శంకరార్పణం - 3560

 *************************************************************************************************************

శంకరాభరణం సమస్య - 3560

“నా కర్తవ్య మెఱుంగఁ జెప్పెదఁ బ్రజా నాశమ్మె సంక్షోభమే”

గిరీశపు చుట్ట ఉవాచ:

పేకల్ వేయుచు బల్లలన్ మురియుచున్ పేకాటలన్ మున్గుచున్

పీకల్ మూయుచు మ్రింగుచున్ జనులహో భీతిల్లకే ధూమమున్

జోకుల్ వేయుచు రింగులన్ విడుచుచున్ శోబిల్లగన్ క్లబ్బులన్

నా కర్తవ్య మెఱుంగఁ జెప్పెదఁ బ్రజా నాశమ్మె సంక్షోభమే...

(కంది శంకరయ్య గారి సౌజన్యంతో)

****************************************************************************************************

శంకరార్పణం - 3559

 ***********************************************************************************************************

శంకరాభరణం సమస్య - 3560

“నా కర్తవ్య మెఱుంగఁ జెప్పెదఁ బ్రజా నాశమ్మె సంక్షోభమే”

కోవిడ్ వైరసువాచ:

కేకల్ వేయుచు ముక్కులన్ ముడుచుచున్ క్రీడించగన్ మానవుల్

శోకమ్ముల్ కడు తెచ్చుచున్ జనులకున్ శోభించుచున్ మాస్కులన్

నాకమ్మందున పంపుచున్ వడివడిన్ నందమ్మునున్ బొందెడిన్

నా కర్తవ్య మెఱుంగఁ జెప్పెదఁ బ్రజా నాశమ్మె సంక్షోభమే...

(కంది శంకరయ్య గారి సౌజన్యంతో)

***************************************************************************************************************************************************************

శంకరార్పణం - 3559

 ***********************************************************************************************

శంకరాభరణం సమస్య - 3559

“తనయుండే తన తమ్ముఁడయ్యె ననఁగాఁ దప్పౌన యొప్పే యగున్”

వినకే లోకుల మాటలన్ విరివిగా భీతొందకే సౌతికిన్

కనుమా భర్తయె వీలునామ నిడుచున్ కాసింతయౌ దుడ్డునున్

ఘనమౌ రీతిని పంచగా తనకునున్ గారాబు సూనుండకున్ 

తనయుండే తన తమ్ముఁడయ్యె ననఁగాఁ దప్పౌన యొప్పే యగున్...

(కంది శంకరయ్య గారి సౌజన్యంతో)

******************************************************************************************************************************************

శంకరార్పణం - 3559

 ********************************************************************************************

శంకరాభరణం సమస్య - 3559

“తనయుండే తన తమ్ముఁడయ్యె ననఁగాఁ దప్పౌన యొప్పే యగున్”

దినమున్ రాతిరి కోరగా మురియుచున్ దేవుండ్లనున్ ప్రీతినిన్

మనముప్పొంగగ కూతుకున్ ప్రియముగా;...మాసమ్ములే నిండగా

కనుమా శంకర! చిన్న పాపఁగనగన్ గారాబుగా తల్లి తాన్

తనయుండే తన తమ్ముఁడయ్యె ననఁగాఁ దప్పౌన యొప్పే యగున్...

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 3558

 *****************************************************************************************************

శంకరాభరణం సమస్య - 3558

“కైలాసమ్మున శేషతల్పమున సౌఖ్యంబందె వాణీశుఁడే”

వీలున్ జూచుచు శంకరయ్య కడకున్ వేగమ్మునన్ జేరెగా;..

వ్రాలెన్ ముద్దుగనిచ్చి మోక్షమును తా వైనమ్ముగా హస్తికిన్;...

మేలౌ పద్మమునందునన్ బలుపుగా మెప్పొంది వాణెమ్మదౌ;...

కైలాసమ్మున;...శేషతల్పమున;..సౌఖ్యంబందె వాణీశుఁడే...

(కంది శంకరయ్య గారి సౌజన్యంతో)

********************************************************************************************************************************************************

శంకరార్పణం - 3558

 *******************************************************************************************************

శంకరాభరణం సమస్య - 3558

“కైలాసమ్మున శేషతల్పమున సౌఖ్యంబందె వాణీశుఁడే”

గోలన్ బెట్టి కరోన బాధలికనున్ కొండొక్కటిన్ సైచకే

నేలన్ గూలుట చేతకాక బలుపౌ నీమమ్ములన్ వీడుచున్

మేలౌ తీరున పద్మమున్ విడుచుచున్ మెప్పొందు స్వప్నమ్మునన్

కైలాసమ్మున శేషతల్పమున సౌఖ్యంబందె వాణీశుఁడే...

