శంకరార్పణం - 284

*************************************************************************************************

శంకరాభరణం వృత్త సమస్య - 284

"కుంజరయూధ ముద్ధతినిఁ గోల్పడి చొచ్చెను దోమ కుత్తుకన్"

రంజన మొంద సైనికులు రాక్షసి సోనియ పావరుండయో

పుంజుకు వచ్చి పాదములు ముద్దుగ బట్టగ ఠాకరేనివిన్

సంజయ రౌతుడిట్లనియె చంకలు గొట్టుచు వెక్కిరించుచున్:👇 

"కుంజరయూధ ముద్ధతినిఁ గోల్పడి చొచ్చెను దోమ కుత్తుకన్"

సంజయ రౌత్ = Editor of Samana, the newspaper of Shiv Sena

(కంది శంకరయ్య గారి సౌజన్యంతో)

**********************************************************************************************

శంకరార్పణం - 283

****************************************************************************************************

శంకరాభరణం వృత్త సమస్య - 283

"భారత యుద్ధరంగమున పార్థుఁడు సచ్చెను భీముఁ డేడ్వఁగన్"

పోరున పార్థునిన్ దునిమి పోకిరి వాడగు భీమసేనునిన్ 

తీరుగ తన్నుచున్ కొడుకు త్రిప్పలు బెట్టుచు నవ్వుచుండగన్...

తీరని స్వప్నమందునను తియ్యగ చూచెడు పుట్టుగ్రుడ్డికిన్ 

భారత యుద్ధరంగమున పార్థుఁడు సచ్చెను భీముఁ డేడ్వఁగన్

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 282

****************************************************************************************************

శంకరాభరణం వృత్త సమస్య - 282

"తల్లికిఁ దండ్రికిన్ దగఁ బ్రదక్షిణ సేయఁగరాదు సంతుకున్"

తల్లిని తండ్రినిన్ పొగిడి తాతలు కట్టిన మేడతో సహా 

మెల్లగ లాగి యాస్తులను మెండుగ తిండిని పెట్టకుండగన్

చల్లగ నెట్టి వీధులను చక్కని భామను కౌగిలించుచున్ 

తల్లికిఁ దండ్రికిన్ దగఁ బ్రదక్షిణ సేయఁగరాదు సంతుకున్

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 3297

*******************************************************************************************************

శంకరాభరణం సమస్య - 3297

"పిపీలిక వడిఁ దుమ్మె నేనుఁగులు లేచి పరుంగిడె భీతి హెచ్చఁగన్"

ముకుటము దాల్చి పుట్టగనె పూజల నొందుచు కాంగ్రెసందునన్;....

కుకురము లెల్ల కూయుచును కుందుచు నుండగ డింపులయ్యనున్ 

వికలము జేసి ముక్కునహ పీకె యిరాని యమేఠినిన్;... "పిపీ

లిక వడిఁ దుమ్మె నేనుఁగులు లేచి పరుంగిడె భీతి హెచ్చఁగన్"

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 3297

****************************************************************************************************

శంకరాభరణం సమస్య - 3297

"పిపీలిక వడిఁ దుమ్మె నేనుఁగులు లేచి పరుంగిడె భీతి హెచ్చఁగన్"

చకచక తెల్ల ఱేడులహ చంకలు కొట్టుచు భారతావనిన్ 

వికలము జేసి సౌధములు ప్రీతిని కట్టగ విశ్వమంతటన్ 

సకలము కూలిపోయెగద చంకలు నాకుచు! .....గాంధియౌ పిపీ

లిక వడిఁ దుమ్మె నేనుఁగులు లేచి పరుంగిడె భీతి హెచ్చఁగన్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 281

****************************************************************************************************

శంకరాభరణం వృత్త సమస్య - 281

"పద్యము కాలకూటవిషభాండము గాదె కవిత్వవేదికిన్"

సద్యశ మొందినన్ కవియె జారులు చోరులు కూడు వేళనున్

 

హృద్యపు బారునందుజని హేళన జేయుచు నన్నయాదులన్

మద్యము త్రాగి మత్తునను మందును మెచ్చుచు పల్కునట్టి యా 

పద్యము కాలకూటవిషభాండము గాదె కవిత్వవేదికిన్

(కంది శంకరయ్య గారి సౌజన్యంతో)

************************************************************************************************

శంకరార్పణం - 280

*************************************************************************************************

శంకరాభరణం వృత్త సమస్య - 280

"రాముఁడు ధర్మమున్ జెఱచె రాజులు యోగులు సంతసింపఁగన్"

ఏమని చెప్పెదన్ ఘనుడ! ఏటికి చేసితివిట్టి దోషమున్: 

"రాముఁడు ధర్మమున్ జెఱచె రాజులు యోగులు సంతసింపఁగన్"

గోముగ తప్పు దిద్దుమయ! గొప్పగు రీతిని నివ్విధంబుగన్:👇 

"రాముఁడ ధర్మమున్ జెఱచె రాజులు యోగులు సంతసింపఁగన్"

(కంది శంకరయ్య గారి సౌజన్యంతో)

*************************************************************************************************