శంకరార్పణం - 130

*************************************************************************************************************

శంకరాభరణం సమస్య - 130

"కవివరుఁ గపితోడఁ బోల్చఁగా మెచ్చి రహో"

తివురున ఛందము నెక్కుచు 

చివరల కొమ్మలను త్రుంచి శృంగారమునన్ 

చవిగొన పద్యపు పండును 

కవివరుఁ గపితోడఁ బోల్చఁగా మెచ్చి రహో

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 2976

***************************************************************************************************

శంకరాభరణం సమస్య - 2976

"వాక్చాతుర్యముఁ జూపి మంత్రివరుఁ డబ్బా వ్యర్థుఁ డయ్యెన్ గదా"

దిక్చక్రమ్మును పర్యటించి బహుధా ధిక్కారమున్ జూపుచున్

పిక్చర్ లందున నాయకుండువలెభల్ భీభత్స రూపమ్మునన్

చక్చక్ మంచును నన్య దేశ్యములుపల్ ఝాడించి నోడింపగన్ 

వాక్చాతుర్యముఁ జూపి మంత్రివరుఁ డబ్బా వ్యర్థుఁ డయ్యెన్ గదా

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం - 129

****************************************************************************************************

శంకరాభరణం సమస్య - 129

"గణనాయకు గళమునందు గరళము నిండెన్"

తృణమో పణమో ననుచు ల 

వణము కలిపిన జలమునిడ భక్తుడు కరవున్ 

గణగణ గంటల తోడన్...

గణనాయకు గళమునందు గరళము నిండెన్ :)

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 128

***************************************************************************************************

శంకరాభరణం సమస్య - 128

"బోధించుట రాని గురువె పూజ్యుం డయ్యెన్"

సాధన చేయుట లేదని 

వేధించక నన్ను రోజు వెంబడి బడుచున్

బాధించెడు సరిగమలన్ 

బోధించుట రాని గురువె పూజ్యుం డయ్యెన్

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం వృత్త సమస్య - 13

******************************************************************************************************

శంకరాభరణం వృత్త సమస్య - 13

"సీతా మానస చోరుఁ డెవ్వఁ డనినన్ శ్రీకృష్ణమూర్తే కదా!"

భ్రాతన్ గూడుచు రావణాసురుని నిర్బంధించి చెండాడుటన్

కోతుల్ మూకను దెచ్చి పోరిడిన శ్రీ కోదండ రాముండెపో 

సీతా మానస చోరుఁ డెవ్వఁ డనినన్;..శ్రీకృష్ణమూర్తే కదా

ఖ్యాతింజెందిన గీత నుడ్వి నరునిన్ కవ్వించి పోరించెగా :)

(కంది శంకరయ్య గారి సౌజన్యంతో)

*************************************************************************************************

శంకరార్పణం - 123

*****************************************************************************************************

శంకరాభరణం సమస్య - 123

"ఆదాయపు పన్నుఁ గట్టె నచ్చెరు వొందన్"

కాదరు వల్లీ స్మగులరు 

రోదించుచు జైలు జేరి రొప్పుచు కడకున్ 

బాదర బందియు తీర్చగ 

నాదాయపు పన్నుఁ గట్టె నచ్చెరు వొందన్

(కంది శంకరయ్య గారి సౌజన్యంతో)

*************************************************************************************************************************************************************

శంకరార్పణం - 2975

*******************************************************************************************************

శంకరాభరణం సమస్య - 2975

"కుండం జేయఁగ నొప్పు కుంభినిని లోకుల్ మెచ్చి కీర్తింపఁగన్"

గండర్ గండురు చంద్రు లిర్వురిటనున్ గాఢమ్ముగా పోరగా

దండింపంగను దేవతల్ భువినికన్ దంభమ్ముతో జేరగా...

అండంగుండను మేక కుక్కుటలు పల్ యంత్రమ్ము తంత్రమ్ములన్ 

కుండం జేయఁగ నొప్పు కుంభినిని లోకుల్ మెచ్చి కీర్తింపఁగన్

కుండము = వంట కుండ

(కంది శంకరయ్య గారి సౌజన్యంతో)

*************************************************************************************************************************************************