(కంది శంకరయ్య గారి సౌజన్యంతో)

***************************************************************************************************

శంకరార్పణం - 3556

 *********************************************************************************************************

శంకరాభరణం సమస్య - 3557

“రాముని భక్తు లెవ్వరన క్రైస్తవులే కద యెంచి చూచినన్”

"కరుణించు మేరి మాతా"

ధీమతినిన్ కనుంగొనుచు త్రిప్పలు సైచుచు దుడ్డుకోసమై...

ప్రేమను జూపి మోసమగు పెండ్లిని  యాడుచు చిత్రసీమనున్

నామము మిస్సమమ్మనగ నందము నొందెడి  నందమూరుడౌ

రాముని భక్తు లెవ్వరన క్రైస్తవులే కద యెంచి చూచినన్...

(కంది శంకరయ్య గారి సౌజన్యంతో)

****************************************************************************************************

శంకరార్పణం - 3556

 ********************************************************************************************************

శంకరాభరణం సమస్య - 3557

“రాముని భక్తు లెవ్వరన క్రైస్తవులే కద యెంచి చూచినన్”

కామము క్రోధమున్ విడిచి కమ్మగ పాడగ కీర్తనమ్ములన్

నోములు పండగా మురిసి నొప్పులు బాపుచు హైద్రబాదునన్

గోముగ చర్చికోసమిడ గొప్పగు దుడ్డులు కల్వకుంటడౌ

రాముని భక్తు లెవ్వరన క్రైస్తవులే కద యెంచి చూచినన్...

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3555

 *******************************************************************************************************

శంకరాభరణం సమస్య - 3556

“తలగడతోడఁ గొట్టఁగనె దైవమ! హా! తల బ్రద్ధలయ్యెనే”

బొద్దింక ఉవాచ:

వలపున నేను శయ్యనట వాలగ నెత్తిది నూనె గ్రోలగన్

తలపుల ప్రేమ మీరగను దాపున జేరుచు నన్ను చూడగా

కులసతి తీసి వెఱ్ఱిగను కుందుడు గంతులు వేసి చేరువన్

తలగడతోడఁ గొట్టఁగనె దైవమ! హా! తల బ్రద్ధలయ్యెనే...

(కంది శంకరయ్య గారి సౌజన్యంతో)

******************************************************************************************************

శంకరార్పణం - 3555

 ******************************************************************************************************

శంకరాభరణం సమస్య - 3556

“తలగడతోడఁ గొట్టఁగనె దైవమ! హా! తల బ్రద్ధలయ్యెనే”

పిలిచిన వెంటనే చనక ప్రీతిని చూచుచు ప్రక్కనింటిదౌ

కులసతినిన్ కనుంగొనుచు కూరిమి హెచ్చగ కన్నుగొట్టగన్

వలపులు మీరి యాదటను భామయె రోకలి దోపినట్టిదౌ

తలగడతోడఁ గొట్టఁగనె దైవమ! హా! తల బ్రద్ధలయ్యెనే...

(కంది శంకరయ్య గారి సౌజన్యంతో)

********************************************************************************************************************************************************

శంకరార్పణం - 3554

 *************************************************************************************************************

శంకరాభరణం సమస్య - 3555

“పుస్తకముల్ పఠించిననె పొందెద రెల్లరు పాపభారమున్"

వాస్తవ రీతి తెల్పెదను వంకర బుద్ధుల శిష్యవర్యుడా!

మస్తుగ లాస్టు బెంచినను మౌనపు రీతిని జాగ్రఫీదియౌ

పుస్తక మందునన్ ముడిచి ముగ్ధుడ వౌచును కామశాస్త్రపున్

పుస్తకముల్ పఠించిననె పొందెద రెల్లరు పాపభారమున్...

(కంది శంకరయ్య గారి సౌజన్యంతో)

************************************************************************************************

శంకరార్పణం - 3554

 ***********************************************************************************************************

శంకరాభరణం సమస్య - 3555

“పుస్తకముల్ పఠించిననె పొందెద రెల్లరు పాపభారమున్"

వాస్తవ రీతి తెల్పెదను వంకర బుద్ధుల శాస్త్రివర్యుడా!

