శంకరార్పణం - 3299

*************************************************************************************************

శంకరాభరణం సమస్య - 3299

"గుండియ యాగినప్పుడె యకుంఠిత సౌఖ్యము దక్కు పర్వమౌ"

కుండల పోతవర్షమున గుండును దాచగ వంగభూమినిన్

కొండొక చెట్టు నీడనటు గొల్లున నేడ్చుచు దాగుచుండగా

చండిని పోలు దీదియహ చక్కగ నవ్వుచు చేర చెంతనున్

గుండియ యాగినప్పుడె యకుంఠిత సౌఖ్యము దక్కు పర్వమౌ

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3299

***************************************************************************************************

శంకరాభరణం సమస్య - 3299

"గుండియ యాగినప్పుడె యకుంఠిత సౌఖ్యము దక్కు పర్వమౌ"

వండగ నాదు పత్నియహ వందల లడ్డులు కజ్జికాయలున్ 

దండిగ బూరెలన్ తినుచు దారుణ భీతిని స్వప్నమందునన్

పండుగ రాత్రి రాహులుని భళ్ళున గాంచ ప్రధానమంత్రిగా

గుండియ యాగినప్పుడె యకుంఠిత సౌఖ్యము దక్కు పర్వమౌ!

(కంది శంకరయ్య గారి సౌజన్యంతో)

**********************************************************************************************

శంకరార్పణం - 287

*********************************************************************************************************

శంకరాభరణం వృత్త సమస్య - 287

"భగణంబందున నాస్తిరా గురువు విద్వాంసుల్ వినం జెప్పితిన్"

సిగనున్ చూడగ నొక్కగుర్వు బలుపౌ శృంగారమౌ తీరునన్

వగలే కుండగ రెండు లఘ్వులచటన్ వాదోడుగా నుండగా

మొగమున్ త్రిప్పెడు మూడు గుర్వులొకచో మోదమ్ము కల్పించెడిన్ 

భగణంబందున నాస్తిరా;.. గురువు, విద్వాంసుల్, వినం జెప్పితిన్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 286

****************************************************************************************************

శంకరాభరణం వృత్త సమస్య - 286

"రతిని వివాహమాడెనఁట బ్రహ్మ నిజమ్మిది నమ్ము మిత్రమా"

రతిని వివాహమాడినది బ్రహ్మయ కాదుర మూఢమిత్రమా! 

రతిని వివాహమాడినది రౌడిల మిత్రుడు మన్మథుండురా! 

కుతుకముతో సృజించుచును కూడగ గోరుచు చక్కనైన భా

రతిని వివాహమాడెనఁట బ్రహ్మ నిజమ్మిది నమ్ము మిత్రమా!

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 285

*****************************************************************************************************

శంకరాభరణం వృత్త సమస్య - 285

"స్వాతంత్ర్యమ్మున లాభ మందిరి గదా స్వార్థంపు నేతల్ ఘనుల్"

మూతిన్ నాకుచు ముఖ్యమంత్రి వరునిన్ ముద్దాడి పాదమ్ములన్ 

కోతల్ కోయుచు మంత్రులై సభలనున్ కొండాడుచున్ సోనియన్ 

ఖాతర్ చేయక నీతినిన్ నియమమున్ గర్జించి భర్జించుచున్ 

స్వాతంత్ర్యమ్మున లాభ మందిరి గదా స్వార్థంపు నేతల్ ఘనుల్

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 3298

*****************************************************************************************************

శంకరాభరణం సమస్య - 3298

"ధన్యుఁడు పూజ్యుడున్ గడప దాటని పూరుషుఁ డెల్లవేళలన్"

అన్యుల దోచకుండగను హాయిగ తీయని పంతులయ్యదౌ

దైన్యము నందునన్ వెలసి దండిగ కాసుల మున్గి తేలెడిన్

కన్యను కానగా కిటికి కన్నము నందున ప్రక్కయింటిదౌ;

ధన్యుఁడు పూజ్యుడున్; గడప దాటని పూరుషుఁ డెల్లవేళలన్

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 3298

****************************************************************************************************

శంకరాభరణం సమస్య - 3298

"ధన్యుఁడు పూజ్యుడున్ గడప దాటని పూరుషుఁ డెల్లవేళలన్"

శూన్యము కాగ వాజజము శోధన జేయుచు బ్రహ్మచారికిన్ 

మాన్యత నొల్లుచున్ వడిగ మందిర మందున కట్నమివ్వకే

కన్యను తెచ్చియిచ్చి మరి కమ్మని యల్లుని యద్దె కొంపనున్; 

ధన్యుఁడు పూజ్యుడున్; గడప దాటని పూరుషుఁ డెల్లవేళలన్

(కంది శంకరయ్య గారి సౌజన్యంతో)

********************************************************************************************************************************************