శంకరార్పణం - 2969

***************************************************************************************************

శంకరాభరణం సమస్య - 2969

"రాముని రాజ్యమం దెపుడు రాక్షస ధర్మమె చెల్లబాటగున్"

భీముని వోలె మోడి కడు భీతిని రేపగ పాకి హృత్తునన్

జామున జామునన్ బుధుడు జంద్యము నూనగ వోట్లకోసమై

గోముగనన్ని రాష్ట్రములు గోవుల రక్షణ చేయగానెటుల్ 

"రాముని రాజ్యమం దెపుడు రాక్షస ధర్మమె చెల్లబాటగున్?"

(కంది శంకరయ్య గారి సౌజన్యంతో)

********************************************************************************************************************************************************

శంకరార్పణం - 102

***********************************************************************************************************

శంకరాభరణం సమస్య - 102

"వినువారికి చెప్పువాఁడు వెధవగఁ దోచున్"

పనిలేని బధిరు డొక్కడు

చనగ ప్రసంగమునకున్ ప్రసాదము కొరకై 

తనకట బుర్రల నూపుచు 

వినువారికి చెప్పువాఁడు వెధవగఁ దోచున్

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 100

**********************************************************************************************************

శంకరాభరణం సమస్య - 100

"శతమానం భవతి యనుచు శాపము నొసఁగెన్"

చితికిన కాన్సరు రోగికి

బ్రతుకిక క్షణము క్షణము భలు భారము కాగా

 

మెతుకులు కోరెడు బాపడు

 

శతమానం భవతి యనుచు శాపము నొసఁగెన్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం వృత్త సమస్య - 9

*************************************************************************************************

శంకరాభరణం వృత్త సమస్య - 9

"మదగజయానకున్ రవిక మాత్రము చాలదె, చీర యేటికిన్?"

చెదరని భక్తి తోడుతను చెన్నుగ కృష్ణుని మోయుకార్యమై

కదలుచు వీధివీధినను కంగరు పెట్టక చిన్నపిల్లలన్

వదనము నిండ భూషణలు బంగరు బొమ్మలు వీపునుండగా 

మదగజయానకున్ రవిక మాత్రము చాలదె, చీర యేటికిన్?

రవిక = అంబారి

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 96

******************************************************************************************************

శంకరాభరణం సమస్య - 96

"రెక్కలు గల చాప నెక్కె రేలంగి భళా!"

గ్రక్కున డైలాగులిడుచు 

వెక్కస మింతయును లేక వేడుక మీరన్

చక్కగ నవ్వించుట కే 

రెక్కలు గల చాప నెక్కె రేలంగి భళా! ?

(కంది శంకరయ్య గారి సౌజన్యంతో)

**************************************************************************************************************************************************************

శంకరార్పణం - 2968

******************************************************************************************************

శంకరాభరణం సమస్య - 2968

"చీకటి కంటె మేలయిన చెన్నలరారెడు కాంతి యున్నదే"

ఆకలి బాధ తీర్చుటకు హైరన నొందుచు వృత్తి రీతినిన్

పోకిరి మూకలన్ కలిసి పోకరు సుత్తిని చేతబూనుచున్

కూకటపల్లి బ్యాంకునకు కొట్టుచు కన్నము దూరబోవగా 

చీకటి కంటె మేలయిన చెన్నలరారెడు కాంతి యున్నదే

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 2968

**********************************************************************************************************

శంకరాభరణం సమస్య - 2968

"చీకటి కంటె మేలయిన చెన్నలరారెడు కాంతి యున్నదే"

కూకటపల్లిలో నిశిని కూడుచు ముచ్చటి పెండ్లికూతురున్

వాకిలి ద్వారమున్ విడిచి బాపడు వేలిడి చూపుచుండగా

నాకసమున్నరుంధతిని హాయిగ తీయగ చూడ కోరగా

చీకటి కంటె మేలయిన చెన్నలరారెడు కాంతి యున్నదే

(కంది శంకరయ్య గారి సౌజన్యంతో)

***********************************************************************************************************************************************