శంకరార్పణం - 767

****************************************************************************************************

శంకరాభరణం వృత్త సమస్య - 767

"భీతిని ముందు కేగిననె ప్రీతి జగద్విజయమ్ము దక్కురా"

రాతిరి ప్రొద్దునన్ గనక రాగనె నింటికి తల్పుతీయుచున్ 

మూతిని త్రిప్పి యత్తయయె ముక్కును చీదగ వెక్కసమ్మునన్ 

చేతిని చెప్పునున్ గొనుచు చిత్తుగ బాదెద నంచు వీడుచున్ 

భీతిని; ముందు కేగిననె ప్రీతి జగద్విజయమ్ము దక్కురా

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 766

*****************************************************************************************************

శంకరాభరణం వృత్త సమస్య - 766

"దేహమ్మున్ విడనాడి చూడుము సఖా ధీరత్వ మేపారఁగన్"

మోహమ్మందున మోస పోయి తనువున్ ముమ్మాటికిన్ నమ్ముచున్

బాహాటమ్ముగ జేసి పాపములనున్ పండంటి రోగాలతో

హాహా కారము జేయకే గురువునున్ హ్లాదమ్మునన్ గొల్చి సం 

దేహమ్మున్ విడనాడి చూడుము సఖా ధీరత్వ మేపారఁగన్

(కంది శంకరయ్య గారి సౌజన్యంతో)

*********************************************************************************************

శంకరార్పణం - 764

*****************************************************************************************************

శంకరాభరణం వృత్త సమస్య - 764

"చీకటిలోపలన్ వెదుకఁ జిక్కును వస్తుచయంబు దప్పకన్"

తాకటపెట్టి నావుగద దండుగ మాలిన నీదు తెల్వినిన్

రాకెటు సైన్సు గాదుగద లంఘన మొప్పగ తుంబనందునన్ 

పాకెటు టార్చినిన్ గొనుచు బ్యాటరి మార్చుచు మూర్ఖనాథుడా! 

చీకటిలోపలన్ వెదుకఁ జిక్కును వస్తుచయంబు దప్పకన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3356

***************************************************************************************************

శంకరాభరణం సమస్య - 3356

"మునిఁ గని రాజులెల్లఁ దలపోసిరి కాలుఁ డటంచు భీతితోన్"

పనియును పాట నొల్లకయె భాజప బంధము త్రుంపివేయగా

తినుచును నోటమిన్ మిగుల తియ్యని ఘాసము, శత్రుపక్షమౌ

వనముల జేరి కుట్రలను పన్నుచు, జాలము లల్లుచుండు సో

మునిఁ గని రాజులెల్లఁ దలపోసిరి కాలుఁ డటంచు భీతితోన్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3356

*************************************************************************************************

శంకరాభరణం సమస్య - 3356

"మునిఁ గని రాజులెల్లఁ దలపోసిరి కాలుఁ డటంచు భీతితోన్"

తునుముచు వైరులెల్లరిని దుంపలు త్రెంచుచు కాంగ్రెసాదులన్

తినుచును భాజపాల కడు తీపిగ, త్రోలుచు కమ్యునిస్టులన్

ఘనమగు బస్సు స్ట్రైకునట గండర గండుని వోలె చీల్చు సో

మునిఁ గని రాజులెల్లఁ దలపోసిరి కాలుఁ డటంచు భీతితోన్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 762

************************************************************************************************

శంకరాభరణం వృత్త సమస్య - 762

"హానిం జేయని యాతఁ డెవ్విధినిఁ దా నాచార్యుఁడై యొప్పునో"

కోనల్ కోనల దేవులాడి మదినిన్  కొండాడుచున్ దైవమున్

ధ్యానమ్మున్ కడు జేసి పొందగనహో ధర్మాత్ముడౌ నొజ్జ తా

వీనుల్ విందుగ సత్యమున్ నుడువుచున్ వేవేల మౌఢ్యమ్ములన్

హానిం జేయని యాతఁ డెవ్విధినిఁ దా నాచార్యుఁడై యొప్పునో

(కంది శంకరయ్య గారి సౌజన్యంతో)

