శంకరార్పణం - 3444

***************************************************************************************************

శంకరాభరణం సమస్య - 3444

"కవిసమ్రాట్టగు విశ్వనాథ కడు దుఃఖంబందె నీనాడయో"

లవలేశమ్మును శబ్దశాస్త్రముననున్ లావణ్యమున్ బొందకే

స్తవనీయమ్మగు శంకరాభరణమున్ శాస్త్రీ! ప్రకోపంబునన్ 

కవిసమ్రాట్టును నేనహోయనుచు వే కందంబులన్ వ్రాయగా 

కవిసమ్రాట్టగు విశ్వనాథ కడు దుఃఖంబందె నీనాడయో!

(కంది శంకరయ్య గారి సౌజన్యంతో)

************************************************************************************************

శంకరార్పణం - 3443

**********************************************************************************************





శంకరాభరణం సమస్య - 3443

"వరలక్ష్మీ వ్రత మాచరింపవలె సద్భక్తిన్ దగం బూరుషుల్"

బరువౌ జీతపు జాబులూడగనయో బంజార హిల్సందునన్

కరొనా రోజుల పూరుషుల్ దిగులునన్ ఖాళీగ కూర్చుండగా

తరుణుల్ జేయగ వర్కుహోముననయో తాదాత్మ్యమై ఫోనులన్

వరలక్ష్మీ వ్రత మాచరింపవలె సద్భక్తిన్ దగం బూరుషుల్

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 3443

**********************************************************************************************************

శంకరాభరణం సమస్య - 3443

"వరలక్ష్మీ వ్రత మాచరింపవలె సద్భక్తిన్ దగం బూరుషుల్"

వరమౌ భాగ్యపు శంకరాభరణమున్ పద్యమ్ములన్ వ్రాయుచున్

దరహాసోక్తులు పల్కుచున్ ముదమునన్ ధారాళమౌ తీరునన్ 

సరదా పూరణలూనగన్ నగవుచున్;...సంతోషమున్ దారలే 

వరలక్ష్మీ వ్రత మాచరింపవలె సద్భక్తిన్ దగం;...బూరుషుల్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 3442

********************************************************************************************************

శంకరాభరణం సమస్య - 3441

"కమలాక్షుండు విషమ్ముఁ గ్రోలెనఁట లోకక్షేమముం గోరుచున్"

పాపము శమించుగాక! 

విమలమ్మౌ నొసటందునన్ తిలకమున్ వీర్యమ్ముతో నూనుచున్

సమమౌ జంద్యముదాల్చి యెన్నికలనున్ జంబమ్ముతో పోరుచున్

కుములంగా మన రాహులుండు వెతలన్ క్రుద్ధుండునై; ...గెల్వగన్ 

కమలాక్షుండు;...విషమ్ముఁ గ్రోలెనఁట లోకక్షేమముం గోరుచున్

కమలాక్షుడు = narendra DAMODAR modi

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3442

*************************************************************************************************

శంకరాభరణం సమస్య - 3441

"కమలాక్షుండు విషమ్ముఁ గ్రోలెనఁట లోకక్షేమముం గోరుచున్"

కమలమ్మున్ గొని భాజపా గుఱుతుగా గంభీర నాదమ్ముతో

తిమిరమ్మందున ఖడ్గమూని తనరెన్ దీదీని కవ్వించగన్

సమమౌ యుద్ధము గాంచి వంగముననున్ సాక్షాత్తుగా భీతుడై 

కమలాక్షుండు విషమ్ముఁ గ్రోలెనఁట లోకక్షేమముం గోరుచున్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3441

*********************************************************************************************************

శంకరాభరణం సమస్య - 3441

"మతి లేనట్టి మరుత్సుతున్ గొలిచెదన్ మాంగల్యముం గోరుచున్"

వెతలన్ సైచుచు వండిపెట్టుచునహో ప్రేమంబునొల్కించెడిన్

సతినిన్ గోరుచు నర్ధహస్తముననున్ స్వర్గమ్ము చూపెట్టెడిన్ 

పతినిన్ బొందగ పూర్వజన్మ వలనన్ బంగారు నీయంగనున్ 

మతి లేనట్టి; మరుత్సుతున్ గొలిచెదన్ మాంగల్యముం గోరుచున్

అన్వయం: "బంగారు నీయంగనున్ మతిలేనట్టి పతినిన్ బొందగ..."

