శంకరార్పణం - 889

*****************************************************************************************

శంకరాభరణం సమస్య - 889

"మగవారికి పసుపు కుంకుమల నిడుట తగున్"

వగచుచు నమేథి వీడుచు 

రగడకు భయపడి త్యజించి రక్కసి తోడన్

జగడము చేయక పరుగిడు 

మగవారికి పసుపు కుంకుమల నిడుట తగున్

(కంది శంకరయ్య గారి సౌజన్యంతో)

***************************************************************************************************

శంకరార్పణం - 888

*******************************************************************************************************

శంకరాభరణం సమస్య - 888

"కోతిని పట్టి కట్టుమని కోరెను శంకరునిన్ వినమ్రుడై"

ఘాతుక శబ్దజాలముల ఘైయని పేర్చుచు విఱ్ఱవీగగన్ 

భ్రాతల శంకరాభరణ ప్రాంగణ మందున చేరి కుల్కెడిన్

నూతన హాస్య పూరణల నొల్లక నొవ్వెడి బుద్ధిశాలి యా

కోతిని పట్టి కట్టుమని కోరెను శంకరునిన్ వినమ్రుడై😊

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 887

**********************************************************************************************************

శంకరాభరణం సమస్య - 887

"పరువు నిలిపె రణము వీడి పారి పోయి యయ్యెడన్"

బరువు మోడి పట్టు బట్టి భాగ్య మొందగానటన్

సురను గ్రోలి రాహులుండు సుద్దు లెల్ల పల్కుచున్

జ్వరము వచ్చె నాకటంచు జైత్రయాత్ర వీడుచున్

పరువు నిలిపె రణము వీడి పారి పోయి యయ్యెడన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3093

****************************************************************************************************

శంకరాభరణం సమస్య - 3093

"ఔనౌఁ గల్లలె చెప్పు నందురు గదా యాకాశవాణిన్ జనుల్"

ఆనందమ్ముగ కుల్కుచున్ ప్రభుతదౌ  నారాధ్య కంఠమ్ముగా 

వీనుల్ విందగు మాటలన్ పలుకుచున్ విడ్డూరమౌ రీతినిన్

జానల్ బెత్తెడు కృత్యముల్ పొగడగా జాప్యమ్ము లేకుండగా 

నౌనౌఁ గల్లలె చెప్పు నందురు గదా యాకాశవాణిన్ జనుల్

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 3093

***************************************************************************************************

శంకరాభరణం సమస్య - 3093

"ఔనౌఁ గల్లలె చెప్పు నందురు గదా యాకాశవాణిన్ జనుల్"

వానల్ బాగుగ వచ్చి కర్షకులికన్ బ్రహ్మాండమౌ రీతినిన్

కోనల్ కోనల రాష్ట్రమందు భళిగా కొండాడ్రు మిమ్మంచు పల్

గానమ్ముల్ వడి పాడి నేతలవహో  కంఠమ్ము వేచీల్చగా 

నౌనౌఁ గల్లలె చెప్పు నందురు గదా యాకాశవాణిన్ జనుల్

(కంది శంకరయ్య గారి సౌజన్యంతో)

*************************************************************************************************

శంకరార్పణం - 885

******************************************************************************************************

శంకరాభరణం సమస్య - 885

"కమ్మని వరమొసఁగ మిగుల కళవళమొందెన్"

ఇమ్ముగ  ప్రత్యక్షమయిన 

పిమ్మట భస్మాసురుండు ప్రీతిని కోరన్

గమ్మున భోళా వేలుపు 

కమ్మని వరమొసఁగ మిగుల కళవళమొందెన్

(కంది శంకరయ్య గారి సౌజన్యంతో)

**************************************************************************************************

శంకరార్పణం - 884

***************************************************************************************************

శంకరాభరణం సమస్య - 884

"యముఁ గన పెన్నిధులు పెక్కు లలరుచు నుండున్"

కమలము చిహ్నపు జనతకు 

విమలపు మనమున పరుగిడి  వింజామరతో

తమ ముఖ్య మంత్రి కాషా 

యముఁ గన పెన్నిధులు పెక్కు లలరుచు నుండున్

(కంది శంకరయ్య గారి సౌజన్యంతో)

************************************************************************************************