విస్తరి ముందునన్ మరియు వేడుక వీడుచు శయ్యనందునన్

మస్తుగ రోజురోజు చని మందిర మందున బ్యాన్కు పాసువౌ

పుస్తకముల్ పఠించిననె పొందెద రెల్లరు పాపభారమున్...

(కంది శంకరయ్య గారి సౌజన్యంతో)

****************************************************************************************************

శంకరార్పణం - 3553

 ******************************************************************************************************

శంకరాభరణం సమస్య - 3554

“తేలును ముద్దులాడి సుదతీమణి బల్కెను తీయతీయఁగన్”

పూలవనమ్ములో నడిచి ముగ్ధయె నాథుని చెంత పున్నమిన్

తూలుచు సంబరమ్మునను తుంటరి చేష్టల నోలలాడగా

కాలి సమీపమందునను కన్గొని కాంతుడు మట్టుపెట్టగా

తేలును;...ముద్దులాడి సుదతీమణి బల్కెను తీయతీయఁగన్...

(కంది శంకరయ్య గారి సౌజన్యంతో)

**************************************************************************************************

శంకరార్పణం - 3553

 **********************************************************************************************************

శంకరాభరణం సమస్య - 3554

“తేలును ముద్దులాడి సుదతీమణి బల్కెను తీయతీయఁగన్”

మేలగు ప్రేమయాత్రనట మెప్పును పొందిన బీచినందునన్

నాలుగు ప్రక్కలన్ గనుచు నందన మొందుచు క్రొత్త భర్తపై

వాలుచు వక్షమందు నగి వైనపు పచ్చగ వెల్గుచుండెడిన్

తేలును ముద్దులాడి సుదతీమణి బల్కెను తీయతీయఁగన్...

పచ్చ = tattoo

(కంది శంకరయ్య గారి సౌజన్యంతో)

***********************************************************************************************************************************************************

శంకరార్పణం - 3553

 ******************************************************************************************************

శంకరాభరణం సమస్య - 3553

“కార్తికదీపముం గనులఁ గాంచఁగ భీతి జనించె మెండుగన్"

వార్తను పొంద శాస్త్రియిట వార్ధక మందున విఱ్ఱవీగెడిన్,

పూర్తిగ తీసి ప్రాణములు ముచ్చటి రీతిని కాలుకింకరుల్

కీర్తిని పొందగోరుచును కేకలు వేయుచు రాగ నింటికిన్

కార్తికదీపముం గనులఁ గాంచఁగ భీతి జనించె మెండుగన్..

(కంది శంకరయ్య గారి సౌజన్యంతో)

****************************************************************************************************

శంకరార్పణం - 3553

 *********************************************************************************************************

శంకరాభరణం సమస్య - 3553

“కార్తికదీపముం గనులఁ గాంచఁగ భీతి జనించె మెండుగన్”

ధూర్తుని రీతి దూరగను దుండగు తీరున హైద్రబాదునన్

వార్తల నెల్లనున్ వినుచు వైరసు చేసెడి ఘోరకృత్యముల్

పూర్తిగ నింటిలో ముడిచి ముచ్చటి కాళ్ళను వృద్ధుడాదటన్

కార్తికదీపముం గనులఁ గాంచఁగ భీతి జనించె మెండుగన్...

(కంది శంకరయ్య గారి సౌజన్యంతో)

*******************************************************************************************************

శంకరార్పణం - 3552

 *********************************************************************************************************

శంకరాభరణం సమస్య - 3552

“ఎలుకలు మత్తవారణము నీడ్చెఁ గనుండు కలుంగులోనికిన్”

కలుపుచు బెల్లమున్ మురిసి కన్నియ చేయగ విగ్రహమ్మునున్

కలుగున జేరి చూచియట కమ్మగ నుండు గణేశు మూర్తినిన్

కులుకుచు నర్ధరాత్రినిక కూడుచు మైత్రిని దొంగచాటుగా

నెలుకలు మత్తవారణము నీడ్చెఁ గనుండు కలుంగులోనికిన్...

(కంది శంకరయ్య గారి సౌజన్యంతో)

**********************************************************************************************************************************************************

శంకరార్పణం - 3552

 ******************************************************************************************************

శంకరాభరణం సమస్య - 3552

“ఎలుకలు మత్తవారణము నీడ్చెఁ గనుండు కలుంగులోనికిన్”

భవిష్య పురాణము:

తలుపులు మూసి వంగమున తైతక లాడుచు నాల్గుప్రక్కలన్

ములుకులు గ్రుచ్చుచున్ విరివి పుండులు చేయుచు భాజపాజనుల్

కెలుకుచు దీదినిన్ త్వరగ క్రిందకు నీడ్చిరి నిట్టి రీతిగా:

"నెలుకలు మత్తవారణము నీడ్చెఁ గనుండు కలుంగులోనికిన్..."