****************************************************************************************************************************************

శంకరార్పణం - 761

**************************************************************************************************

శంకరాభరణం వృత్త సమస్య - 761

"మ్రొక్కెఁ బతివ్రతాసుతుఁడు పూజ్యులు తండ్రుల కెల్ల భక్తితోన్"

తిక్కది పాతబస్సు గొని తీరిక మీరగ ముత్తుకూరుకున్

స్రుక్కుచు చేరుచున్ మిగుల సుందర రూపుడు బూటు విప్పుచున్ 

గ్రక్కున నైదు భర్తలకు కాంతగు వేశ్యకు నేకమాత్రుడై 

మ్రొక్కెఁ;..బతివ్రతా!;...సుతుఁడు పూజ్యులు తండ్రుల కెల్ల భక్తితోన్

సంతోషమా! 

😊

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 759

*****************************************************************************************************

శంకరాభరణం వృత్త సమస్య - 759

"సతి సతి క్రీడ సల్ప మగసంతు జనించెను మెచ్చి రెల్లరున్"

1950s :

పతిజని యాసుపత్రికిని బాపన వీధిని ముత్తుకూరునన్ 

మతిచెడి నిండు గర్భిణిని మానిని గైకొని చేర్చగా వడిన్ 

చతికిలి కూరుచుండియట సర్పము నిచ్చెన, మంత్రసానులౌ 

సతి సతి క్రీడ సల్ప; మగసంతు జనించెను మెచ్చి రెల్లరున్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 757

**************************************************************************************************

శంకరాభరణం వృత్త సమస్య - 757

"...కౌపీనము దాల్చువాఁడె కద సంపన్నుండు దర్కించినన్"

పరలోకమ్మున మామగారు చనగా ప్రారబ్ధ కర్మంబునన్

మురిపెమ్మొందుచు నత్తగారికను సంపూర్ణంబుగా జేర తాన్

పరువుల్ పెట్టుచు చేరి సాధువులనున్ పార్వేయుచున్ దుస్తులన్

వరకౌపీనము దాల్చువాఁడె కద సంపన్నుండు దర్కించినన్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 756

***************************************************************************************************

శంకరాభరణం వృత్త సమస్య - 756

"పొలమును దున్నినంత సుత పుట్టట యెట్టుల సాధ్య మమ్మరో"

కలములు కాగితమ్ములను కమ్మగ గూర్చక బల్లమీదనున్

బలుపగు భక్తి తోడుతను భారతి మాతకు మ్రొక్కకుండనున్

వలపున ఛంద శాస్త్రమును వాసిగ నేర్వక;...పోతనయ్య వోల్

పొలమును దున్నినంత సుత పుట్టట యెట్టుల సాధ్య మమ్మరో

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3355

**************************************************************************************************

శంకరాభరణం సమస్య - 3355

"బడులను మూసివేయఁగనె భారతి మెచ్చెను మోదమందుచున్"

IIT-Orientation  Preparatory Schools: 

బడులను విప్ప నాయకులు వందల లక్షలు కూడబెట్టుటన్ 

గడవక తిండి తిప్పలయొ కాంతలు చేరుచు టీచరమ్మలై 

తడబడకుండ కూనలకు తప్పులు చెప్పగ, విఱ్ఱవీగెడిన్ 

బడులను మూసివేయఁగనె భారతి మెచ్చెను మోదమందుచున్

(కంది శంకరయ్య గారి సౌజన్యంతో)

********************************************************************************************

శంకరార్పణం - 3355

*************************************************************************************************

శంకరాభరణం సమస్య - 3355

"బడులను మూసివేయఁగనె భారతి మెచ్చెను మోదమందుచున్"

పడుచును లేచి వర్తకులు భళ్ళున నేడ్చుచు కొట్లు మూయగా

తడబడకుండ పద్యములు దండిగ వ్రాయగ నాదు బోంట్లహో...