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3441

*****************************************************************************************************

శంకరాభరణం సమస్య - 3441

"మతి లేనట్టి మరుత్సుతున్ గొలిచెదన్ మాంగల్యముం గోరుచున్"

పతితుండౌచును హస్తినా పురమునన్ భాగ్యంబు కోల్పోవగా

స్వతహా లేకయె బుద్ధిశుద్ధి యిసుమున్ వైరాగ్య భావంబుతో 

నతిగా వాగుచు మోడినిన్ కరచుచున్ హైరాన గావించెడిన్ 

మతి లేనట్టి మరుత్సుతున్ గొలిచెదన్ మాంగల్యముం గోరుచున్

(కంది శంకరయ్య గారి సౌజన్యంతో)

************************************************************************************************

శంకరార్పణం - 3440

********************************************************************************************************

శంకరాభరణం సమస్య - 3440

"మానధనాఢ్యకున్ రవిక మాత్రము చాలును చీర యేటికిన్"

కోనల కోనలన్ వెదకి కొండొక వీధిని బేరమందునన్

జానెడు బెత్తెడున్ ముతక చౌకగు నూలుది మెచ్చి తీయుచున్

దానము చేయ నత్తయది దండుగ మాలిన తద్దినమ్మునన్ 

మానధనాఢ్యకున్ రవిక మాత్రము చాలును చీర యేటికిన్?

(కంది శంకరయ్య గారి సౌజన్యంతో)

**************************************************************************************************

శంకరార్పణం - 3440

***************************************************************************************************

శంకరాభరణం సమస్య - 3440

"మానధనాఢ్యకున్ రవిక మాత్రము చాలును చీర యేటికిన్"

చానయె ప్రీతినిన్ గొనుచు చక్కగ వచ్చియు శ్రావణమ్మునన్

వీనుల విందుగా తనరి భీతిని చెందక పాటపాడగన్

కానుక నీయగా మురిసి గంధము పూయుచు పేరటమ్మునన్

మానధనాఢ్యకున్ రవిక మాత్రము చాలును చీర యేటికిన్

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 3439

*****************************************************************************************************

శంకరాభరణం సమస్య - 3439

"రోగులె భాగ్యవంతులు కరోన కురోగ నియోగమందినన్"

బాగుగ కార్పొరేటులిట వందల కోటులు కర్చుపెట్టుచున్

రోగములెల్ల తీర్చుటకు రొప్పుచు రోజుచు కట్టిపెట్టగా

వేగమె వైద్యశాలనహ పెక్కురు చేరగ  హాయినొందరే

రోగులె భాగ్యవంతులు కరోన కురోగ నియోగమందినన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3439

*******************************************************************************************************

శంకరాభరణం సమస్య - 3439

"రోగులె భాగ్యవంతులు కరోన కురోగ నియోగమందినన్"

బాగుగ చేరకే విధిగ బంజరు హిల్సున నాసుపత్రినిన్

భోగము జేయుచున్ మిగుల ప్రొద్దున రాతిరి మందుగొట్టుచున్ 

దాగుచు నింటిమధ్యమున దగ్గులు తుమ్ములు తీరిపోయినన్ 

రోగులె భాగ్యవంతులు కరోన కురోగ నియోగమందినన్

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 3438

****************************************************************************************************

శంకరాభరణం సమస్య - 3438

"వంచన సేయువారల కవారిత మోక్షము మాధవుం డిడున్"

మంచిగ నేర్చి ఛందమును మక్కువ జూపుచు పద్యమందునన్

సంచుల నన్యదేశ్యములు చక్కగ వాడుచు పూరణంబులన్

కొంచెము గూడ సిగ్గువిడి కోతలు కోయుచు రాజనీతినిన్

వంచన సేయువారల కవారిత మోక్షముమాధవుండిడున్

ఉమాధవుడు = శంకరయ్య (కంది వారు)

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3438

***************************************************************************************************

శంకరాభరణం సమస్య - 3438

"వంచన సేయువారల కవారిత మోక్షము మాధవుం డిడున్"

దంచుచు మెండు భాషణల దాహము తీరక కాంగ్రెసందునన్

కొంచెము గూడ సిగ్గువిడి కోరుచు సీటులు మంత్రి మండలిన్

పంచను జేరి భాజపది పైకము నొందుచు రాహులయ్యనున్ 

వంచన సేయువారల కవారిత మోక్షము మాధవుం డిడున్

మాధవుడు = Madhavrao Jivajirao Scindia

(కంది శంకరయ్య గారి సౌజన్యంతో)

**********************************************************************************************

శంకరార్పణం - 3437

**************************************************************************************************

శంకరాభరణం సమస్య - 3437

"కారముఁ గల్గి యున్న కలకాలము మెత్తురు నీదు మాటలన్"

ఘోరపు భాజపానుగని గుట్టుగ నుండక గుఱ్ఱమెక్కుచున్ 

పారక కయ్యమందునను పండుగ జేయుచు మాటిమాటికిన్

వీరుని తీరు నోడుచును భీకర రీతిని రాహులయ్యరో! 

