శంకరార్పణం - 1064

***********************************************************************************************************

శంకరాభరణం సమస్య - 1964

"వానర సైన్యమ్మె రక్ష పంక్తిముఖునకున్"

మీనము మేషము లెంచక 

దీనులు కోతులని నవ్వి తిప్పలు పడకే 

కోనల్ కోనల దునుమన్ 

వానర సైన్యమ్మె;...రక్ష పంక్తిముఖునకున్

(కంది శంకరయ్య గారి సౌజన్యంతో)

************************************************************************************************

శంకరార్పణం - 1063

*******************************************************************************************************

శంకరాభరణం సమస్య - 1063

"హనుమత్పుత్రిని భార్యగాఁ గొనె నయోధ్యారాముఁ డాహ్లాదియై"

కనుచున్ రాముని భక్తులన్ కడుపునన్ కాలంగ నత్యాశతో

తినుచున్ కొబ్బరి లడ్డులన్ నగవుచున్ తీండ్రించి చెల్లెమ్మతో

చనుచున్ రాహులుడాదటన్ వడివడిన్ ఝాడించెగానివ్విధిన్: 

"హనుమత్పుత్రిని భార్యగాఁ గొనె నయోధ్యారాముఁ డాహ్లాదియై"

(కంది శంకరయ్య గారి సౌజన్యంతో)

***************************************************************************************************

శంకరార్పణం - 1059

*****************************************************************************************************

శంకరాభరణం సమస్య - 1059

"భూతప్రేతపిశాచసంఘమును సంపూజించినన్ మేలగున్"

నీతుల్ జెప్పెడి రాహులుండ! భడవా! నీవింక జందెమ్ముతో 

కోతల్ కోయక బ్రాహ్మణుండ ననుచున్ కొంచెమ్ము సిగ్గొందుచున్

యాతాయాతపు జీవితమ్ము కనుచున్ యాగమ్ములన్ మానుచున్ 

భూతప్రేతపిశాచసంఘమును సంపూజించినన్ మేలగున్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 1058

*****************************************************************************************************

శంకరాభరణం సమస్య - 1058

"రాయలు రచియించెనంట రామాయణమున్"

బోయయని కొందరందురు 

కాయుచు దారులను దోచు కఠినుండనుచున్ 

హాయిగ చీమల పుట్టల 

రాయలు రచియించెనంట రామాయణమున్!

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 1057

******************************************************************************************************

శంకరాభరణం సమస్య - 1057

"వేసవిలో శీతవాయువే వీచుఁ గదా!"

మీసపు వేంకయ నాయుడు

వాసిగ గడగడ గడగడ భాషణమిడగన్

కాసిని మాటలు వినగనె 

వేసవిలో శీతవాయువే వీచుఁ గదా!

(కంది శంకరయ్య గారి సౌజన్యంతో)

************************************************************************************************

శంకరార్పణం - 1056

******************************************************************************************************

శంకరాభరణం సమస్య - 1056

"కన్నులు మూసి కాంచితి ధగద్ధగ కాంతుల నాకసంబునన్"

తన్నుకు చచ్చుచుండగను తాపము మీరగ నెన్నికందునన్

తిన్నగ రాహులుండపుడు ధీయుతుడౌచును వెంగళప్ప వోల్

మిన్న ప్రియంకనున్ విడువ మీరిన శోభల ధూముధామునన్ 

కన్నులు మూసి కాంచితి ధగద్ధగ కాంతుల నాకసంబునన్

(కంది శంకరయ్య గారి సౌజన్యంతో)

**************************************************************************************************

శంకరార్పణం - 1055

******************************************************************************************************

శంకరాభరణం సమస్య - 1055

"తొయ్యలి తాలింపున నిడెఁ దులసీదళముల్"

అయ్యరు వంటకు సెలవిడ

కుయ్యన కుండగ మునగల కూటున నూనెన్ 

వియ్యపు రాలికి జలుబని 

తొయ్యలి తాలింపున నిడెఁ దులసీదళముల్

(కంది శంకరయ్య గారి సౌజన్యంతో)

***********************************************************************************************************************************************