శంకరార్పణం - 1392

**************************************************************************************************

శంకరాభరణం సమస్య - 1392

"ఖలసంబంధమ్ము క్షేమకారణ మయ్యెన్"

అలవోకగ తిండి దొరకు

 

విలపించగ బైలు దొరకు వేడుక మీరన్ 

పలువిధముల చిద్దుకు శృం 

ఖలసంబంధమ్ము క్షేమకారణ మయ్యెన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 1389

***************************************************************************************************

శంకరాభరణం సమస్య - 1389

"మందాకిని పరువులెత్తె మైసూరు దెసన్"

చిందెడి నదులను కలుపగ 

ముందుగ విశ్వేశ్వరునకు మ్రొక్కుల నిడుచున్ 

సందడి మెండుగ జేయుచు 

మందాకిని పరువులెత్తె మైసూరు దెసన్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 1388

***************************************************************************************************

శంకరాభరణం సమస్య - 1388

"భగవంతుని పూజసేయఁ బాపము దగులున్"

పగలును రాత్రిని పొగలిడు 

సిగరెట్టులు మెండు కాల్చి శృంగారమునన్ 

వగలాడికి ముద్దులనిడి 

భగవంతుని పూజసేయఁ బాపము దగులున్

(కంది శంకరయ్య గారి సౌజన్యంతో)

***********************************************************************************************

శంకరార్పణం - 3150

**************************************************************************************************

శంకరాభరణం సమస్య - 3150

"కలనైనన్ దలపోయరే జరుపఁగన్ గాంధీ జయంతిన్ జనుల్"

వలపుల్ మీరగ కాంగ్రెసున్ నడుపుచున్ వైరాగ్య భావమ్ముతో

కలనున్ గాంచని రీతినిన్ కలుపగా కాశీని గంగమ్మనున్... 

నలభై తొమ్మిది వత్సరాల్ గడువగా నాట్యమ్ము గానమ్ములన్ 

కలనైనన్ దలపోయరే జరుపఁగన్ గాంధీ జయంతిన్ జనుల్

గాంధి = రాహుల్ గాంధి

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3150

**************************************************************************************************

శంకరాభరణం సమస్య - 3150

"కలనైనన్ దలపోయరే జరుపఁగన్ గాంధీ జయంతిన్ జనుల్"

తలుపుల్ మూయుచు స్వచ్ఛ భారతమునున్ దండించి బంధించుచున్

వలపుల్ మీరగ విస్కి పై నిచట భల్ బ్రాండీని బాధించకే 

బలుపౌ మేకల మాంసమున్ విడువకే బంగారు రాజ్యమ్మునన్

కలనైనన్ దలపోయరే జరుపఁగన్ గాంధీ జయంతిన్ జనుల్

(కంది శంకరయ్య గారి సౌజన్యంతో)

*************************************************************************************************

శంకరార్పణం - 1386

*******************************************************************************************************

శంకరాభరణం సమస్య - 1386

"కుటిలత్వముఁ జూపఁగాఁ దగున్ గవులారా!"

నటనల రమణుల పొగడగ 

చిటపట మాటలను వీడి చిక్కని రీతిన్ 

జటిలపు పద్యము లందున 

కుటిలత్వముఁ జూపఁగాఁ దగున్ గవులారా!

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 1385

***********************************************************************************************

శంకరాభరణం సమస్య - 1385

"తరువున వెల్గొందుచుండె తారాగణముల్"

బరువుగ బిరియాని తినుచు 

విరివిగ సారాయి త్రాగి వేకువ జామున్ 

పొరలగ నడివీధి నహహ

తరువున వెల్గొందుచుండె తారాగణముల్

(కంది శంకరయ్య గారి సౌజన్యంతో)

************************************************************************************************