శంకరార్పణం - 2758

*********************************************************************************************************

శంకరాభరణం సమస్య - 2758

"సిగరెట్టింపనె వేంకటేశుఁడు సురల్ సేవింపఁ దద్వాసనల్"

పగలున్ రాతిరి ధూమపానములతో వర్ధిల్లు బెంగాలుదౌ

నగరం బందున వేంకటేశ్వరుడు భల్ నందమ్ము నూరేగగా

వెగటున్ బొందక పీల్చుచున్ మొదటిగా వేవేల ధూపంబులన్ 

సిగరెట్టింపనె వేంకటేశుఁడు సురల్ సేవింపఁ దద్వాసనల్

(కంది శంకరయ్య గారి సౌజన్యంతో)

********************************************************************************************************************************************************

శంకరార్పణం - 2946

*************************************************************************************************

శంకరాభరణం - 2946

"కలహమ్ముల్ సుఖశాంతు లిచ్చు ననియెన్ గాంధీజి మున్పెప్పుడో"

వలపుల్ మీరగ మాటిమాటికిని పల్ వాదోపవాదాలతో

తలుపుల్ బాదుచు జుట్లు పట్టుచునువే తంటాలు కల్పించుచున్

తెలవారంగను పళ్ళు తోముచునుభల్ తీండ్రించి యత్తయ్యతో 

కలహమ్ముల్ సుఖశాంతు లిచ్చు ననియెన్ గాంధీజి మున్పెప్పుడో!

గాంధీజి = మనేకా గాంధీజి

(కంది శంకరయ్య గారి సౌజన్యంతో)

***********************************************************************************************

శంకరార్పణం - 2756

**************************************************************************************************

శంకరాభరణం సమస్య - 2756

"యతులున్ బ్రాసలు లేని పద్యములె మేలంచున్ గురుల్ సెప్పరే"

అతుకుల్ బొంతల కైతలన్ విరివిగా నాంధ్రమ్మునన్ జూడగా

చతికిల్ బడ్చుచు మొత్తుచున్ తలలన్ శ్రాద్ధమ్ము మాదంచుచున్ 

మతిలేనట్టివి బంధముల్ తెలుగునున్ మండించు కాష్ఠమ్ములీ 

యతులున్ బ్రాసలు లేని పద్యములె మేలంచున్ గురుల్ సెప్పరే!

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 2755

****************************************************************************************************

శంకరాభరణం సమస్య - 2755

"దమయంతిన్ దగఁ బెండ్లియాడెను గదా ధర్మాత్ముఁ డారాముఁడే"

కమనీయమ్మగు రామగాథనటతా క్రమ్మించి వైరుధ్యమున్

తిమురున్ మీరగ రంగనాయకమ భల్ తేల్చంగ వైషమ్యునన్

యమలోకమ్ముకు నేగుచున్ పలికెతా నానందమొప్పారగా:👇

"దమయంతిన్ దగఁ బెండ్లియాడెను గదా ధర్మాత్ముఁ డారాముఁడే"

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 2754

***************************************************************************************************

శంకరాభరణం సమస్య - 2754

"టంటంటం టట టంట టంట టటటం టంట మ్మనెన్ భేరులే"

గంటల్ గొట్టుచు పాకి వీరులు మహా గర్వించి కవ్వించగా

పంటల్ పండుచు భారతీయుల కలల్ పాకీయ భీభత్సతన్

తుంటల్ జేయగ వారి భేరులనటన్ తోషించి బాంబర్లతో

టంటంటం టట టంట టంట టటటం టంట మ్మనెన్ భేరులే

(కంది శంకరయ్య గారి సౌజన్యంతో)

**************************************************************************************************************************************************

ఆకాశవాణి సమస్య - 02.03.2019

***********************************************************************************************

ఆకాశవాణి సమస్య - 02.03.2019

"బెదరుచుఁ గార్యముల్ విడుటె విజ్ఞత కల్గు జయంబు లెల్లెడన్"

బెదరుచు నాదు ప్రేయసికి వీడుచు నాంధ్రను ప్రజ్వలించితిన్ 

బెదరుచు నాదు పెండ్లముకు వీడుచు బీడిలు పల్లటించితిన్

బెదరుచు పండితుండ్లకట వీడుచు వాట్సపు పిక్కటిల్లితిన్

బెదరుచుఁ గార్యముల్ విడుటె విజ్ఞత కల్గు జయంబు లెల్లెడన్

(కంది శంకరయ్య గారి సౌజన్యంతో)

*************************************************************************************************************************************************

ఆకాశవాణి సమస్య - 02.03.2019

*****************************************************************************************************

ఆకాశవాణి సమస్య - 02.03.2019

"బెదరుచుఁ గార్యముల్ విడుటె విజ్ఞత కల్గు జయంబు లెల్లెడన్"

బెదరగ నాంజనేయునకు వీర్యము నిచ్చెను జాంబవంతుడే 

బెదరగ కుంభసంభవుడు వీరున కిచ్చెను సూర్యమంత్రమున్ 

బెదరుచు బంధుహత్యకట వీరుడు పార్థుడు గీత దెచ్చెగా 

బెదరుచు కార్యముల్ విడుటె విజ్ఞత కల్గు జయంబు లెల్లెడన్

సూర్యమంత్రము = ఆదిత్య హృదయం

(కంది శంకరయ్య గారి సౌజన్యంతో)

***************************************************************************************************************************************************