శంకరార్పణం - 3328

********************************************************************************************************

శంకరాభరణం వృత్త సమస్య - 3328

"నానా శ్రేయము లందఁజేసెను కరోనా మానవుల్ మెచ్చగన్"

కానంగా నడివీధినిన్ నెమలినిన్  గారాబు ముస్తాబుతో 

శ్వానమ్ముల్ వడి పారిపోవగనహా స్థానమ్ములన్ వీడుచున్ 

హానిన్ గొల్పెడు ధూమముల్ పురమునున్ హ్లాదమ్మునన్ వీడగా

 

నానా శ్రేయము లందఁజేసెను కరోనా మానవుల్ మెచ్చగన్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 450

*******************************************************************************************************

శంకరాభరణం వృత్త సమస్య - 450

"బెదరి పలాయితుం డయెను పృచ్ఛకులం గనఁగన్ వధానియే"

చదువులు రాని పండితులు చక్కగ కూడుచు నాగపూరునన్ 

వదరుచు గోల గోలగను పండుగ జేయుచు రంగమందునన్ 

కుదురును లేక కోతులయి కుందుచు గంతుచు కేకలేయగన్ 

బెదరి పలాయితుం డయెను పృచ్ఛకులం గనఁగన్ వధానియే

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 449

**************************************************************************************************

శంకరాభరణం వృత్త సమస్య - 449

"ఆలిన్ వీడిన పూరుషుం డెపుడు బ్రహ్మానందముం బొందురా"

తాళంజాలక బ్రహ్మచర్యమునికన్ దాహమ్మునున్ తీర్చగా

పూలన్ దెచ్చుచు రోజు రోజు నిడగన్ పూబోడికిన్ రాత్రులన్

గోలన్ చేయగ మిత్రు శత్రువులహో కోపించి;...ప్రక్కింటిదౌ 

నాలిన్ వీడిన పూరుషుం డెపుడు బ్రహ్మానందముం బొందురా!

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 448

*******************************************************************************************************

శంకరాభరణం వృత్త సమస్య - 448

"కొమ్ముల్ మొల్చియు గుల్కుచున్ నడచెరా కుందేలు నల్దిక్కులన్"

నమ్మన్ జాలని రీతినిన్ వనమునన్ నంద్యాల ప్రాంతమ్మునన్ 

తుమ్మల్ తుప్పల మధ్య కూలుచునయో తోరంపు వర్షమ్మునన్ 

వమ్మై పోవగ తండ్రిగారి కలలే బంగారు సీమాంధ్రకున్ 

కొమ్ముల్ మొల్చియు గుల్కుచున్ నడచెరా కుందేలు నల్దిక్కులన్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 447

*******************************************************************************************************

శంకరాభరణం వృత్త సమస్య - 447

"రాధనుఁ బెండ్లియాడె రఘురాముఁడు భూజను లెల్ల మెచ్చఁగన్"

వీధుల వెంట పారుచును విహ్వలుడౌచును వోట్లకోసమై 

శోధన జేసి శాస్త్రముల శుంఠల రీతిని తారుమారుగా 

క్రోధము హెచ్చ రాహులుడు కొంపలు కూల్చగ పాడెనివ్విధిన్:👇

"రాధనుఁ బెండ్లియాడె రఘురాముఁడు భూజను లెల్ల మెచ్చఁగన్"

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 445

*********************************************************************************************************

శంకరాభరణం వృత్త సమస్య - 445

"సుమమున రెండు సూనములు శోభిలుచున్ జనియించెఁ గాంచుమా"

తములము తెచ్చి నీకిడుచు తప్పులు జేసితి కావుమంచనన్

విమలపు రీతి కన్నులను వీడిన దుఃఖపు చుబ్రమందునన్

కమలమ దొక్కటిన్ కవల కల్వల రీతిని నీదు మోమునన్

సుమమున రెండు సూనములు శోభిలుచున్ జనియించెఁ గాంచుమా!

(కంది శంకరయ్య గారి సౌజన్యంతో)

************************************************************************************************

శంకరార్పణం - 3327

*************************************************************************************************************



 

శంకరాభరణం వృత్త సమస్య - 3327

"రాముఁడు పెండ్లియాడుటకు రాఁడట భద్రగిరిస్థ వేదికిన్"

తామసులైన కాంగియుల దారుణ రీతిని దుమ్ముకొట్టుచున్ 

సోముడు పుత్రవీరునకు శోభమ మెచ్చగ పట్టమీయగన్ 

గోముగ హైద్రబాదునను గొప్పగ దీపిలి కల్వకుంట్లడౌ

రాముఁడు పెండ్లియాడుటకు రాఁడట భద్రగిరిస్థ వేదికిన్

(కంది శంకరయ్య గారి సౌజన్యంతో)

*****************************************************************************************************