శంకరార్పణం - 3238

**************************************************************************************************************

శంకరాభరణం సమస్య - 3238

"వంతల నిచ్చుఁగాత నవవత్సర మెల్లఁ బ్రజాళి మెచ్చఁగన్"

"IIT KGP Jindabad!"

వింతగ ఖర్గపూరునను విడ్డుర మౌచును ఛాత్రులెల్లరున్

సంతసమొంద భౌతికపు శాస్త్రము నేర్పుచు విఱ్ఱవీగెడిన్

పంతుల పింఛనున్ పెరిగి భారపు రీతిని నిర్మలమ్మకున్ 

వంతల నిచ్చుఁగాత నవవత్సర మెల్లఁ బ్రజాళి మెచ్చఁగన్!

(కంది శంకరయ్య గారి సౌజన్యంతో)

***************************************************************************************************

శంకరార్పణం - 3238

******************************************************************************************************

శంకరాభరణం సమస్య - 3238

"వంతల నిచ్చుఁగాత నవవత్సర మెల్లఁ బ్రజాళి మెచ్చఁగన్"

"దీర్ఘ సుమంగళీ భవ!" 

పొంతము మీరగా వలచి పోరును బెట్టుచు రాత్రివేళనున్ 

సుంతయు భర్తనున్ విడని షోకులు మీరిన భాజపానిదౌ 

కాంతయె వచ్చుచున్ వడిగ కాంగ్రెసు నేతగు రాహులన్నకున్ 

వంతల నిచ్చుఁగాత నవవత్సర మెల్లఁ బ్రజాళి మెచ్చఁగన్!

(కంది శంకరయ్య గారి సౌజన్యంతో)

*****************************************************************************************************

శంకరార్పణం - 3237

*****************************************************************************************************

శంకరాభరణం సమస్య - 3237

"కాంతకు వీడుకోలు వలుకం దగు నేఁడు హితమ్ముఁ గోరుచున్"

పొంతము పోవగా నసిగి ప్రొద్దున రాత్రిని రోజురోజునన్

శాంతము సౌఖ్యమున్ విరిచి సర్దుకు పోవుట చేతగాకయే

కాంతయె దయ్యమౌచు వడి గంతులు వేయగ నెత్తిమీదనున్ 

కాంతకు వీడుకోలు వలుకం దగు నేఁడు హితమ్ముఁ గోరుచున్

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 3237

****************************************************************************************************

శంకరాభరణం సమస్య - 3237

"కాంతకు వీడుకోలు వలుకం దగు నేఁడు హితమ్ముఁ గోరుచున్"

పొంతము మీరగా నగుచు ప్రొద్దున రాత్రిని రోజురోజునన్

శాంతము సౌఖ్యమున్ విరివి సంతస మిచ్చెడి వేళనందునన్

కాంతయె గర్భమున్ కొనగ గంతులు వేయుచు కాన్పు కోసమై

కాంతకు వీడుకోలు వలుకం దగు నేఁడు హితమ్ముఁ గోరుచున్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 112

********************************************************************************************************

శంకరాభరణం వృత్త సమస్య - 112

"శిశిరముఁ గాంచి యెందులకు చింత వసంతము రాకపోవునే?"

వశమును జేసి రాక్షసుని భగ్గున మండుచు  కూల్చు దుర్గనా

దశరను మర్చిపోవుచును దారుణ రీతిని నాల్గుప్రక్కలన్

దిశలను జూచి వణ్కుచును తీయుచు శాలువ కప్పుచున్న నీ 

శిశిరముఁ గాంచి యెందులకు చింత వసంతము రాకపోవునే?

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 111

******************************************************************************************************

శంకరాభరణం వృత్త సమస్య - 111

"ధ్వని చేతన్ రసభంగమౌను పరమార్థం బెల్ల వ్యర్థం బగున్"

ఘనమౌ రీతిని సంధ్యవార్చగనహో కైవల్యమున్ పొందగన్

...

శనివారంబని శాస్త్రయుక్తముగనున్ జంబమ్ముగా గారెలన్

తినగన్ భార్యలు వేచగా నుదయమున్  తీండ్రించుచున్ సుర్రనున్

ధ్వని చేతన్ రసభంగమౌను పరమార్థం బెల్ల వ్యర్థం బగున్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 3236

**********************************************************************************************************

శంకరాభరణం సమస్య - 3236

"అవధానంబఁట రాణ్మహేంద్రవరమం దయ్యో భయం బయ్యెడిన్"

లవలేశమ్మును సిగ్గువీడుచునహో రంగమ్మునన్ దూకుచున్

పవలున్ రేయిని టీవి జూచుచునయో పాకమ్ములన్ మానుచున్

నవలల్ బోలెడు నవ్వుచున్ చదివెడిన్ నానమ్మగారిట్లనెన్: 

"అవధానంబఁట రాణ్మహేంద్రవరమం దయ్యో భయం బయ్యెడిన్"

