శంకరార్పణం - 3385

******************************************************************************************************

శంకరాభరణం సమస్య - 3385

"భావము గానమై నెగడఁ బ్రాణము ఱంపపుఁ గోఁతఁ బొందెడిన్"

త్రోవను పోవుచున్ వినగ తోరపు ప్రీతిని వానకాలమున్

కోవెల బైట నాదటను కూరిమి మీరగ ముత్తుకూరునన్ 

కావలె మాకు మీరనుచు కప్పలు మెండుగ ప్రేమచూపగన్ 

భావము గానమై నెగడఁ బ్రాణము ఱంపపుఁ గోఁతఁ బొందెడిన్.....

(కంది శంకరయ్య గారి సౌజన్యంతో)

************************************************************************************************

శంకరార్పణం - 3385

*************************************************************************************************

శంకరాభరణం సమస్య - 3385

"భావము గానమై నెగడఁ బ్రాణము ఱంపపుఁ గోఁతఁ బొందెడిన్"

నావల కాదురా యనక నందము నొందక గొంతు చీల్చుచున్

బావురు మంచు నేడ్చి కడు బాధల నోర్చుచు ప్రేమకోసమై

చేవయె లేక పాడగను చేడియ నేర్పగ మిస్సియమ్మలో

భావము గానమై నెగడఁ బ్రాణము ఱంపపుఁ గోఁతఁ బొందెడిన్

"మీకు మీరే మాకు మేమే"

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 3384

************************************************************************************************

శంకరాభరణం సమస్య - 3384

"అయ్యో యొక్కఁడు గూడ పద్యముల వ్రాయంబోఁడు నేనౌననన్ "

కయ్యమ్మున్ కడు చేయకే విడిచియా గారాబు నాంగ్లమ్మునున్

పొయ్యిన్ బెట్టుచు నన్యదేశ్యములనున్ పొంగారు నాంధ్రమ్మునన్

వయ్యారంబగు నర్ధ శూన్యములతో బ్రహ్మాండమౌ ధారతో 

నయ్యో యొక్కఁడు గూడ పద్యముల వ్రాయంబోఁడు నేనౌననన్

(కంది శంకరయ్య గారి సౌజన్యంతో)

************************************************************************************************

శంకరార్పణం - 3384

*****************************************************************************************************

శంకరాభరణం సమస్య - 3384

"అయ్యో యొక్కఁడు గూడ పద్యముల వ్రాయంబోఁడు నేనౌననన్ "

సయ్యాటంబుల తోడుతన్ తెలుగునన్ సవ్యంపు ఛందస్సుతో

వయ్యారంబగు శైలినిన్ గరపుచున్ బ్రహ్మాండమౌ ప్రీతినిన్

కుయ్యోయంచును నేను మొత్తుకొనగా ఘోరంపు తప్పుల్ వినా

యయ్యో యొక్కఁడు గూడ పద్యముల వ్రాయంబోఁడు నేనౌననన్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3383

****************************************************************************************************

శంకరాభరణం సమస్య - 3383

"పిచ్చుక కోటిరూప్యముల వేగముగా సమకూర్చె నద్దిరా"

కలియుగ భాగవతము: 

నచ్చక ఖేదనమ్మునిక నమ్ముచు బాల్యపు స్నేహమాదటన్ 

రచ్చను జేసి కేకలిడి లాభము లేదుర నీవటంచు తా

ముచ్చట మీర ద్వారకకు పూరుషు పంపుచు మూటతోడనున్ 

పిచ్చుక కోటిరూప్యముల వేగముగా సమకూర్చె నద్దిరా

(కంది శంకరయ్య గారి సౌజన్యంతో)

********************************************************************************************

శంకరార్పణం - 3383

***************************************************************************************************

శంకరాభరణం సమస్య - 3383

"పిచ్చుక కోటిరూప్యముల వేగముగా సమకూర్చె నద్దిరా"

నచ్చక పిచ్చివేషములు నందము నొందక జంద్యమూనుటన్ 

నెచ్చెలి యౌచు భ్రాతకిక నేరుపు చూపగ రాజనీతినిన్

రచ్చను జేసి కాంగ్రెసున రమ్యముగాదిగి యూ.పి. నేతగా 

పిచ్చుక కోటిరూప్యముల వేగముగా సమకూర్చె నద్దిరా

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3382

**************************************************************************************************

శంకరాభరణం సమస్య - 3382

"చదువే రాదను వానికిన్ సకల శాస్త్రజ్ఞుండు శిష్యుం డగున్"

వదనంబందున లక్ష్మి రేఖలననున్  ప్రారబ్ధమే వ్రాయగా 

కుదురౌ రీతిని స్టాకుమార్కెటులనున్ కుప్పించి నర్తించుచున్

పదులున్ లక్షల కోటులన్ పడయుచున్ బంగారుతో పాటుగా 

చదువే రాదను వానికిన్ సకల శాస్త్రజ్ఞుండు శిష్యుం డగున్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3382

***************************************************************************************************

శంకరాభరణం సమస్య - 3382

"చదువే రాదను వానికిన్ సకల శాస్త్రజ్ఞుండు శిష్యుం డగున్"