(కంది శంకరయ్య గారి సౌజన్యంతో)

*********************************************************************************************************************************************************

శంకరార్పణం - 3551

 *******************************************************************************************************

శంకరాభరణం సమస్య - 3551

“ఆకసమందుఁ దోఁచెను శశాంకశతమ్మది నేత్రపర్వమై"

వాకిటి బైటకున్ జనుచు ప్రక్కను గేహపు సుందరాంగినిన్

తేకువ మీర మెచ్చగను తీయుచు భామయె రోలులోననున్

రోకలి బుఱ్ఱమీదనిడ రోమియొ తూలుచు పైకిచూడగా

నాకసమందుఁ దోఁచెను శశాంకశతమ్మది నేత్రపర్వమై....

(కంది శంకరయ్య గారి సౌజన్యంతో)

*****************************************************************************************************************************************************************

శంకరార్పణం - 3551

 ***********************************************************************************************************

శంకరాభరణం సమస్య - 3551

“ఆకసమందుఁ దోఁచెను శశాంకశతమ్మది నేత్రపర్వమై”

ఆకలి కాగలేకయిక హ్లాదము నొందుచు నర్ధరాత్రినిన్

పీకుచు కోడి మాంసమును బీరును గ్రోలిన మైకమందునన్

కూకటపల్లి వీధినిక గుట్టుగ వీరుడు పైకిచూడగా

నాకసమందుఁ దోఁచెను శశాంకశతమ్మది నేత్రపర్వమై....

(కంది శంకరయ్య గారి సౌజన్యంతో)

************************************************************************************************

శంకరార్పణం - 3550

 *********************************************************************************************************

శంకరాభరణం సమస్య - 3550

“వాగ్దేవీపదపూజఁ జేసినపుడే వర్ధిల్లుగా సంపదల్”

వాగ్దేవిన్ గని భీతినొందుచునయో వ్రాయంగనున్ జాలకే

దిగ్దంతుల్ గల శంకరాభరణమున్ దేదీప్య మానంబుగన్

దుగ్దల్ వీడగ మానసమ్ముననికన్ తోరంపు మోదమ్మునన్

వాగ్దేవీపదపూజఁ జేసినపుడే వర్ధిల్లుగా సంపదల్...

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3548

 ******************************************************************************************************

శంకరాభరణం సమస్య - 3549

“శంకరుఁ డేల మాకిపుడు శాంతియె కావలె నెవ్విధిన్ గనన్”

జంకి కరోన రోగమున జంబము వీడుచు మాస్కులేయగన్

వంకర పోవగా బ్రతుకు బంగరు భూమిని హైద్రబాదునన్

బింకము కూలగా హృదిని వీరుడు శూరుడు కల్వకుంటడౌ

శంకరుఁ డేల మాకిపుడు శాంతియె కావలె నెవ్విధిన్ గనన్...

శంకరుఁ డేల = శంకరుడు ఏల(గా)

(కంది శంకరయ్య గారి సౌజన్యంతో)

**********************************************************************************************************

శంకరార్పణం - 3548

 *****************************************************************************************************

శంకరాభరణం సమస్య - 3549

“శంకరుఁ డేల మాకిపుడు శాంతియె కావలె నెవ్విధిన్ గనన్”

జంకుచు చేరగా నిచట జంబము వీడుచు కైపదమ్ములన్

వంకర పూరణమ్ము లిడి వాసిగ నాతని బ్లాగునందునన్

పంకజ నేత్రుడాదటను బాగుగ తట్టుచు కంది వంశపున్

శంకరుఁ డేల మాకిపుడు శాంతియె కావలె నెవ్విధిన్ గనన్...

శంకరుఁ డేల = శంకరుడు ఏల(గా)

(కంది శంకరయ్య గారి సౌజన్యంతో)

**********************************************************************************************************************************************************

శంకరార్పణం - 3548

 ****************************************************************************************************

శంకరాభరణం సమస్య - 3548

“ప్రాణాపాయముఁ దెచ్చెఁ బావురము శర్వా యేమి కానున్నదో”

బోణీ చేయుచు గూటినిన్ విడుచుచున్ ప్రొద్దున్ననే నేగుచున్

రాణింపంగను వ్రాలుచున్ కిచెనులో  రాకాసియౌ జబ్బుతో

నాణెంబైన కరోన దెచ్చియిచటన్ నాజూకుదౌ తీరునన్

ప్రాణాపాయముఁ దెచ్చెఁ బావురము శర్వా యేమి కానున్నదో...

