శంకరార్పణం - 3412

********************************************************************************************************

శంకరాభరణం సమస్య - 3412

"పగలే రాత్రిగ రాత్రియే పగలుగా భావంబునం దోఁచెడిన్"

దిగులున్ జెందుచు వైరసున్ తలచి వే  తెప్పించుచున్ మాస్కులన్ 

వగలన్ జెందెడి సాఫ్టువేరు ఘనుడే వ్యాపారియై కొంపనున్

సగమౌ రాత్రిని క్యాలిఫోర్నియులతో సంభాషణల్ కూర్చగన్ 

పగలే రాత్రిగ రాత్రియే పగలుగా భావంబునం దోఁచెడిన్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3412

*******************************************************************************************************

శంకరాభరణం సమస్య - 3412

"పగలే రాత్రిగ రాత్రియే పగలుగా భావంబునం దోఁచెడిన్"

వగలన్ మాపెడు శంకరాభరణమున్ భాగ్యమ్ముగా నెంచుచున్

సగమౌ రాత్రిని కైపదమ్ము గనుచున్ స్వాస్థ్యమ్ము కోల్పోవకే

దిగులున్ జెందక పూరణమ్ము లిడెడిన్ ధీమంతుడౌ శాస్త్రికిన్ 

పగలే రాత్రిగ రాత్రియే పగలుగా భావంబునం దోఁచెడిన్

(కంది శంకరయ్య గారి సౌజన్యంతో)

***********************************************************************************************

కంది శంకరయ్య గారి సప్తతి 17 July 2020

*****************************************************************************************************

కర్మ యోగి:

చెవులు మెలియబెట్టి చెంపమీద చరచి

గుండు మీదమొట్టి కొట్టకుండ

మంచి మార్కులిచ్చి మనసునెపుడు దోచు 

కంది శంకరయ్య కర్మ యోగి!

మరల మరల వందమార్లు తప్పునుజేయ

మరల మరలదిద్ది వరలుచుండు

విసుగులేని ముసుగు వీరుడయ్య ఘనుడు

కంది శంకరయ్య కర్మయోగి!

యతులు దొబ్బబెట్టి మతులను పోగొట్టి

ప్రాస మట్టుబెట్టి పద్యమల్ల

సుత్తి కొట్టకుండ సూత్రములను జెప్పు

కంది శంకరయ్య కర్మ యోగి!

అర్ధ సున్నలడిగి హైరాన గావించి

అన్య భాషలన్ని సన్యసించి

సున్నలిచ్చి నగెడు శూరుడు కాడయా

కంది శంకరయ్య కర్మ యోగి!

పరమానందపు శిష్యుడు:

జి. ప్రభాకర శాస్త్రి

హైదరాబాదు

---

శంకరార్పణం - 3411

******************************************************************************************************

శంకరాభరణం సమస్య - 3411

"నిలువుగ బొట్టుఁ బెట్టెనఁట నీలగళుండు మురారి భక్తుఁడై"

తలపులు దిల్లి గద్దెనిడి తన్మయ మొందగ జంద్యమూనుచున్

వెలుపల దాపటన్ గనక వేడుక జేయుచు మోడిఁ దిట్టుచున్

కులుకుచు భంగు పీల్చగను కోవెల లందున వోట్లకోసమై 

నిలువుగ బొట్టుఁ బెట్టెనఁట నీలగళుండు మురారి భక్తుఁడై...

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 3411

******************************************************************************************************

శంకరాభరణం సమస్య - 3411

"నిలువుగ బొట్టుఁ బెట్టెనఁట నీలగళుండు మురారి భక్తుఁడై"

సలుపుచు పద్యయాగమును సాయము ప్రొద్దున శ్రాంతిలేకయే

కులుకుచు హైద్రబాదునను కూరిమి నిచ్చుచు భక్తబృందమున్

పలుకుచు శంకరయ్యయన పద్యములల్లుచు వందవందలున్

నిలువుగ బొట్టుఁ బెట్టెనఁట నీలగళుండు మురారి భక్తుఁడై..

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3410

********************************************************************************************************

శంకరాభరణం సమస్య - 3410

"కాయలు పెక్కులున్న వవి గావు ఫలంబులు చూడ నెన్నఁడున్"

కోయిల లెన్నొ కూడుచును కూయుచు దాగగ చూతమందునన్

పోయగ నీరమున్ మగడు, పొంకము మీరగ రాణిగారయో

కోయగ నూరగాయలిడ గుంపులు గుంపులు చెట్టుమీదనున్

కాయలు పెక్కులున్న వవి గావు ఫలంబులు చూడ నెన్నఁడున్

(కంది శంకరయ్య గారి సౌజన్యంతో)

***************************************************************************************************

శంకరార్పణం - 3410

*****************************************************************************************************

శంకరాభరణం సమస్య - 3410

"కాయలు పెక్కులున్న వవి గావు ఫలంబులు చూడ నెన్నఁడున్"

మాయల మారి శీర్షకము మన్నన కోసము రోజు రోజునన్

సోయగ మొంద దాల్చగను స్రుక్కుచు సోలుచు గోకుడొల్లుచున్ 

రాయలు గారి శీర్షమున రచ్చను జేయుచు నెఱ్ఱ స్వేదపుం  

కాయలు పెక్కులున్న వవి గావు ఫలంబులు చూడ నెన్నఁడున్

(కంది శంకరయ్య గారి సౌజన్యంతో)

*************************************************************************************************************************************************