శంకరార్పణం - 1054

******************************************************************************************************

శంకరాభరణం సమస్య - 1054

"వక్త్రంబుల్ పది గలిగినవానికి జేజే!"

వక్త్రము లేడు కొడుకులకు

వక్త్రమ్ములు రెండు తనకు పార్వతి తోడన్ 

వక్త్రమ్ము నంది కొక్కటి 

వక్త్రంబుల్ పది గలిగినవానికి జేజే!

*******************************

ప్రభాకర శాస్త్రి గారూ, 

చివరికి శివుణ్ణి పది తలలవాణ్ణి చేశారు. అద్భుతమైన పూరణ. అభినందనలు.

************************************************************************************************

శంకరార్పణం - 1053

****************************************************************************************************

శంకరాభరణం సమస్య - 1053

"కుందేలుకుఁ జూడఁ జూడఁ గొమ్ములు రెండే"

అందముగా రెండు చెవులు 

పొందికగా నుండు జూడ పొడవైనవిగా! 

మందును తెగ గ్రోలినచో 

కుందేలుకుఁ జూడఁ జూడఁ గొమ్ములు రెండే!

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 1051

*******************************************************************************************************

శంకరాభరణం సమస్య - 1051

"నీ కనుదోయి వెన్నెలలు నిండక కోర్కులు నాకు పండునే!

2019 ఎన్నికల సమయం: 

రోకలి పోటులన్ విసిగి రోయుచు మోడిని తిట్టుచుండగా

పాకుల పైన బాంబులను భళ్ళున దింపగ నోడిపోతివే! 

వ్యాకులతేలనే మమత! వన్నెలు చిందెడి నీదు మోమునన్ 

నీ కనుదోయి వెన్నెలలు నిండక కోర్కులు నాకు పండునే!

(కంది శంకరయ్య గారి సౌజన్యంతో)

**********************************************************************************************

శంకరార్పణం - 1046

*********************************************************************************************************

శంకరాభరణం సమస్య - 1046

"వదినను బెండ్లాడెను బుధవర్యులు మెచ్చన్"

అదివో చూడర రుక్మిణి! 

పదుగురిలో మెలగుచుండె బాలిక వోలెన్

పది మణుగుల బంగరు విలు 

వది, నను బెండ్లాడెను బుధవర్యులు మెచ్చన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 1045

************************************************************************************************************

శంకరాభరణం సమస్య - 1045

"ఆంగ్లం బందున “మమ్మి డాడి” యనుటే యాంధ్రాభిమానం బగున్"

ఇంగ్లాండందున పుట్టి కర్మకొలదిన్ హిందూత్వమున్ వీడుచున్ 

బెంగ్లూరందున జాబు జేయుచు మహా భీభత్సమౌ తీరునన్

బంగ్లాదేశమునందు యాత్ర గొనుచున్ బంగాలి రాకుండుచో 

నాంగ్లం బందున “మమ్మి డాడి” యనుటే యాంధ్రాభిమానం బగున్

(కంది శంకరయ్య గారి సౌజన్యంతో)

******************************************************************************************************************************************

శంకరార్పణం - 1043

******************************************************************************************************

శంకరాభరణం సమస్య - 1043

"ఇద్దరు సతులున్నవాఁడె హితము గడించున్"

ప్రొద్దున రాతిరి పోరుచు

కొద్దిగ వ్యవధియును లేక కొరడాల్ తోడన్ 

ముద్దుగ ప్రక్కన కొంపను 

నిద్దరు సతులున్నవాఁడె హితము గడించున్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 1042

*****************************************************************************************************

శంకరాభరణం సమస్య - 1042

"కరమొప్పారెను వాని దేహము శరాఘాతమ్ముచే నాజిలోన్"

సరసుండాతడు రాహులుండు వడిగా సామ్రాజ్యమున్ కోరుచున్

విరసంబొప్పెడు శాపనార్థములతో వెంటాడగా మోడినిన్

దరహాసోక్తుల బాణసంచు లిడుచున్ దండింపనా శూరుడే

కరమొప్పారెను వాని దేహము శరాఘాతమ్ముచే నాజిలోన్

(కంది శంకరయ్య గారి సౌజన్యంతో)

*************************************************************************************************************************************************