శంకరార్పణం - 2943

*************************************************************************************************

శంకరాభరణం సమస్య - 2943

"సీతావల్లభుఁ డిందుశేఖరుఁడు వాసిం గాంచెఁ గంసారిగన్"

కోతుల్ మూకను నెవ్వడయ్య కొని చేకూర్చెన్ మహావారధిన్?

ప్రీతిన్ నాతికి నెవ్వడిచ్చె తననున్ వెంటాడ దేహార్ధమున్?

చేతుల్ తోడను మేనమామ దునుమన్ శ్రీకృష్ణుడేమాయెరా? 

సీతావల్లభుఁ ;..డిందుశేఖరుఁడు;...వాసిం గాంచెఁ గంసారిగన్!

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 2751

******************************************************************************************************

శంకరాభరణం సమస్య - 2751

"తలగడ మంత్ర మింతులకుఁ దప్పక మేలొనరించు నెచ్చెలీ"

"కులుకుచు తోడి కోడలట గొంతున జూపగ వజ్రహారమున్

కెలుకుచు నాడబిడ్డ తన కెంపును జూపగ కంఠమందునన్",

పొలతియె చాటె చెల్లెలికి ముద్దులు పెట్టుచు నప్పగింతలన్:👇

"తలగడ మంత్ర మింతులకుఁ దప్పక మేలొనరించు నెచ్చెలీ"

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 2751

***************************************************************************************************

శంకరాభరణం సమస్య - 2751

"తలగడ మంత్ర మింతులకుఁ దప్పక మేలొనరించు నెచ్చెలీ"

("శశిరేఖా సిద్ధాంతం")

వలపుల రాయుడా నిశిని బాణము లొడ్డుచు నొక్కటొక్కటిన్ 

నెలకొని జాలమున్ దరిని నిచ్చెన నల్లుచు సైగ చేయగా

తులవగ దిండ్లు కూర్చుచును దుప్పటి కప్పుచు పారిపోయెడీ 

తలగడ మంత్ర మింతులకుఁ దప్పక మేలొనరించు నెచ్చెలీ!

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 2750

*************************************************************************************************

శంకరాభరణం సమస్య - 2750

"పురుషార్థంబుల లెక్కిడన్ దెలిసెఁ బో మూఁడంచు నా బుద్ధికిన్"

("రోటి కప్డా మకాన్")

సరియౌ సెంట్రలు పింఛనున్ బలియు...నా శారీర రక్షార్థమై 

మరియున్ సూటులు బూటులున్ డజను...నా మానమ్ము కాపాడగన్ 

మురియన్ హైదరబాదునన్ మహలు...నా మూర్ధమ్ము దాచంగ హా! 

పురుషార్థంబుల లెక్కిడన్ దెలిసె పో మూఁడంచు...నా బుద్ధికిన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 2750

*******************************************************************************************************

శంకరాభరణం సమస్య - 2750

"పురుషార్థంబుల లెక్కిడన్ దెలిసెఁ బో మూఁడంచు నా బుద్ధికిన్"

పరుషంబయ్యెడి పల్కువీడుచును పాపాత్ముండ్ల లాలించుటన్ 

తరుణిన్ గాంచిన వెంబడించకయె భల్ తప్పించి పార్పోవుటన్

వరముల్ కోరక చంద్రశేఖరుకు తెల్వారంగనే మ్రొక్కుటన్

పురుషార్థంబుల లెక్కిడన్ దెలిసెఁ బో మూఁడంచు నా బుద్ధికిన్

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం - 2749

***************************************************************************************************




శంకరాభరణం సమస్య - 2749

"సాగర మబ్ధి తోయనిధి సంద్రము వారిధి ద్వీపవంతమున్"

బాగుగ నిద్రలేపగను బాంబుల తాకిడి ఢంఢమాలునన్

వేగమె నేర్వగా బుధుడు వెన్కటి చేష్టలు చెల్లవంచుచు

న్నేగతి నీదిరాయనగ నిమ్రను ఖానుడు వెక్కినిట్లనెన్: 👇

"సాగర మబ్ధి తోయనిధి సంద్రము వారిధి ద్వీపవంతమున్"

కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 2749

****************************************************************************************************

శంకరాభరణం సమస్య - 2749

"సాగర మబ్ధి తోయనిధి సంద్రము వారిధి ద్వీపవంతమున్"

("అరిషడ్వర్గ సాగరము") 

రాగము ద్వేషమున్ పొసగు రంగుల రాట్నపు జీవితమ్మిదే...

మాగిన పండు వోలెడిది...మాయల మారిది...మేనకమ్మదౌ 

కౌగిట జీవునిన్ బిగిసి కామము క్రోధము నిట్టి పేర్లదౌ

 

సాగర మబ్ధి తోయనిధి సంద్రము వారిధి ద్వీపవంతమున్

(కంది శంకరయ్య గారి సౌజన్యంతో)

************************************************************************************************************************************************