శంకరార్పణం - 3035

**************************************************************************************************

శంకరాభరణం సమస్య - 3035

"రాముని రాఘవున్ బొగడరా దనిలాత్మజ భక్తితో నిటన్"

గోముగ "సాగరమ్ము" నిట గొప్పగు రీతిని శుద్ధిజేయకే

రూమున హాయిగా వెలిసి రోడ్డు రిపేరులు చేయకుండనే 

నీమము లన్నియున్ విడిచి నిద్దుర పోవగ కల్వకుంటడౌ

రాముని రాఘవున్ బొగడరా దనిలాత్మజ భక్తితో నిటన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3035

*************************************************************************************************

శంకరాభరణం సమస్య - 3035

"రాముని రాఘవున్ బొగడరా దనిలాత్మజ భక్తితో నిటన్"

కామము క్రోధమున్ విడుచు కార్యపు సిద్ధికి పూనుకొంచు భల్

నీమము తప్పకుండగను నీతిని రీతిని నాదరించుచున్

గోముగ తీర్చకుండనిట గుంభన తోడుత రామకార్యముల్ 

రాముని రాఘవున్ బొగడరా దనిలాత్మజ భక్తితో నిటన్

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 517

*****************************************************************************************************

శంకరాభరణం సమస్య - 517

"గిరిధారికి భార మావగింజ తలంపన్"

అరచుచు కేకలు పెట్టుచు 

పరిపరి వేదము చదివిన పండితుడిలలో 

కఱవడు వృశ్చిక మంత్రము:

గిరిధారికి భార మావగింజ తలంపన్

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 516

****************************************************************************************************

శంకరాభరణం సమస్య - 516

"ననుఁ బూజించిన వారె పొందుదు రనం తంబైన సత్సంపదల్"

శంకర ఉవాచ:

చనుచున్ కైలస పర్వతాగ్రమునకున్ శాస్త్రీయ మార్గమ్మునన్ 

కొనుచున్ కొబ్బరి కాయలన్ విరివిగా కొట్టించి లింగమ్ముకున్

వినరా! రాహులు! మందబుద్ధి ఘనుడా! వీక్షించి ధ్యానమ్మునన్

ననుఁ బూజించిన వారె పొందుదు రనం తంబైన సత్సంపదల్

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 3034

*****************************************************************************************************

శంకరాభరణం సమస్య - 3034

"ఉత్పలగంధిరో యిపుడు నీ వూహూ యనం బాడియే"

(ఛందోగోపనము)

ఇల్లరికం అల్లుడు: 

చవుకన్ గొన్టిని గార్దభమ్ము ననుచున్ సంతోషమై బాదగా

నవమానమ్మును సైచలేకనిక నే నత్తయ్యకున్ జెప్పకే

కవరున్ దోపుచు త్యాగపత్రమును నే కర్నూలుకున్ పారగా 

యువతీ! ఉత్పలగంధిరో! యిపుడు నీ వూహూ యనం బాడియే!

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 3034

**************************************************************************************************

శంకరాభరణం సమస్య - 3034

"ఉత్పలగంధిరో యిపుడు నీ వూహూ యనం బాడియే"

(ఛందోగోపనము)

చెమటల్ పోసెను నాకిటన్ సుఖముగా శీఘ్రమ్ముగా పల్కవే 

"కమలం" చిహ్నము వాడిపోయెగదనే కంగారునన్  భారతీ!

సమరంబందున పారిపోయితివి నీ సల్లాపమే లేదుగా... 

ఉమరో! యుత్పలగంధిరో!యిపుడు నీ వూహూ యనం బాడియే!

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 508

******************************************************************************************************

శంకరాభరణం సమస్య - 508

"కుందేటికి మూడు కాళ్ళు కుక్కకు వలెనే"

పందెము కాసితి గెలిచితి:

జందెము జూపిన హనుమకు జానెడు తోకే!

సుందరి ప్రియంక! నమ్ముము:

కుందేటికి మూడు కాళ్ళు కుక్కకు వలెనే!

(కంది శంకరయ్య గారి సౌజన్యంతో)

***************************************************************************************************************************************************

 

శంకరార్పణం - 506

*****************************************************************************************************

శంకరాభరణం సమస్య - 506

"ఏనుఁగు జన్మించె నొక్క యెలుక కడుపునన్"

దీనపు మేరీ మాతకు

కూనగ రోమునను బుట్టి గుప్పెడు గుడిసెన్

కానగ సోనియ గాంధిని:

"ఏనుఁగు జన్మించె నొక్క యెలుక కడుపునన్"

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 505

*******************************************************************************************************

శంకరాభరణం సమస్య - 505

"దీపావళి పోరు సలిపె తిమిరముతోడన్"

పాపారాయుడు త్రాగగ 

దీపమ్ముకు దుడ్డులేక తిండికి గూడన్

చీపురు కాల్చిన మంటను

దీపావళి పోరు సలిపె తిమిరముతోడన్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 502

*****************************************************************************************************

శంకరాభరణం సమస్య - 502

"నేనే నీవైతినేమొ? నీవే నేనో?"