మదమున్ హిట్లరు వోలుచున్ పలుకుచున్ మర్యాద లేకుండనే

ముదమున్ వోటరు కెల్లరున్ కుడుపుచున్ మోదంపు బిర్యానినిన్

కదనంబందున నారితేఱి జగమున్ కంపించు మూఢాత్ముడౌ 

చదువే రాదను వానికిన్ సకల శాస్త్రజ్ఞుండు శిష్యుం డగున్

(కంది శంకరయ్య గారి సౌజన్యంతో)

***********************************************************************************************

శంకరార్పణం - 3381

***************************************************************************************************

శంకరాభరణం సమస్య - 3380

"చూడనిదానిఁ జూచితిని చూడకు మన్నను దొంగచాటుగన్"

వేడుక మీర మెచ్చగను పెండిలి యాడిన క్రొత్త రాత్రులన్,

మాడిన మోముతో వధువు మండుచు తిట్టుచు మొట్టుచుండగా

పోడిమి స్వప్నమందునను ముద్దుల మాధురి, జీవనమ్మునన్ 

చూడనిదానిఁ, జూచితిని చూడకు మన్నను దొంగచాటుగన్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3381

********************************************************************************************************

శంకరాభరణం సమస్య - 3380

"చూడనిదానిఁ జూచితిని చూడకు మన్నను దొంగచాటుగన్"

మోడి ఉవాచ (నాతో రహస్యముగా):

తోడుగ నెక్కి కాప్టరును దొంగల చూపున జాలమందునన్

వేడుక మీర చూచి కడు వేదన లిచ్చిన గాలివాననున్...

పోడిమి మీర పోవగను ముద్దుల కొల్కత; నా ముఖమ్మునున్ 

చూడనిదానిఁ జూచితిని చూడకు మన్నను దొంగచాటుగన్

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 3380

***************************************************************************************************

శంకరాభరణం సమస్య - 3380

"దీవెన లిచ్చువాఁడె కడు దీనత దేహి యటంచు నిల్చెనే"

నాడు...నేడు: 

కోవెల లోన కాపురము కొండొక రీతిని చక్కబెట్టుచున్ 

కావలి కాచి దేవునకు గౌరవ మొందుచు నడ్డపంచెతో 

పావుల బేడ గైకొనుచు పండులు తీర్థము గోపురమ్ముతో 

దీవెన లిచ్చువాఁడె కడు దీనత దేహి యటంచు నిల్చెనే

(కంది శంకరయ్య గారి సౌజన్యంతో)

**************************************************************************************************

శంకరార్పణం - 3380

************************************************************************************************

శంకరాభరణం సమస్య - 3380

"దీవెన లిచ్చువాఁడె కడు దీనత దేహి యటంచు నిల్చెనే"

లావుగ గబ్బిలమ్ములను లాగుచు కుమ్ముచు, చీనివాసులే

దీవెనలిచ్చి పంపగను తీరిచి దిద్దుచు భారతావనిన్ 

కోవిడు వైరసున్, జడిసి కోవెల ద్వారము మోడి మూయగా 

దీవెన లిచ్చువాఁడె కడు దీనత దేహి యటంచు నిల్చెనే

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 3379

************************************************************************************************

శంకరాభరణం సమస్య - 3379

"సింగం బక్కట సింధురమ్ములకు నిస్తేజంబుగాఁ జిక్కెడిన్"

Julius Caesar:

జంగం దేవర పల్కులన్ వినకయే జాప్యమ్మునున్ జేయకే

కంగారొందక సీజరే చనగదా గండమ్మునున్ గానకే

పొంగారొందెడు జంబమున్ విడువకే పోవంగ రచ్చస్థలిన్:

సింగం బక్కట సింధురమ్ములకు నిస్తేజంబుగాఁ జిక్కెడిన్

రచ్చస్థలి = రచ్చ జరుగు స్థలము = senate (parliament)

(కంది శంకరయ్య గారి సౌజన్యంతో)

*****************************************************************************************************

శంకరార్పణం - 3379

******************************************************************************************************

శంకరాభరణం సమస్య - 3379

"సింగం బక్కట సింధురమ్ములకు నిస్తేజంబుగాఁ జిక్కెడిన్"

కంగారొందక జబ్బలన్ జఱచుచున్ గాండ్రించి కోపించుచున్ 

భంగున్ త్రాగుచు జంద్యమూని చనగన్ ప్రారబ్ధకర్మంబునన్ 

రంగమ్మందు నమేఠినిన్ తగులగా రాకాసి సైన్యంబునన్

సింగం బక్కట సింధురమ్ములకు నిస్తేజంబుగాఁ జిక్కెడిన్

(కంది శంకరయ్య గారి సౌజన్యంతో)

***********************************************************************************************

శంకరార్పణం - 933

*************************************************************************************************

శంకరాభరణం వృత్త సమస్య - 933

"తిమిరము నిండు నెల్లెడల దీపము లెన్నియొ వెల్గుచుండినన్"

