శంకరార్పణం - 3418

***************************************************************************************************

శంకరాభరణం సమస్య - 3418

"కొమ్ములు రెండు పుట్టినవి కోమలి శీర్షమునందుఁ గాంచఁగన్"

కుమ్మగ నార్యపుత్రునహ గుమ్మయె జేయుచు నట్టహాసమున్

దమ్ములు క్రుంగి పోవగను దారుణ రీతి యమేఠినందునన్

గమ్మున జేర్చ కాంగ్రెసున గర్వము హెచ్చగ వద్ర రాణికిన్ 

కొమ్ములు రెండు పుట్టినవి కోమలి శీర్షమునందుఁ గాంచఁగన్

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 3417

*****************************************************************************************************

శంకరాభరణం సమస్య - 3417

"పయ్యెద లాగు ధూర్తుని సెబాసని భామ నుతించెఁ బ్రీతితోన్"

విశాఖపట్నం సీనులు (1960s): 

నెయ్యము మీర ప్రేమికుని నీటుగ లాగగ బీచినందునన్

రయ్యని వెంబడించి కడు రాగము జూపుచు నందగానిపై..

దయ్యపు రూపమున్ గొనుచు దర్పము జూపెడి చుప్పనాతిదిన్ 

పయ్యెద లాగు ధూర్తుని సెబాసని భామ నుతించెఁ బ్రీతితోన్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 3417

*****************************************************************************************************

శంకరాభరణం సమస్య - 3417

"పయ్యెద లాగు ధూర్తుని సెబాసని భామ నుతించెఁ బ్రీతితోన్"

కయ్యము జేయ గోరుచును కాంగ్రెసు పట్టపు రాణి పుత్రితో

తియ్యని మాటలాడుచును తిక్కను లేపగ యూపినందునన్

కుయ్యన కుండజూచి నగి కోపము హెచ్చగ "మాయ"లాడిదిన్ 

పయ్యెద లాగు ధూర్తుని సెబాసని భామ నుతించెఁ బ్రీతితోన్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3416

*******************************************************************************************************

శంకరాభరణం సమస్య - 3416

"వానర జాతిఁ గాంచి కడు వంతనుఁ జెందుట నీకు యుక్తమే"

పూనుచు నర్ధరాత్రులను పోకిరి తీరుల దూషణమ్ములన్ 

సోనియ పుత్రునిన్ తెగడి జోకులు వేసెడి శాస్త్రివర్యునిన్ 

కానగ తెల్లవారగనె గాభర నొందని శంకరయ్య సార్! 

వానర జాతిఁ గాంచి కడు వంతనుఁ జెందుట నీకు యుక్తమే?

(కంది శంకరయ్య గారి సౌజన్యంతో)

*********************************************************************************************************************************************88

శంకరార్పణం - 3416

****************************************************************************************************

శంకరాభరణం సమస్య - 3416

"వానర జాతిఁ గాంచి కడు వంతనుఁ జెందుట నీకు యుక్తమే"

కానగ పార్లమెంటునహ కాంగ్రెసు నేతయె కన్నుగొట్టగన్

పూనుచు తెల్ల చీరనటు పోకిరి మాటల తిట్టు దీదినిన్

చీనుల గంతులన్ గనుచు చీదర నొందెడి మోడివర్యుడా!

వానర జాతిఁ గాంచి కడు వంతనుఁ జెందుట నీకు యుక్తమే?

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 3415

***************************************************************************************************

శంకరాభరణం సమస్య - 3415

"నత్తనుఁ గాంచి బల్లిదుఁడు నమ్రతతోఁ బ్రణమిల్లె నత్తఱిన్"

క్రొత్తగ జేరుచున్ ఘనుడు కూరిమి మీరగ తోటనందునన్

విత్తము చేతబూనుచును వెఱ్ఱిగ మొఱ్ఱిగ ముత్తుకూరునునన్

పొత్తును జేయగోరగను పొంకము జూపుచు నింటదూరెడిన్ 

నత్తనుఁ గాంచి బల్లిదుఁడు నమ్రతతోఁ బ్రణమిల్లె నత్తఱిన్

బల్లిదుడు = పెద్ద బల్లి = తొండ (garden lizard)

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 3415

***************************************************************************************************

శంకరాభరణం సమస్య - 3415

"నత్తనుఁ గాంచి బల్లిదుఁడు నమ్రతతోఁ బ్రణమిల్లె నత్తఱిన్"

మొత్తము నాంధ్రదేశమున మొండిగ దేవుచు శూరులెల్లరిన్

చిత్తుగ నోడగొట్టగను చింతను జేయుచు సంభ్రమమ్మునన్

సత్తువ కోలుపోవగను జంకుచు సిగ్గున పిల్లనిచ్చు మే

నత్తనుఁ గాంచి బల్లిదుఁడు నమ్రతతోఁ బ్రణమిల్లె నత్తఱిన్

(కంది శంకరయ్య గారి సౌజన్యంతో)

*********************************************************************************************************************************************