కారముఁ గల్గి యున్న కలకాలము మెత్తురు నీదు మాటలన్!

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3437

**************************************************************************************************

శంకరాభరణం సమస్య - 3437

"కారముఁ గల్గి యున్న కలకాలము మెత్తురు నీదు మాటలన్"

సారెలు బూరెలొందినను చాలవు నాకని పైకి పల్కుచున్

కోరిన సేవలందగను కుత్తుక నందున ప్రేమ దాచుచున్

తీరుగ కోడలిన్ వలచి తిక్కది లేవగ నత్తగారహో!

కారముఁ గల్గి యున్న కలకాలము మెత్తురు నీదు మాటలన్!

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 3436

*****************************************************************************************************

శంకరాభరణం సమస్య - 3436

"అవధానం బొనరింపఁగా వలెను వేశ్యాసంగతిన్ బొందుచున్"

కవులన్ బ్రోచెడు రాయలే విరివిగా కట్నమ్ములన్ జల్లగా

చెవులన్ బంగరు పోగులున్ గళమునన్ శృంగారమౌ భూషతో

పవలున్ రాతిరి గానకే పలుకుచున్ పద్యమ్ములన్ ప్రీతితో

నవధానం బొనరింపఁగా వలెను వేశ్యాసంగతిన్ బొందుచున్

(కంది శంకరయ్య గారి సౌజన్యంతో)

************************************************************************************************

శంకరార్పణం - 3436

********************************************************************************************************

శంకరాభరణం సమస్య - 3436

"అవధానం బొనరింపఁగా వలెను వేశ్యాసంగతిన్ బొందుచున్"

జవరాలే చన పుట్టినింట, వ్యధతో జాగ్రత్తనున్ వీడుచున్

రవివారమ్మున బుద్ధి గడ్డి తినగా రాజోలు పట్నమ్మునన్

భవుడౌ వైద్యుని చెంతకేగుచునహో భండారమున్ విప్పి తా 

నవధానం బొనరింపఁగా వలెను వేశ్యాసంగతిన్ బొందుచున్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 3435

***************************************************************************************************

శంకరాభరణం సమస్య - 3435

"కర్ణుండే పినతండ్రి పాండవులకున్ గాంగేయుఁడే మామయౌ"

ఎన్నికల ప్రచార వృత్తాంతము (2019):

నిర్ణీతంబగు కాలమున్ జనుచు తా నిష్ణాతుడై కోవెలన్

కర్ణాలన్ సరి చుట్టుచున్ ముదమునన్ గారాబు జందెమ్ముతో 

పర్ణంబుల్ వడి త్రిప్పి భారతమునన్ పల్కెన్ గదా రాహులే:

"కర్ణుండే పినతండ్రి పాండవులకున్ గాంగేయుఁడే మామయౌ"

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3435

**********************************************************************************************************

శంకరాభరణం సమస్య - 3435

"కర్ణుండే పినతండ్రి పాండవులకున్ గాంగేయుఁడే మామయౌ"

పూర్ణంబూరెల వండెదన్ ఘనముగా పూజించుచున్ మిమ్ములన్

స్వర్ణంబిచ్చెద కంది శంకరవరా! శాస్త్రంబులన్ నాకయో

వర్ణంబుల్ తెలియంగ రావు చెపుడీ వయ్యారమౌ రీతి మా

కర్ణుండే పినతండ్రి పాండవులకున్ గాంగేయుఁడే మామయౌ???

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3434

********************************************************************************************************

శంకరాభరణం సమస్య - 3434

"పూవులు మంటలం బొగలఁ బొల్తుకపై వడిఁ బుక్కిళించెరా"

కోవిడు వైరసాదటను కొంపలు ముంచగ వేనవేలవౌ

త్రోవను గానకే తుదకు తుమ్ముచు దగ్గుచు ముక్కుచీదుచున్

బావురు మంచు నేడ్వగను బంగలు దీదికి మోడిజల్లినన్ 

పూవులు మంటలం బొగలఁ బొల్తుకపై వడిఁ బుక్కిళించెరా

(కంది శంకరయ్య గారి సౌజన్యంతో)

***********************************************************************************************************************************************