శంకరార్పణం - 3327

***************************************************************************************************

శంకరాభరణం వృత్త సమస్య - 3327

"రాముఁడు పెండ్లియాడుటకు రాఁడట భద్రగిరిస్థ వేదికిన్"

సోముని తోడుతన్ తనరి సుంతయు జాలిని చూపకుండగా

భీముడు మోడివర్యుడిట బింకము మీర నిరాకరించగా

కామము క్రోధమున్ విడిచి కమ్మని శ్రాంతిని నందమొందుచున్

రాముఁడు పెండ్లియాడుటకు రాఁడట భద్రగిరిస్థ వేదికిన్

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం - 444

**************************************************************************************************************

శంకరాభరణం వృత్త సమస్య - 444

"భయపడినంత వీరుఁడని పల్కుచు మెచ్చిరి లోకులెల్లరున్"

రయమున యుద్ధమందు జని రాక్షస వీరుల శూరులెల్లరిన్

నయమున గూడి చెండుచును నాలుగు ప్రక్కల మృత్యుదేవికిన్

భయమును వీడి పోరుచును;...భార్యకు కోడలి కత్తగారికిన్ 

భయపడినంత వీరుఁడని పల్కుచు మెచ్చిరి లోకులెల్లరున్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 442

************************************************************************************************************

శంకరాభరణం వృత్త సమస్య - 442

"వర పితృవాక్య పాలనమె పాపులఁ జేయును పుత్రసంఘమున్"

రంగనాయకీయము:

నిరసనజేసి తల్లినట నిందలు మోపుచు తూలనాడెనే...

తరుణికి ముక్కు చెవ్వులను దారుణ రీతిని కోసి పంపెనే...

తరువున చాటు దాగుచును తాపము నిచ్చెనె వీరవర్యుకున్...

వర పితృవాక్య పాలనమె పాపులఁ జేయును పుత్రసంఘమున్

(కంది శంకరయ్య గారి సౌజన్యంతో)

**************************************************************************************************

శంకరార్పణం - 441

******************************************************************************************************

శంకరాభరణం వృత్త సమస్య - 441

"పంటల్ పండని భూమిరైతుల కిడున్ బంగారమున్ చిత్రమే"

కృష్ణాపట్నం ముత్తుకూరు కథ: 

తంటాలయ్యలు నోడరేవునచటన్ తల్పంగ గుప్తమ్ముగాన్ 

వింటిన్ జేరగ భూమి మూల్యములహో  భీభత్సమౌ తీరునన్

గుంటల్ నక్కల వోలె బిల్డరులటన్ కూడంగ వేలమ్మునన్ 

పంటల్ పండని భూమిరైతుల కిడున్ బంగారమున్ చిత్రమే

(కంది శంకరయ్య గారి సౌజన్యంతో)

*****************************************************************************************************************

శంకరార్పణం - 440

****************************************************************************************************

శంకరాభరణం వృత్త సమస్య - 440

"ఖ్యాతినిఁ గన్న వీరుఁ డెవఁ డన్నపు డుత్తరు నేఁ దలంచెదన్"

కోతలు కోసి స్త్రీలకడ కూడిన శూరుల జూసి పోరునన్ 

రోతయు లేక తోకనహ రూఢిగ నూనుచు కాళ్ళ మధ్యనున్ 

ప్రీతిగ వెన్ను జూపుచును బింకము వీడుచు పారుటందునన్ 

ఖ్యాతినిఁ గన్న వీరుఁ డెవఁ డన్నపు డుత్తరు నేఁ దలంచెదన్

(కంది శంకరయ్య గారి సౌజన్యంతో)

*************************************************************************************************

శంకరార్పణం - 437

*****************************************************************************************************

శంకరాభరణం వృత్త సమస్య - 437

"అలరుంబోడి ధరించె సంతసమునన్ యజ్ఞోపవీతమ్మునున్"

కలలన్ గానని రీతినిన్ స్మృతియటన్ గగ్గోలు పుట్టించగా 

విలపించంగను కాంగ్రెసోత్తములు భల్ వేదజ్ఞుడౌ బ్రహ్మయే 

తలలన్ మార్చగ రాహులున్ భగినివిన్ తాదాత్మ్యతన్ చెందుచున్ 

అలరుంబోడి ధరించె సంతసమునన్ యజ్ఞోపవీతమ్మునున్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 436

*******************************************************************************************************

శంకరాభరణం వృత్త సమస్య - 436

"ఈశుఁడు శంకరుం డవతరించెను రాముఁడుగా ధరాస్థలిన్"

క్లేశము హెచ్చ దేవతలు ఖేదము తెల్పగ కైటభారికిన్

లేశము సంశయమ్ము విడి లీలను చూపగ పద్మవాసతో

కేశవు డాదటన్ తనరి; క్రీడను మెచ్చగ వెండికొండనుం 

డీశుఁడు శంకరుం; డవతరించెను రాముఁడుగా ధరాస్థలిన్

(కంది శంకరయ్య గారి సౌజన్యంతో)

**************************************************************************************************************************************************