శంకరార్పణం - 2086 (3)

**************************************************************************************************

శంకరాభరణం సమస్య - 2086 (3)

"కలు సేవించుట శిష్టకార్య మనుచున్ గాంధీ యశంబున్ గనెన్"

అల గోమాతల పాలకై పొడుచుచున్ హైరాణ గావించ...కే 

విలువల్ గానివి మేలు పాలిడుచు తాపీగా విహారించెడిన్ 

మిలమిల్ నల్లని తోలుతో మెరిసి మెమ్మెమ్మేల రాగాల...మే

కలు సేవించుట శిష్టకార్య మనుచున్ గాంధీ యశంబున్ గనెన్!

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 2086 (2)

********************************************************************************************

శంకరాభరణం సమస్య - 2086 (2)

"కలు సేవింపుఁడని గాంధి ఘనయశ మందెన్"

అలగుచు, "జనముల్! మీరీ 

పలు బంధమ్ముల భరించి వరలుచు నిక మా 

ర్పలుకక మా వంశపు తున 

కలు సేవింపుఁడ"ని గాంధి ఘనయశ మందెన్

గాంధి = ఇందిరా గాంధి 

పలు బంధములు = Emergency excesses

మార్పలుకక = మారు పలుకక

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 2086

********************************************************************************************

శంకరాభరణం సమస్య - 2086

"కలు సేవింపుఁడని గాంధి ఘనయశ మందెన్"

అల గోవుల పొడిచి పొడిచి 

విలువగు పాలిమ్మనుచును పీడింపక తా 

మలయక నే పాలిడు...మే 

కలు సేవింపుఁడని గాంధి ఘనయశ మందెన్ :)

పొడిచి = injections ఇచ్చి

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 2032

*******************************************************************************************

శంకరాభరణం సమస్య - 2032

"తొలుత మ్రొక్కంగవలె నెల్ల దుర్జనులకు"

కలత లెన్నింటినో సైచి కలలు పండ...

నలిగి కాంగ్రెసు టిక్కెట్టు గెలుచు కొనగ...

ప్రజల వోట్లను నర్థించు పర్యటమున...

తొలుత మ్రొక్కంగవలె నెల్ల దుర్జనులకు

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 2031

**********************************************************************************************

శంకరాభరణం సమస్య - 2031

"కింకరుఁడే రాజయి ఘనకీర్తినిఁ బొందెన్"

బింకముతో గుజరాతున 

జంకక రాణికి, భటులకు, జంగము దొరకున్,

కుంకలకున్ తేనీరిడు 

కింకరుఁడే రాజయి ఘనకీర్తినిఁ బొందెన్!

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 1221

*******************************************************************************************

శంకరాభరణం పద్య రచన - 1221

కవిమిత్రులారా! 👆

పై చిత్రాన్ని పరిశీలించి తగిన పద్యాన్ని వ్రాయండి

బండిని లోనొక బండియు 

బండికి ప్రక్కన పశువులు పరుగులు తీయన్ 

బండిని నూగుచు బాలలు 

పండుగ జేయుచు తలరిరె పాఠము లరయన్

(కంది శంకరయ్య గారి సౌజన్యంతో)

****************************************************************************************************

శంకరార్పణం - 2030

***********************************************************************************************

శంకరాభరణం సమస్య - 2030

"కోతిని పెండ్లాడి నాతి కొమరునిఁ బడసెన్"

రాజకీయ తతంగములు: 👇

తాతల కాలము నుండియు 

కోతుల నాతుల కొమరులు కోతులె కాగా 

రీతిని వీడక తానొక 

కోతిని పెండ్లాడి నాతి కొమరునిఁ బడసెన్

(కంది శంకరయ్య గారి సౌజన్యంతో)

**********************************************************************************************************************************************