(కంది శంకరయ్య గారి సౌజన్యంతో)

**********************************************************************************************

రుక్మిణి

 ******************************************************************************************************

చరణమ్ముల్ గొని సాయినాథ షిరిదిన్ సంసారపున్ మోజులన్

పరువుల్ బెట్టక లోభ మోహములవౌ పాశమ్ములన్ చెండుచున్

చిరునవ్వుల్ గొని వేదనల్ సయిచుచున్ శ్రీకాంతునిన్ గాంచగన్

వరమౌ తీరున నాకమున్ జనితివే వాహ్యాళికై రుక్మిణీ!

************************************************************************************************************************************************************

శంకరార్పణం - 3547

 *****************************************************************************************************

శంకరాభరణం సమస్య - 3547

“టపటప ధన్ ధనాధన ఢఢంఢఢ చిట్పట బుస్సు తుస్సు తుస్”

నెపములు చూపకే కడకు నిక్కుచు నీల్గుచు ముందురోజునన్

చపలపు కోర్టు కూడదని చక్కగ చెప్ప టపాసకాయలన్

కపటపు షాపువారలిట గట్టిగ నేడ్వగ హైద్రబాదునన్

టపటప ధన్ ధనాధన ఢఢంఢఢ చిట్పట బుస్సు తుస్సు తుస్...

(కంది శంకరయ్య గారి సౌజన్యంతో)

*****************************************************************************************************************************************************************

శంకరార్పణం - 3546

 ******************************************************************************************************

శంకరాభరణం సమస్య - 3546

“అన్న యటంచుఁ బిల్వఁగనె యయ్యొ భయంబును బొంది పాఱితిన్”

శ్రీ ప్రభాకరశాస్త్రి గారు మన్నింతురు గాక! 🙏😊

ఎన్నొ సమస్యలన్ ముదమునేర్పడ పూరణలింపు జేసి, మా

మన్నన పొందినారు! కవిమాన్య! ప్రభాకరశాస్త్రి! యింకపై

పన్నుగ చేయగాగలరు భవ్యవధానము రండు రండు రం..

డన్న! యటంచు బిల్వగనె యయ్యొ! భయంబును బొంది పారితిన్!

మైలవరపు మురళీకృష్ణ వెంకటగిరి

****************************************************************************************************

శంకరార్పణం - 3546

 ******************************************************************************************************

శంకరాభరణం సమస్య - 3546

“అన్న యటంచుఁ బిల్వఁగనె యయ్యొ భయంబును బొంది పాఱితిన్”

పన్నుగ నావి కూలగను పండ్లవి ముప్పది రెండు పూర్తిగన్

కన్నులు మూసి యాదటను గారబు రీతిని భోజనానికిన్

చెన్నుగ కాల్చి గారెలను చేరువ నీయక ముద్గరమ్ము తా

నన్న! యటంచుఁ బిల్వఁగనె యయ్యొ భయంబును బొంది పాఱితిన్...

(కంది శంకరయ్య గారి సౌజన్యంతో)

***********************************************************************************************************************************************************

శంకరార్పణం - 3546

 ***************************************************************************************************

శంకరాభరణం సమస్య - 3546

“అన్న యటంచుఁ బిల్వఁగనె యయ్యొ భయంబును బొంది పాఱితిన్”

పన్నుగ శంకరాభరణ ప్రాంగణ మందున మెప్పులొందుచున్

మిన్నగ పద్యముల్ పరచి మెండుగ వ్రాయుచు గ్రంథరాజముల్

మన్నన చేతురమ్మనుచు మంగళ హారతు లిచ్చి నేడు తా

నన్న! యటంచుఁ బిల్వఁగనె యయ్యొ భయంబును బొంది పాఱితిన్...

