ఇషాని శతకం 71 - 80

******************************************************************************************************************************************

71.    ఉల్లి గడ్డ చూడ తెల్లగ నుండును

   నోట బెట్ట ఘాటు నొసటి కంటు

   ఉల్లి జేయు మేలు తల్లి చేయ దనెరు

   శ్రధ్ధ బెట్టి వినుము చిన్న ఇషని

72.    మెరిసి ఉరిమి జడిపి కురిసి వెలిసినంత

   ఇనుడు నొసగు తూర్పు నింద్ర ధనుసు

   చింత లన్ని తీర్చు చంటి పిల్లడి నవ్వు

   శ్రధ్ధ బెట్టి వినుము చిన్న ఇషని

73.    ఇనుప స్తంభ మైన వాన దడిసి ఎండి

   తుప్పు పట్టి నంత తునిగి పోవు

   విరిగి పోవు నటులె విరస మైన చెలిమి

   శ్రధ్ధ బెట్టి వినుము చిన్న ఇషని

74.    తోక నున్న ఘాటు తెలియ లేని మృగము

   తోట జుట్టు వెదకి తిరుగు చుండు

   పరుగు తీయు నటులె ప్రేమ కోరి మనసు

   శ్రధ్ధ బెట్టి వినుము చిన్న ఇషని

75.    నల్ల టావు గూడ తెల్లని పాలిచ్చు

   గింజ లేని ద్రాక్ష కమ్మ గుండు

   పళ్ళు లేని పాప బోసి నవ్వు ప్రియము

   శ్రధ్ధ బెట్టి వినుము చిన్న ఇషని

76.    మండు టెండ మాడి వేడి గాలులు వీచి

   వాన జల్లు కొరకు వగచు నేల

   దీను డటులె వగచు దైవ కృపను కోరి

   శ్రధ్ధ బెట్టి వినుము చిన్న ఇషని

77.    మెరియు చుండు నీరు మృగ తృష్ణ( దళ తళ

   పారి పోవు త్రాగ దూరము గను

   దాహ మెటుల తీర్చు ధన ధాన్య యశము

   శ్రధ్ధ బెట్టి వినుము చిన్న ఇషని

78.    వెన్న ముద్ద కరుగు వేడి చేయ త్రుటిలొ

    గంట పట్టు పెరుగు గడ్డ గట్ట

    మనిషి మనిషి హృదయ మీరీతి భిన్నమౌ

    శ్రధ్ధ బెట్టి వినుము చిన్న ఇషని

79.    బంక మట్టి తెచ్చి బొమ్మ చేసి మనము

    పూజ చేసి నీళ్ళ పెట్టి నటులె

    మనల జేసి మరల తనలొ కలుపు నాత్మ

    శ్రధ్ధ బెట్టి వినుము చిన్న ఇషని

80.     వరద లొచ్చి నదికి పైరు నష్టము చేసి

    మట్టి తెచ్చి నేల గట్టి జేయు

    బాధ లొచ్చి అటులె బుధ్ధి గట్టిగ చెప్పు

    శ్రధ్ధ బెట్టి వినుము చిన్న ఇషని

...Posted by Ishani

**********************************************************************************************************************************************

ఇషాని శతకం 81 - 90

***********************************************************************************************************************************************