ఆ నాటి నాదు కూటిని 

నా నోటిని నుండి లాగి నగితివి జగనూ!

పోనీలే! క్షవరమ్మున

నేనే నీవైతినేమొ? నీవే నేనో?

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 3033

***************************************************************************************************

శంకరాభరణం సమస్య - 3033

"దంష్ట్రలమీఁద శంకరుఁడు దాండవమాడెను రాము కైవడిన్"

దంష్ట్రములూడ బీకగను దారుణ రీతిని మోడివర్యుడే

దంష్ట్రములన్నియున్ కలిపి దాపున జేర్చుచు రుద్రరూపుడై 

దంష్ట్రిని వోలుచున్ చెలగి దండము నెత్తుచు హైద్రబాదులో

దంష్ట్రలమీఁద శంకరుఁడు దాండవమాడెను రాము కైవడిన్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 501

******************************************************************************************************

శంకరాభరణం సమస్య - 501

"అంతర్ధానముఁ జెందెఁ బ్రాణదయితుం డర్ధాంగి కాల్మ్రొక్కగన్"

పంతంబట్టుచు మూడు మాసములుగా పక్కింటి రాణెమ్మతో

శాంతాబాయిది పాట క్లాసునను నే సంతోషమున్ జేరితిన్

సంతాపమ్మును నాదు తీర్చి విను నా సంగీత పాఠమ్మనన్ 

అంతర్ధానముఁ జెందెఁ బ్రాణదయితుండర్ధాంగి కాల్మ్రొక్కగన్

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 498

*****************************************************************************************************

శంకరాభరణం సమస్య - 498

"కుంచములోఁ బోతునక్క కూనలఁ బెట్టెన్"

దంచుచు స్పీచులు మమ్మీ! 

కంచములో పెట్టె నన్న గాడిద గుడ్లన్ 

ముంచుచు గంగను కాంగ్రెసు 

కుంచములోఁ బోతునక్క కూనలఁ బెట్టెన్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 496

***************************************************************************************************

శంకరాభరణం సమస్య - 496

"దొరకని దొరలును దొరికిన దొంగలునొకటే!"

తరుగవ గుడిలో సొమ్ములు 

త్వరపడి పోలీసులకట తండుకొనంగా 

పరుగిడ నోటిని వేలిడి 

దొరకని దొరలును దొరికిన దొంగలునొకటే!

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3032

***************************************************************************************************

శంకరాభరణం సమస్య - 3032

"తాఁబేలును గెల్వఁగాఁ జెవులపిల్లికి సాధ్యమె స్పర్థఁ బూనినన్"

(ఛందోగోపనము)

బోలెడు సాహసమ్ముగొని పోరును జేరుచు గెల్వబూనగా

చాలును వేగ మొక్కటను ఛాందసు లెల్లరి మాట నమ్మకే

కీలక మైన కిట్కులను క్రిందను మీదను నేర్చినట్టి తాఁ

బేలును గెల్వఁగాఁ జెవులపిల్లికి సాధ్యమె స్పర్థఁ బూనినన్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3032

*************************************************************************************************

శంకరాభరణం సమస్య - 3032

"తాఁబేలును గెల్వఁగాఁ జెవులపిల్లికి సాధ్యమె స్పర్థఁ బూనినన్"

(ఛందోగోపనము)

వాలములెత్తి గంతులిడు వారము మేమని గర్వమొందుచున్

 

కాలము మారగా కనక కాంగ్రెసు నేతలు కున్కు తీయుచున్

పాలకులమ్ము మేమనుచు పార్లియమెంటుకు పోటిలోన...తాఁ

బేలును గెల్వఁగాఁ జెవులపిల్లికి సాధ్యమె స్పర్థఁ బూనినన్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 495

****************************************************************************************************

శంకరాభరణం సమస్య - 495

"జ్ఞానము లేనట్టివాఁడు సద్గురు వయ్యెన్"

తానెవరో తనదేదో 

కానుచు హృదయమ్మునందు ఘనమగు ప్రీతిన్

మీనము మేషము జోస్యపు 

జ్ఞానము లేనట్టివాఁడు సద్గురు వయ్యెన్

(కంది శంకరయ్య గారి సౌజన్యంతో)

**********************************************************************************************************************************************