్కగ నూరుము కత్తిని 

చిక్కెనుగా నేడు మనకు చెప్పిన వినకే 

ధిక్కరిలుచు మనలను నీ 

యక్కను ప్రేమించి పెండ్లియాడె ముదమునన్!

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 2024 (2)

************************************************************************************************

శంకరాభరణం సమస్య - 2024 (2)

"పిల్లినిఁ జంకఁ బెట్టుకొని పెండ్లికి నేగుట పుణ్యకార్యమౌ"

కల్లును ముంతలో నిడుచు కాటికి నేగుట తండ్రిఁ గాల్చగన్...

చిల్లర కోరికల్నిడుచు చిత్తము నందున కాశికేగుటన్...

చెల్లవు భారతావనిని చెన్నుగ ముద్దిడ మోడినిన్...యథా

పిల్లినిఁ జంకఁ బెట్టుకొని పెండ్లికి నేగుట పుణ్యకార్యమౌ!

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 2803

*********************************************************************************************

శంకరాభరణం సమస్య - 2803

"పిల్లినిఁ జంక నిడుకొనియె పెండ్లికిఁ జనుమా"

అల్లరి బెట్టెడి నమ్మిక 

లెల్లను నగుబాటు జేయ నింపుగ సభలో...

 

గుల్లను గొట్ట శకునములఁ 

బిల్లినిఁ జంక నిడుకొనియె పెండ్లికిఁ జనుమా!

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 1215

*************************************************************************************************

శంకరాభరణం పద్య రచన - 1215

కవిమిత్రులారా! 👆

పై చిత్రాన్ని పరిశీలించి తగిన పద్యాన్ని వ్రాయండి.

అన్నా! భాగ్యనగరమున:👇

చస్తూ బ్రతుకుతు నీవిక 

కుస్తీ పట్టంగ నేల కుండల తోడన్

రస్తా లన్నిట దొరకుచు 

సుస్తీ లన్నిటిని బాపి సుఖమిడు మస్తీ! ⥕

(కంది శంకరయ్య గారి సౌజన్యంతో)

***************************************************************************************************************************************************