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3236

*******************************************************************************************************

శంకరాభరణం సమస్య - 3236

"అవధానంబఁట రాణ్మహేంద్రవరమం దయ్యో భయం బయ్యెడిన్"

భవనం బందున నిద్దురోవకనయో బ్రహ్మాండమౌ తీరునన్

పవలున్ రేయిని కుస్తిబట్టుచునహో ప్రాబ్లెమ్లు సృష్టించెడిన్

కవులన్ జూచుచు నవ్వులన్ కురుపుచున్ కాకమ్మ తానిట్లనెన్: 

"అవధానంబఁట రాణ్మహేంద్రవరమం దయ్యో భయం బయ్యెడిన్"

(కంది శంకరయ్య గారి సౌజన్యంతో)

***************************************************************************************************

శంకరార్పణం - 108

************************************************************************************************************

శంకరాభరణం వృత్త సమస్య - 108

"అపకార మ్మొనరించు దుష్టులకు సాహాయ్యంబు సేయం దగున్"

అమిత్ షా ఉవాచ: 

చపలమ్మున్ విడి కాంగ్రెసాధములనున్ జన్యమ్మునన్ పోరుచున్

నెపముల్ జెప్పక హస్తినమ్ముననహో నీమమ్ములన్ వీడుచున్

తపమున్ జేయుచు రాహులన్ననికనున్  తాడించి బాధించుచు 

న్నపకార మ్మొనరించు దుష్టులకు సాహాయ్యంబు సేయం దగున్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 107

*****************************************************************************************************





శంకరాభరణం వృత్త సమస్య - 107

"చూచెడి చూపు వెన్కఁ గల చూపును జూచెడు వాఁడు ధన్యుఁడౌ!

వేచుచు వెంగళప్పవలె ప్రీతిని నూదుచు వేణుగానమున్ 

కాచుచు జామతోటనట కన్నును కొట్టగ కన్నెపిల్లకున్ 

దోచుచు చీరలన్నియును దొంగతనమ్మున గోకులమ్ములో 

చూచెడి చూపు వెన్కఁ గల చూపును జూచెడు వాఁడు ధన్యుఁడౌ!

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 3235

*****************************************************************************************************

శంకరాభరణం సమస్య - 3235

"పడఁతులు పాశురమ్ములను భక్తిఁ బఠించినఁ గల్గుఁ బాపముల్"

విడువక మేనమామలను వీధుల వెంబడి గేలిజేయుచున్

చెడుగుడునాడి భర్తలను చెప్పుల తోడను గారవించుచున్

నడవడి మాన్ప కుండగయె నందన మొందుచు రోజురోజునన్ 

పడఁతులు పాశురమ్ములను భక్తిఁ బఠించినఁ గల్గుఁ బాపముల్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3235

************************************************************************************************

శంకరాభరణం సమస్య - 3235

"పడఁతులు పాశురమ్ములను భక్తిఁ బఠించినఁ గల్గుఁ బాపముల్"

తడబడకుండ తప్పులను ధైర్యము మించగ పూటపూటనున్

మిడిమిడి జ్ఞానమందునను మిక్కిలి ప్రీతిని నొక్కివాగుచున్

విడువక దోసెలన్ తినుచు వీనుల విందుగ గొంతులెత్తుచున్

పడఁతులు పాశురమ్ములను భక్తిఁ బఠించినఁ గల్గుఁ బాపముల్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 106

*****************************************************************************************************

శంకరాభరణం వృత్త సమస్య - 106

"రామా రమ్మని కేలుసాచి పిలిచెన్ రమ్యమ్ముగా రాధయే"

రామారావును పెండ్లియాడుచునహో రాధమ్మ కొండాడుచున్

సీమంతమ్మున హైద్రబాదు జనుచున్ శృంగారమే మించగా

దోమల్ గూడను దోసెలన్ తినగనన్ దోబూచులన్ వీడుచున్

రామా రమ్మని కేలుసాచి పిలిచెన్ రమ్యమ్ముగా రాధయే!

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 104

****************************************************************************************************




 శంకరాభరణం వృత్త సమస్య - 104

"సీతారాముని గుండెఁ జీల్చితివి రాశీభూతపాపాగ్నివై"

కోతల్ కోసెడు కమ్యునిష్టులనటన్ కోపించి చెండాడుచున్ 

వాతల్ పెట్టుచు మోడి వర్యుడహహా బంగాలు రాష్ట్రమ్మునన్

తాతల్ నాటిది రాజ్యమున్ వడివడిన్ తన్నంగ నేచూరుడౌ 

సీతారాముని గుండెఁ జీల్చితివి రాశీభూతపాపాగ్నివై...

(కంది శంకరయ్య గారి సౌజన్యంతో)

***************************************************************************************************************************************

శంకరార్పణం - 102

******************************************************************************************************

శంకరాభరణం వృత్త సమస్య - 102

"పండితులైన వారల కబద్ధములాడుట భావ్యమే కదా!"