81.    రాము డొకడు తెచ్చె రఘు వంశమున శోభ

    కౌర వుండ్రు వంద కురుని కూల్చె

    గుణము వలన కలుగు ఘనత శాశ్వ తముగ

    శ్రధ్ధ బెట్టి వినుము చిన్న ఇషని

82.    కూర్చు నుండ సీత కోక చిలుక వాలు

    పరుగు లిడిన వెంట పారు పిచుక

    శాంత దాంత మునను సుఖము శుభము కల్గు

    శ్రధ్ధ బెట్టి వినుము చిన్న ఇషని

83.    అంతరిక్ష మందు ఎగురుచు తిరుగెడి

    గద్ద చూపు నుండు కోడి పిల్ల

    భక్తు మనసు నుండు భగవంతు డటులనె

    శ్రధ్ధ బెట్టి వినుము చిన్న ఇషని

84.    పులుసు లోన రాయి, పప్పు(  మిరప కాయి,

    కొట్టి చూడ కుళ్ళు కొబ్ర కాయి,

    కష్ట సుఖము లటులె కలిసి యుండు నిచట

    శ్రధ్ధ బెట్టి వినుము చిన్న ఇషని

85.    సప్త ఋషుల ననురు సప్త తారల నొకరు

    ఏడు చుక్క లనను రెలుగు బంటి

    చూడ బడ్డ దొకటె చెప్పు రీతులు వేరు

    శ్రధ్ధ బెట్టి వినుము చిన్న ఇషని

86.    లేత తమల పాకు లిటులె కరుగు నోట

    అడివి తమల నమల నర్ధ గంట

    జాతి ఒకటె మనిషి, రీతులు పది వేలు

    శ్రధ్ధ బెట్టి వినుము చిన్న ఇషని

87.    ఎచటి నుండి వచ్చె నెచటి కేగ గలమొ

    ఎరుగ లేము మనము ఎంత వెదక

    తెగిన గాలి పటము ఎగిరి కూలు నెచటొ

    శ్రధ్ధ బెట్టి వినుము చిన్న ఇషని

88.    ఆట వెలది సుళువు అన్ని పద్యము లందు

     తేట గీతి వినగ తియ్య గుండు

     సీస పద్య మంత భేషు పద్యము లేదు

     శ్రధ్ధ బెట్టి వినుము చిన్న ఇషని

89.     బొంగరమ్ము తిప్ప భళిగ తిరుగు చుండు

     అలసి సొలసి నంత ఆగి పడును

     మనసు ఆగి నంత మాయ మౌను నటులె

     శ్రధ్ధ బెట్టి వినుము చిన్న ఇషని

90.     పట్టు పాన్పు పైన పండ బెట్టిన పాప

    కళ్ళు తెరిచి నంత తల్లి నెదుకు

    బుధ్ధ దేవు డాయె సిధ్ధార్ధు డటులనె

    శ్రధ్ధ బెట్టి వినుము చిన్న ఇషని

...Posted by Ishani

******************************************************************************************************************************************

ఇషాని శతకం 91 - 100

******************************************************************************************************************************************

91.    తాటి పండు, తేగ, తాటి ముంజలు, కల్లు,

    తాటి ఆకు, బద్ద, తాటి తోపు,

    తాటి చెట్టు గొప్ప, తాటి నీడలు తప్ప

    శ్రధ్ధ బెట్టి వినుము చిన్న ఇషని

92.    మణులు మాణిక్యాలు ముత్యాలు పగడాలు

    రత్న పచ్చ నీల రాళ్ళ ఖనులు

    సాటి రావు చిన్ననాటి స్మృ తు లకుర

    శ్రధ్ధ బెట్టి వినుము చిన్న ఇషని

93.    ధనము పంచు కున్న దార సుతుల కన్న

    ఘనత పంచు కున్న ఘనుల కన్న

    కలత పంచు కున్న కోడలు మిన్నయౌ

    శ్రధ్ధ బెట్టి వినుము చిన్న ఇషని

94.    అర్ధ చంద్రు డొచ్చె అష్టమి రాత్రిన

     చంటి పాప నవ్వె చిన్న నవ్వు

    