జడియుచు వైరసమ్మకును చక్కగ నేతల నల్లదుడ్డు  రా 

బడులను మూసివేయఁగనె భారతి మెచ్చెను మోదమందుచున్

(కంది శంకరయ్య గారి సౌజన్యంతో)

************************************************************************************************

శంకరార్పణం - 755

***************************************************************************************************

శంకరాభరణం వృత్త సమస్య - 755

"గరుడుఁడు సర్పభీతుఁడయి గ్రక్కునఁ జొచ్చెను పుట్టలోనికిన్"

పరువుచు లేటుగా జనుచు పాలపు సంద్రము నావులించుచున్

వరలుచు చూడగా హరియె వాహన మెక్కక భూమి బోవగన్,...

తరుముచు బుస్సుబుస్సుమన,...దగ్గుచు తుమ్ముచు పారిపోవుచున్ 

గరుడుఁడు సర్పభీతుఁడయి గ్రక్కునఁ జొచ్చెను పుట్టలోనికిన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 754

*****************************************************************************************************

శంకరాభరణం వృత్త సమస్య - 754

"మోదము నందరే ప్రజలు మూర్ఖుఁ డొకండు నృపాలు డైనచోన్"

ఏదిర శిస్తురా యనిన నేడ్చుచు కన్నుల నీరు నింపుచున్ 

రోదన చేయుచున్ మిగుల రొప్పుచు రోయుచు గుండె బాదుచున్ 

పాదము లొత్తుచున్ పదుల పద్యము లల్లుచు నెత్తికెత్తుచున్ 

మోదము నందరే ప్రజలు మూర్ఖుఁ డొకండు నృపాలు డైనచోన్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 752

*****************************************************************************************************

శంకరాభరణం వృత్త సమస్య - 752

"శివపుత్రుండు మఱంది గాఁడె హరికిన్ శ్రీకాంతకుం బౌత్రుఁడౌ"

పవలున్ రేయిని ముత్తుకూరి నడుమన్ బాదంపు ఛాయందునన్

కవనం బందున ప్రాజ్ఞులమ్మనుచు భల్ గాఢంపు చర్చందునన్

చవటల్ జేరుచు మద్యమున్ కుడువ నీ శాస్త్రంబువే వెల్వెడెన్:

"శివపుత్రుండు మఱంది గాఁడె హరికిన్ శ్రీకాంతకుం బౌత్రుఁడౌ"

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 751

****************************************************************************************************

శంకరాభరణం వృత్త సమస్య - 751

"తారానాథుని భీతితో నణువు మధ్యన్ దాఁగె సంద్రంబు సూ"

పిచ్చి సమస్యకు వెఱ్ఱి పూరణ: 

తారానాథుని నీరహీనుడనుచున్ దారిద్ర్యమున్ దెప్పగా 

తారానాథుడు క్రుద్ధుడౌచు జలధిన్ తాడింప వెంటాడగా 

చేరంగా శితికంఠు పాదములనున్ శీర్షమ్మునన్ గాంచగా 

తారానాథుని, భీతితో నణువు మధ్యన్ దాఁగె సంద్రంబు సూ

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 749

************************************************************************************************

శంకరాభరణం వృత్త సమస్య - 749

"పూల ధరింప నిష్టపడు ముగ్ధలు లోకమునందు నుందురే"

నూలుది చీరగట్టుచును నూలుది బ్లౌసును చెంత చేర్చుచున్ 

పేలవమైన మోమునను పెద్ద విభూతిది బొట్టు పెట్టుచున్ 

మేలగు నత్తగారినిక మెల్లగ నాకము చేర్చు వేళనున్ 

పూల ధరింప నిష్టపడు ముగ్ధలు లోకమునందు నుందురే

(కంది శంకరయ్య గారి సౌజన్యంతో)

*********************************************************************************************************************************************