కొండలు త్రవ్వుచున్ సతము గొప్పగ తీయుచు మూషికమ్ములన్

కుండలలోన గుఱ్ఱములు కూరిమి మీరగ త్రోలుచున్ సదా

దండుగ మాలినన్ కథలు దండిగ చెప్పుచు తిండికోసమై

పండితులైన వారల కబద్ధములాడుట భావ్యమే కదా!

(కంది శంకరయ్య గారి సౌజన్యంతో)

**************************************************************************************************

శంకరార్పణం - 101

********************************************************************************************************

శంకరాభరణం వృత్త సమస్య - 101

"శ్రీపతియే దరిద్రుఁడు కుచేలుని కంటెను నమ్ము మిత్రమా"

చూపుచు పారిజాతమును స్రుక్కుచు సోలుచు వెక్కియేడ్చుచున్

వీపున గ్రుద్దుచుండగను విశ్రమ మీయక రాత్రిప్రొద్దుటన్

కోపపు సత్యనున్ విడువకుండగ సుంతయు నుండలేనియా

శ్రీపతియే దరిద్రుఁడు కుచేలుని కంటెను నమ్ము మిత్రమా!

(కంది శంకరయ్య గారి సౌజన్యంతో)

*************************************************************************************************************

శంకరార్పణం - 100

**************************************************************************************************

శంకరాభరణం వృత్త సమస్య - 100

"వనిత కదేల సిగ్గు మగవానికె యయ్యది శోభఁ గూర్చెడున్"

తనరుచు జూచి టీవి కడు తన్మయ మొందుచు రాత్రి ప్రొద్దుటన్

తినుచును జంకు ఫుడ్డులను తీరిక లేకయె బజ్జుకొంటుచున్

పనులను మాని వంటలను భర్తకు నిచ్చుచు ప్రొద్దుపుచ్చెడిన్ 

వనిత కదేల సిగ్గు మగవానికె యయ్యది శోభఁ గూర్చెడున్

(కంది శంకరయ్య గారి సౌజన్యంతో)

***********************************************************************************************

శంకరార్పణం - 99

******************************************************************************************************

శంకరాభరణం వృత్త సమస్య - 99

"చెలువుగ రామలక్ష్మణులు సీతకుఁ దమ్ములు శంభుఁ డన్నయున్"

కులుకుచు కానవాసమున కుండల పుల్లని గంజిత్రాగుచున్

గలభను జేసి గట్టిగను గార్దభ తీరున పాటపాడుచున్

పలికిరి వెఱ్ఱి మాటలను పాండుని పుత్రులు నిట్టిరీతినిన్: 

"చెలువుగ రామలక్ష్మణులు సీతకుఁ దమ్ములు శంభుఁ డన్నయున్"

(కంది శంకరయ్య గారి సౌజన్యంతో)

***************************************************************************************************

శంకరార్పణం - 98

*****************************************************************************************************

శంకరాభరణం వృత్త సమస్య - 98

"తురకలు సంధ్య వార్తురట తోయములన్‌ గొనితెమ్ము జానకీ!"

గురకలు కొట్టు నిద్దురను గుట్టుగ లేచియు భీతినొందుచున్

చురకలు వోలు భాషణలు సుందర రీతిని కట్టిపెట్టుచున్

పరువులు పెట్టి భాజపను పన్నుగ చూడగ హైద్రబాదునన్

తురకలు సంధ్య వార్తురట తోయములన్‌ గొనితెమ్ము జానకీ!

(కంది శంకరయ్య గారి సౌజన్యంతో)

********************************************************************************************

ఆకాశవాణి సమస్య

*********************************************************************************************************

శంకరాభరణం సమస్య - 3234

"దానముఁ జేయఁగాఁ గలుగు దారుణ వేదన సజ్జనాళికిన్"

కోనల కోనలన్ దవిలి కొండొక శ్రేష్ఠుని కానరాకయే 

మీనము మేషమెంచకయె మిక్కిలి ప్రీతిని ముద్దుకన్నియన్ 

సోనియ బిడ్డకిచ్చి తన షోకుల జూచుచు రోమునందునున్ 

దానము జేయగా గలుగు దారుణ వేదన  సజ్జనాళికిన్

(కంది శంకరయ్య గారి సౌజన్యంతో)

**********************************************************************************************************************************************

ఆకాశవాణి సమస్య

*******************************************************************************************************

శంకరాభరణం సమస్య - 3234

"దానముఁ జేయఁగాఁ గలుగు దారుణ వేదన సజ్జనాళికిన్"

వీణను గూర్చియిచ్చుచును వీనుల విందుగ శాస్త్రబద్ధమౌ 

గానము నేర్పుచున్ విరివి జ్ఞానము నిచ్చుచు తానమందునన్... 

పూనుచు ముద్దు కన్నియను పూర్తిగ శ్రోత్రము లేనివానికిన్ 

దానము జేయగా గలుగు దారుణ వేదన  సజ్జనాళికిన్

(కంది శంకరయ్య గారి సౌజన్యంతో)

********************************************************************************************************************************************