(కంది శంకరయ్య గారి సౌజన్యంతో)

*****************************************************************************************************

శంకరార్పణం - 3545

 *******************************************************************************************************

శంకరాభరణం సమస్య - 3545

“నను దయమాలి చంపఁ దగునా తగవా పగఁ బూని మిత్రమా”

పనుపగ బీబి యాదటను బంజర హిల్సున రూకలిచ్చుచున్

చనుచును చార్మినారమున జాతర నందున లొట్టలేయుచున్

కొనగను కుర్మ కోసమును కోడియె పల్కె మియాను గాంచుచున్:

“నను దయమాలి చంపఁ దగునా తగవా పగఁ బూని మిత్రమా”

(కంది శంకరయ్య గారి సౌజన్యంతో)

********************************************************************************************************************************************************

శంకరార్పణం - 3545

 *******************************************************************************************************

శంకరాభరణం సమస్య - 3545

“నను దయమాలి చంపఁ దగునా తగవా పగఁ బూని మిత్రమా”

మునుపట రోమునందునను ముప్పది వీరులు చేరి మూగగా

తనువున దోపి ఖడ్గమును దారుణ రీతిని నిల్వ బ్రూటసే

కనులను నీరు నింపుచును గండర గండుడు సీజరిట్లనెన్:

"నను దయమాలి చంపఁ దగునా తగవా పగఁ బూని మిత్రమా"

(కంది శంకరయ్య గారి సౌజన్యంతో)

************************************************************************************************

శంకరార్పణం - 3544

 *****************************************************************************************************

శంకరాభరణం సమస్య - 3544

“దీపములెల్ల వెల్గినవి దీప్తియె సుంతయుఁ గానరాదిటన్”

పాపము! భాజపా తనరి భండన భూమిని గంతులేయగన్

చేపలు జారిపోవగను చెప్పుల కాంతది జాలమందునన్

పాపట పండిపోవగను, పండుగ రాత్రిని వంగభూమినిన్

దీపములెల్ల వెల్గినవి దీప్తియె సుంతయుఁ గానరాదిటన్...

(కంది శంకరయ్య గారి సౌజన్యంతో)

************************************************************************************************

శంకరార్పణం - 3544

 **********************************************************************************************************

శంకరాభరణం సమస్య - 3544

“దీపములెల్ల వెల్గినవి దీప్తియె సుంతయుఁ గానరాదిటన్”

కోపము నొందుచున్ విరివి గోలను బెట్టుచు మోడిఁ దిట్టుచున్

రూపము మారిపోవగను రోగము హెచ్చగ నెన్నికందునన్

పాపడె యోడగన్ కినిసి బంగరు భూమిని బీహరందునన్

దీపములెల్ల వెల్గినవి దీప్తియె సుంతయుఁ గానరాదిటన్...

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3543

 *******************************************************************************************************

శంకరాభరణం సమస్య - 3543

“నరకునిఁ జంపె సీత సురనాథుఁడు దైత్యులు వానరుల్ గనన్”

కంది గురువుల కంకితం:

సరసపు మాటలాడుచును సత్యయె చేరగ తేరునందునన్

మురియుచు కృష్ణుడే చనుచు ముచ్చట మీరగ యుద్ధమందునన్

కురుపుచు బాణవర్షముల, కూరిమి నొందగ మూడు లోకముల్,

నరకునిఁ జంపె,... సీత, సురనాథుఁడు, దైత్యులు, వానరుల్ గనన్

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 3543

 *****************************************************************************************************

శంకరాభరణం సమస్య - 3543

“నరకునిఁ జంపె సీత సురనాథుఁడు దైత్యులు వానరుల్ గనన్”

తిరుగుచు వంగభూమినహ త్రిప్పలు సైచుచు మీనులందునన్

మరచుచు చిన్ననాటి కథ మైకము నొందుచు పద్య విద్యనున్

గురువులు చెప్పగా వినుచు కొండొక శిష్యుడు నమ్మెనిట్టులన్:

“నరకునిఁ జంపె సీత సురనాథుఁడు దైత్యులు వానరుల్ గనన్”

(కంది శంకరయ్య గారి సౌజన్యంతో)

************************************************************************************************************************************************************

శంకరార్పణం - 3543

 ********************************************************************************************************

శంకరాభరణం సమస్య - 3543

“నరకునిఁ జంపె సీత సురనాథుఁడు దైత్యులు వానరుల్ గనన్”

మురియుచు మన్మరాలిగని ముద్దుల నిచ్చుచు హైద్రబాదునన్

వరుసగ లడ్డులన్ తినుచు పండుగ పూటను వైభవంబుగా

నరకొర మాటలన్ పలికి హాయిని గూర్చెద నివ్విధంబుగన్:

“నరకునిఁ జంపె సీత సురనాథుఁడు దైత్యులు వానరుల్ గనన్”

(కంది శంకరయ్య గారి సౌజన్యంతో)

***********************************************************************************************************************************************************