     అలసి సొలసె తాత అర శతకము రాసి

     శ్రధ్ధ బెట్టి వినుము చిన్న ఇషని

95.    పుట్ట లోన పాము గుట్టు చుప్పుగ నుండు

    గూటి లోన దాగు గుడ్ల గూబ

    రాత్రి పగలు రచ్చ రాజ కీయులు చేయు

    శ్రధ్ధ బెట్టి వినుము చిన్న ఇషని

96.    పచ్చి జామ కాయ తెచ్చి బుట్టను బెట్ట

    మూడు రోజు లందు మగ్గి పోవు

    మూర్ఖు నెంత మొట్ట మూర్ఖుడై ఉండడె

     శ్రధ్ధ బెట్టి వినుము చిన్న ఇషని

97.    చెట్టు నీడ పుట్టు పుట్ట గొడుగు లన్ని

    ఆవు కింద దాగు ఆవు దూడ

    భక్తు డెపుడు కోరు భగవాను శరణము

     శ్రధ్ధ బెట్టి వినుము చిన్న ఇషని

98.    పంచదార చిలక పంటి కింపుగ నుండు

    పాట పాడ మనిన మాట రాదు

    జపము తపము చేయ జడుడు ధీరుడవునె

     శ్రధ్ధ బెట్టి వినుము చిన్న ఇషని

99.    గుళ్ళు గోపు రాల గర్భ గృహాలలొ

    వెలసి యున్న విష్ణు వెంకటాద్రి

    హృదిని దాగి యున్నహరి హర రూపమౌ

    శ్రధ్ధ బెట్టి వినుము చిన్న ఇషని

100.      ముద్దు బిడ్డ నీవు ము సిలి మూర్ఖుడ నేను

        చెప్ప గలను కాని చేయ లేను

        చదువు కొనవె నాదు శతక మిదుగొ నీదు

        శ్రధ్ధ బెట్టి వినుము చిన్న ఇషని

...Posted by Ishani

**********************************************************************************************************************************************

Face Wash

*********************************************************************************************************************************

http://www.chrismadden.co.uk/images/cartoons/men-washing-machine-cartoon-cjmadden.gif

"German Chancellor Angela Merkel has said that Facebook is nice to have...like a decent washing machine but cautioned that it won't make you happy in life."

...DC Page 13 Sunday 7 June 2015




...Posted by Ishani 

****************************************************************************************************************************************

Sulk Stuff

*********************************************************************************************************************************

http://www.toonpool.com/user/997/files/crusade_sulk_argument_king_queen_1285845.jpg

"Cleaning Ganga would be a far fetched dream. The river cannot even be cleaned in next 50 years."...A displaced BJP veteran

...DC Page 14 Saturday 6 June 2015




...Posted by Ishani

**********************************************************************************************************************************

Cow & Calf

*********************************************************************************************************************************

http://ri.rediffiland.com/homepimages/home3/815/3112561c8bf80f5d929eaea5e42c15db/homep/images/1256735646

"As many as 19 Vedic priests would take part in the Shanti Homam, which would be performed in a separate shed in Survey No. 136. The state officials have already arranged for a cow and calf for the rituals."

...DC Page 12 Saturday 6 June 2015


gps: This reminded me that in 1971 Congress won a handsome electoral victory under the 'Cow & Calf' symbol.  Maybe it is time they give a thumbs-down to the 'Hand' that failed, and fall back on the 'Cow & Calf', with a  Shanti Homam.





...Posted by Ishani

***************************************************************************************************************************************

సీస పద్యం for Ishani

************************************************************************************************************************************

సీII చూడ చక్కని బొమ్మ జానకమ్మను బోలు

                                     కోప మొచ్చి నపుడు కాళి మాత

     మంద హాసమునను మోహినమ్మను బోలు

                                     స్వాభిమాన మునను సత్య భామ

     గాన నాట్యము లందు మేనకమ్మను బోలు

                                     చిందు లేసి నపుడు శివుని మించు

     చదువు సంధ్యల యందు శారదమ్మను బోలు

                                     దుడుకు తనమునను ద్రౌపదమ్మ

ఆII  పెరుగు పాలు నచ్చు కూర గాయలు నొచ్చు

      స్నాన మర్ధ ఘంట షోకు ఘంట

      వ్రాత కోత లందు తాతను తల దన్ను

      కొట్ట బోకు నన్ను గుఱ్ఱ మిషని

...Posted by Ishani

**************************************************************************************************************************************