శంకరార్పణం - 3040

*******************************************************************************************************

శంకరాభరణం సమస్య - 3040

*"నెరజాణల్ గనరారుపో వెదకినన్ నెల్లూరులో నయ్యయో"*

శిరముల్ దాల్చక భర్త లానలనయో చీల్చించి చెండాడుచున్ 

ఖరమౌ మాటల నత్తమామలనహా కవ్వించి పోరాడుచున్ 

గురువుల్ బుర్రల పాలు పోయకను భల్ కోపమ్ముతో మొట్టెడిన్ 

నెరజాణల్ గనరారుపో వెదకినన్ నెల్లూరులో నయ్యయో!

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3040

**************************************************************************************************

శంకరాభరణం సమస్య - 3040

"నెరజాణల్ గనరారుపో వెదకినన్ నెల్లూరులో నయ్యయో"

వరమౌ నాంధ్రుల శంకరా భరణమున్ వాగ్దేవులై చేరకే

సరసంబాడుట చేతగాక కవులన్ సాధించి బాధించుచున్

పరమార్థమ్మునెరుంగకుండ మదినిన్ బంగారునే కోరెడిన్ 

నెరజాణల్ గనరారుపో వెదకినన్ నెల్లూరులో నయ్యయో!

కంది వారి స్పందన: 

"ప్రభాకర శాస్త్రి గారూ, మీపూరణ ప్రశస్తంగా ఉన్నది. అభినందనలు"

***************************************************************************************************************************************************

శంకరార్పణం - 3038

*****************************************************************************************************

శంకరాభరణం సమస్య - 3038

*"హరుఁడే సంతత లోకవిత్తహరుఁడై యన్యాయముం జేసెడిన్"*

వరముల్ నిచ్చుచు మూఢ భక్తులకు తా బైరాగియై పారుటన్ 

సరియౌ వాహన మబ్బకుండ తనువున్ సారించు గంగెద్దునన్... 

కురులన్ దాల్చుచు గంగనున్ విరివిగా గుప్పించు నీరమ్ము;...నీ 

హరుఁడే సంతత లోకవిత్తహరుఁడై యన్యాయముం జేసెడిన్?

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 3038

*****************************************************************************************************

శంకరాభరణం సమస్య: 3038

*"హరుఁడే సంతత లోకవిత్తహరుఁడై యన్యాయముం జేసెడిన్"*

"చౌకీదార్ చోర్ హై!" 

కరముల్ మోడ్చుచు నన్ను కావుమనగా గారాబు మిత్రుండటన్

కరముల్ త్రిప్పుచు బిందెలోన భళిగా కాపాడ నంబానినిన్

వరముల్ నిచ్చుచు రాఫెలందు వసిగా పండంటి హిందూత్వపున్

హరుఁడే సంతత లోకవిత్తహరుఁడై యన్యాయముం జేసెడిన్

"హర్ హర్ మోడీ ఘర్ ఘర్ మోడీ"

(కంది శంకరయ్య గారి సౌజన్యంతో)

***********************************************************************************************************************************************************

శంకరార్పణం - 530

*******************************************************************************************************

శంకరాభరణం సమస్య - 530

"భావింపగఁ గృష్ణుఁ డేకపత్నీవ్రతుఁడే!"

నీవలె నావలె మొదటన్ 

కేవల మొకతెయ లతాంగి గృహిణిగ నుండన్

వేవురు చేరుట ముందుగ 

భావింపగఁ గృష్ణుఁ డేకపత్నీవ్రతుఁడే!

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం - 3037

****************************************************************************************************

శంకరాభరణం సమస్య - 3037

"చీమ పరాకునన్ గఱచె సింహబలుండు గతించె వింతగన్"

వంగ పురాణము: 

చీమయె గండుదౌ బలిసి సింహపు చెవ్వున దూరి కుట్టగా

భీముని బోలు సింహమట వ్రేటులు వేయుచు పంజతోడుతన్

చీమను కొట్టబోవగను చెన్నుగ చచ్చెను నాత్మహత్యనున్:

"చీమ పరాకునన్ గఱచె సింహబలుండు గతించె వింతగన్"

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3037

****************************************************************************************************

శంకరాభరణం సమస్య - 3037

"చీమ పరాకునన్ గఱచె సింహబలుండు గతించె వింతగన్"

పామును బోలుచున్ వడిగ పాకుచు గుట్టుగ నన్ని గ్రామముల్

గోముగ నాలకించుచును గొప్పగు రీతిని కష్టనష్టముల్

సామును జేయుచున్ జగను చంద్రుని దించెను గద్దెనుంచిటుల్: 

"చీమ పరాకునన్ గఱచె సింహబలుండు గతించె వింతగన్"

(కంది శంకరయ్య గారి సౌజన్యంతో)

*************************************************************************************************