భవనము వీడి వీధులను భండన మాడగ నిశ్చయించి తా

కమలపు ధాటి కోర్చుటను కాంగ్రెసు నేతకు చేత గాకయో

సమరమునందు నోడగను జంద్యము పీకుచు పారవేయగన్  

తిమిరము నిండు నెల్లెడల దీపము లెన్నియొ వెల్గుచుండినన్

(కంది శంకరయ్య గారి సౌజన్యంతో)

**********************************************************************************************

శంకరార్పణం - 3378

***************************************************************************************************

శంకరాభరణం సమస్య - 3378

"మల్లెల నాగరాజు గని మానసమందున రోసె నయ్యయో"

పల్లెలు పట్నవాసులును పద్యములొల్లి వధానమందునన్ 

చల్లగ పిల్చి శాలువలు చక్కగ కప్పగ కాకినాడనున్

తల్లులు పిల్లలీయగను తట్టల నిండుగ క్రుళ్ళిపోయినన్

మల్లెల, నాగరాజు గని మానసమందున రోసె నయ్యయో

(కంది శంకరయ్య గారి సౌజన్యంతో)

*****************************************************************************************

శంకరార్పణం - 3378

**************************************************************************************************

శంకరాభరణం సమస్య - 3378

"మల్లెల నాగరాజు గని మానసమందున రోసె నయ్యయో"

అల్లరి చేయనెంచి కడు హాయిగ నేగుచు మాటిమాటికిన్

చిల్లర ప్రశ్నలేయుచును చిక్కులు తెచ్చి వధానమందునన్

పుల్లలు పెట్టెడిన్ కవుల ముద్దుల మోముల కొంటె నవ్వులన్

మల్లెల నాగరాజు గని మానసమందున రోసె నయ్యయో

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3

***************************************************************************************************

శంకరాభరణం వృత్త సమస్య - 3

"రాతికి నాతిపైన ననురాగము గల్గుట నైజమే కదా!"

రాతిరి ప్రొద్దుటందు కడు రచ్చను జేయుచు కోడలమ్మపై

మూతిని త్రిప్పి మెండుగను ముద్దును ముచ్చట చూపజాలకే

రాతిని బోలు నైజమును లావుగ గల్గిన నాతిఁ జూడగా

రాతికి నాతిపైన ననురాగము గల్గుట నైజమే కదా!

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 2

*****************************************************************************************************

శంకరాభరణం వృత్త సమస్య - 2

"జనకునకున్ సుతుండు పరిచర్య లొనర్చుట పాపకృత్యమౌ"

చనుచును కూతురింటికిని చక్కగ చేరుచు సూటుబూటుతో

తినుచును మూడు పూటలును తీరుపు చెప్పుచు నన్ని చిక్కులన్...

వినకయె తండ్రి మాటలను వెఱ్ఱిగ వీగెడు ధర్మపత్నికిన్ 

జనకునకున్ సుతుండు పరిచర్య లొనర్చుట పాపకృత్యమౌ

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 1

****************************************************************************************************

శంకరాభరణం వృత్త సమస్య - 1

"దైవముఁ గొల్వరా దనుచు ధర్మవిదుల్ వచియింతు రెల్లెడన్"

నీవలె నావలెన్ సతము నీటికి పోరుచు హైద్రబాదునన్ 

పావల బేడలందుకొని భక్తుల బ్రోవుచు రేట్లవారిగా 

కోవెల లోనె కూర్చొనుచు కూటికి గుడ్డకు దేబిరించెడిన్ 

దైవముఁ గొల్వరా దనుచు ధర్మవిదుల్ వచియింతు రెల్లెడన్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3377

***************************************************************************************************

శంకరాభరణం సమస్య - 3377

"రోదింపం దగదంటిరా విను కరోనా బూచినిం బిల్చెదన్"

తుఫానుకు ముందు: 

చాదస్తమ్ముగ పోరు సల్పుచునయో జన్యమ్మునందోడుచున్

క్రోధమ్మున్ దగ సైచ జాలకనయో కుప్పించి వే గంతుచున్

దీదీ! నీవిక మోడినిన్ కఱచుచున్ తీవ్రమ్ముగా దూఱుచున్ 

రోదింపం దగదంటిరా విను కరోనా బూచినిం బిల్చెదన్

(కంది శంకరయ్య గారి సౌజన్యంతో)

***************************************************************************************************

శంకరార్పణం - 3377

*******************************************************************************************************

శంకరాభరణం సమస్య - 3377

"నా మాటల్ వినకుండ నేడ్చిన కరోనా బూచినిం బిల్చెదన్"

దోమల్ గూడను హైద్రబాదునగరిన్ తోరంపుటందమ్ముతో 

జాముల్ జాములు వేచి యుంటిరి గదా సామర్థ్యపుం కన్నియల్

చాముండేశ్వరి వోలు తల్లినికనున్ సాధించి బాధించకోయ్ 

నా మాటల్ వినకుండ నేడ్చిన కరోనా బూచినిం బిల్చెదన్

(కంది శంకరయ్య గారి సౌజన్యంతో)

********************************************************************************************************************************************