శంకరార్పణం - 1670

*******************************************************************************************************

శంకరాభరణం సమస్య - 1670

"గంగానది యుప్పునీరు గలదై పాఱెన్"

రంగములోనోడి ఘనుడు  

హంగులతో మోడిఁ జూచి హర హర యనుచున్ 

చెంగున దూకుచు నేడ్వగ 

గంగానది యుప్పునీరు గలదై పాఱెన్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 1669

*******************************************************************************************************

శంకరాభరణం సమస్య - 1669

"సీతను రాముండె దాచి చిరయశ  మందెన్"

కోతులతో లంక వెడలి 

రీతిగ రావణును గెల్చి లెమ్మిక ననుచున్ 

ప్రీతిని తన హృదయమ్మున 

సీతను రాముండె దాచి చిరయశ  మందెన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 1667

***************************************************************************************************

శంకరాభరణం సమస్య - 1667

"వేదాంగము లీ జగతికి విషతుల్యమ్ముల్"

దాదా రాహులు సోనియ 

మోదపు నగవుల ప్రియంక మోదియు దీదీ 

వాదమ్ములతో లేనివి 

వేదాంగము లీ జగతికి విషతుల్యమ్ముల్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 1662

****************************************************************************************************

శంకరాభరణం సమస్య - 1662

"భారత రామాయణములు వ్యర్థములు గదా!"

ఏ రాజకీయములయో! 

తీరుగ నెన్నికలలోన తిండియు రూకల్ 

బీరులు పంచగ జాలని

 

భారత రామాయణములు వ్యర్థములు గదా!

(కంది శంకరయ్య గారి సౌజన్యంతో)

***********************************************************************************************

శంకరార్పణం - 1659

*********************************************************************************************************

శంకరాభరణం సమస్య - 1659

""అన్నమొ రామచంద్ర!" యని యందరు చచ్చిన రామరాజ్యమే"

పన్నుగ బైకు త్రోలుచును బంజర హిల్సున వీధులందునన్ 

చెన్నుగ దొంగిలించి వడి క్షేమపు రీతిని హేమహారముల్ 

మిన్నగ పారిపోవుటను మెండుగ వచ్చిన రాక్షసాధముల్ 

"అన్నమొ రామచంద్ర!" యని యందరు చచ్చిన రామరాజ్యమే!

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 1658

**********************************************************************************************************

శంకరాభరణం సమస్య - 1658

"భీముండు ప్రసిద్ధుఁడయ్యెఁ బిఱికితనమునన్"

భామిని కోర్కెను తీర్చగ 

క్షేమమ్ముగ తోక నెత్తి గెలుచుట నందున్ 

రాముని బంటుకు నోడగ 

భీముండు ప్రసిద్ధుఁడయ్యెఁ బిఱికితనమునన్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 1657

**********************************************************************************************

శంకరాభరణం సమస్య - 1657

"మీసమ్ములు లేని వనిత మేదినిఁ గలదే"

వాసిగ నమ్మను పొగడుచు

దోసమ్మును తెలిపినంత దొండల వేపున్

రోసమున పతిని మించెడి

మీసమ్ములు లేని వనిత మేదినిఁ గలదే!

(కంది శంకరయ్య గారి సౌజన్యంతో)

***************************************************************************************************************************************************