శంకరార్పణం - 121

****************************************************************************************************

శంకరాభరణం వృత్త సమస్య - 121

"కన్నులు మూసి కాంచితి ధగద్ధగ కాంతుల నాకసంబునన్"

తన్నుచు కాంగ్రెసాదులను తాండవ మాడి హుజూరునందునన్

చెన్నుగ చంద్రశేఖరుడు జేయని గెల్వగ హైద్రబాదునన్

పన్నుగ రాకెటుల్ విడిచి పండుగ జేయగ కండ్లు నొవ్వగా 

కన్నులు మూసి కాంచితి ధగద్ధగ కాంతుల నాకసంబునన్

(కంది శంకరయ్య గారి సౌజన్యంతో)

*********************************************************************************************************************************************

ఆకాశవాణి సమస్య

******************************************************************************************************

శంకరాభరణం సమస్య - 3241

"నూతన వత్సరమ్మున వినూత్న వినోద విహార మెందుకో?"

చేతులు కాల భాజపకు చెన్నుగ భోపలు పంజబందునన్

 

వాతలు పెట్టగా ప్రజలు వాసిగ ముంబయి రాయపూరునన్ 

భీతిని నోడగా కడకు భిల్లుల దేశపు ఝాడుకండునన్ 

నూతన వత్సరమ్మున వినూత్న వినోద విహార మెందుకో!

(కంది శంకరయ్య గారి సౌజన్యంతో)

******************************************************************************************************

ఆకాశవాణి సమస్య

*******************************************************************************************************

శంకరాభరణం సమస్య - 3241

"నూతన వత్సరమ్మున వినూత్న వినోద విహార మెందుకో?"

చేతుల గాజులున్ జతగ చెవ్వుల కమ్మలు వజ్రహారమున్ 

ప్రీతిని పట్టుచీరలను పేరిమి మీరగ నీకునిత్తునన్ 

పాతవి కోతలన్ వినగ పక్కున నవ్వెడు జీతగానికిన్ 

నూతన వత్సరమ్మున వినూత్న వినోద విహార మెందుకో!!!

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 120

********************************************************************************************************

శంకరాభరణం వృత్త సమస్య - 120

"నీ కనుదోయి వెన్నెలలు నిండక కోర్కులు నాకు పండునే!"

నరేంద్ర మోడి ఉవాచ:

"చీకటి రాత్రులందునను చిక్కులు పెట్టుచు నవ్వుచుండకే 

నాకిక బంగలున్ విడిచి నాటక మాడక మోడివర్యుడా

తాకను వద్దునన్ననుచు" తాండవ మాడెడి వంగదీదిరో! 

నీ కనుదోయి వెన్నెలలు నిండక కోర్కులు నాకు పండునే!

(కంది శంకరయ్య గారి సౌజన్యంతో)

*************************************************************************************************

శంకరార్పణం - 118

******************************************************************************************************

శంకరాభరణం వృత్త సమస్య - 118

"కరమొప్పారెను వాని దేహము శరాఘాతమ్ముచే నాజిలోన్"

పరువుల్ బెట్టుచు నెన్నికన్ ముదముతో పాడంగ పాఠమ్ములన్

సరసా లాడుచు మైకులో బలుపుగా సంగ్రామమున్ జేయగా

కరవన్ మోడిని ఝాడుకండు ప్రజలే గాఢమ్ముగా నేడు; శ్రీ

కరమొప్పారెను వాని దేహము శరాఘాతమ్ముచే నాజిలోన్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 117

****************************************************************************************************

శంకరాభరణం వృత్త సమస్య - 117

"దారా రమ్మని పిల్చె నొక్క సతి భర్తన్ ప్రేమ పొంగారగన్"

తారాజువ్వల దుర్గపూజ వడినిన్ దంభమ్ముగా వచ్చెరా!

చారున్ పచ్చడినిన్ తినంగ తరచున్ చండాలమై పోవగా

భారమ్మాయెను నాకలే కడుపునన్ బంగాలులో తీయ...చం 

దా! రా! రమ్మని పిల్చె నొక్క సతి భర్తన్ ప్రేమ పొంగారగన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3240

*************************************************************************************************************

శంకరాభరణం సమస్య - 3240

"విలువలు మృగ్యమౌటఁ గని విజ్ఞులు మెచ్చిరి మోదమందుచున్"

కలలను కాన రీతినిట గాభర నిచ్చుచు వంటకాండ్లకున్

బిలబిల చేరగా ధరలు విన్నుల వీధుల హైద్రబాదునన్

కలుపుచు నుల్లిపాయలను కమ్మని కూటుకు ఘాటునిచ్చెడిన్ 

విలువలు మృగ్యమౌటఁ గని విజ్ఞులు మెచ్చిరి మోదమందుచున్

(కంది శంకరయ్య గారి సౌజన్యంతో)

*************************************************************************************************