శంకరార్పణం - 2676

*************************************************************************************************

శంకరాభరణం సమస్య - 2676

"చర్చికి సంధ్య వార్చుటకు సాయబు పోయెను సత్వరమ్ముగన్"

మార్చగతా మతమ్మునట మానస మొల్లక మహ్మదీయతన్ 

చేర్చగ రామభక్తులిట చెన్నుగ మిన్నగు హైందవమ్మునన్

కూర్చొని రోమునందునను కుర్సిని మీదను పిక్కనొప్పితో 

చర్చికి సంధ్య వార్చుటకు సాయబు పోయెను సత్వరమ్ముగన్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 2921

**************************************************************************************************

శంకరాభరణం సమస్య - 2921

"నక్రంబుల్ మఱి నత్తగుల్లలును సంతానంబు నీకౌ శివా"

వక్రంబౌ మదినిన్ తలంచి చనగన్ బంగారు కైలాసనున్ 

తా క్రీడించి నశాపదార్థములనున్ తందాన తానంచుచున్

చక్రంబై కను త్రిప్ప డింపులుడు నీ చందమ్ము జూడంగ హా! 

నక్రంబుల్ మఱి నత్తగుల్లలును సంతానంబు నీకౌ శివా!

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 2675

**********************************************************************************************

శంకరాభరణం సమస్య - 2675

"చల్లదనంబు నిచ్చెను కృశానుఁడు వేసవి మండుటెండలన్"

ఇల్లును వాకిలిన్ గదుల కెంతయొ సెంట్రలు కండిషన్ను భల్ 

చల్లదనంబు నిచ్చెను;...కృశానుఁడు వేసవి మండుటెండలన్

చల్లదనమ్ము నంతయును చంపగ బూనగ జాలిలేకయే 

బిల్లు కరెంటుదిన్ కనగ బెల్లులు కొట్టెను నాదు గుండియల్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 2675

****************************************************************************************************

శంకరాభరణం సమస్య - 2675

"చల్లదనంబు నిచ్చెను కృశానుఁడు వేసవి మండుటెండలన్"

భాగ్యనగరం April 2018

ఎల్లరు విస్తుపోవగను నేప్రిలు మాసమునంతనున్ భళా

జల్లులు వెల్లువౌ విరిసి సానువులన్నియు సాగరమ్ములై 

కల్లువకుంట్ల తారకుడు కల్వరమొందుచు చింతజేయగా 

చల్లదనంబు నిచ్చెను కృశానుఁడు వేసవి మండుటెండలన్

సానువులు = త్రోవలు (పంజగుట్టలో)

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 2674

*************************************************************************************************

శంకరాభరణం సమస్య - 2674

"శవముం గాల్చెద రాలయమ్మునఁ బ్రజా సంక్షేమముం గోరుచున్"

కవులున్ కాకులు కూయగా ముదముతో కల్కత్త మైదానులో 

భవరోగమ్ములు దీర్చుటన్ మమతవౌ, బంగాలు గూండాలతో 

జవరాండ్రొల్లుచు కూర్చగా కలపపై చాంతాడుతో మోడిదౌ 

శవముం గాల్చెద రాలయమ్మునఁ బ్రజా సంక్షేమముం గోరుచున్

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 2673

***************************************************************************************************

శంకరాభరణం సమస్య - 2673

"కరణము వద్దు మా కనెడు కాలము వచ్చె నిదేమి వింతయో"

కరములు నాట్యమాడగ వికారపు పార్కినుసన్ను వ్యాధితో

వరుసగ కోరలూడగ సవాలయి చావగ బొజ్జ నింపుటే 

భరతముపట్టు దారలు శుభమ్ముగ స్వర్గము జేరి పిల్వగా

కరణము వద్దు మా కనెడు కాలము వచ్చె నిదేమి వింతయో :)

కరణము = శరీరము 

భరతముపట్టు = ఎక్కువగా భోజనము చేయించు

(కంది శంకరయ్య గారి సౌజన్యంతో)

************************************************************************************************

శంకరార్పణం - 2920

************************************************************************************************

శంకరాభరణం సమస్య - 2920

"రారమ్మంచును బిల్చె సాధ్వి విటులం రంజింపఁ జేయన్ దమిన్"

గారాబమ్మున భక్తకోటినటనా కాశీ మహాయాత్రకున్ 

రారమ్మంచును బిల్చె సాధ్వి;..విటులం రంజింపఁ జేయన్ దమిన్

ధారాళమ్ముగ బీరు పోసి నటనల్ ధట్టించి యొప్పించుచున్

బారుల్ దీయుచు రండు రండనెనునా వారాల కాంతామణీ...

గారాబమ్మున వాసి లేదుగద యీ కాంతామణుల్ హృత్తునన్ :)

"విద్యా వినయ సంపన్నే |

బ్రాహ్మణే గవి హస్తిని |

శునిచైవ శ్వపాకే చ |

పండితా స్సమదర్శినః ||"

(కంది శంకరయ్య గారి సౌజన్యంతో)

************************************************************************************************************************************************