శంకరార్పణం - 3421

*****************************************************************************************************

శంకరాభరణం సమస్య - 3421

"పగలు శశాంకుఁ డంబరముపై విలసిల్లెఁ గళాసమగ్రుఁడై"

వెగటగు మేఘముల్ కనని పేరిమి కార్తిక మాసమందునన్

నిగనిగ లాడు నాకమున నీలపు వర్ణము ప్రజ్వలించగా

సగమగు గోళమున్ గొనుచు చక్కని సప్తమి నాడు చూడగన్ 

పగలు శశాంకుఁ డంబరముపై విలసిల్లెఁ గళాసమగ్రుఁడై....

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3421

*****************************************************************************************************

శంకరాభరణం సమస్య - 3421

"పగలు శశాంకుఁ డంబరముపై విలసిల్లెఁ గళాసమగ్రుఁడై"

వెగటగు రీతి పోరుచును వెంబడి పర్వుచు కత్తి దాల్చుచున్

నగవుచు నట్టహాసమున నాయుడు కూడుచు కుఱ్ఱ పుత్రుతో

జగనుని స్వప్నమందు కడు జన్యము జేయుచు నాంధ్ర దేశమున్ 

పగలు శశాంకుఁ డంబరముపై విలసిల్లెఁ గళాసమగ్రుఁడై...

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3420

*******************************************************************************************************

శంకరాభరణం సమస్య - 3420

"కుంతికిఁ గుంభకర్ణునకుఁ గూఁతురుగా జనియించె సీతయే"

సుంతయు జ్ఞానమొందకయె సుందరమైన పురాణ గాథలన్

గంతులు వేసి కోతివలె కంపము నొందక శంకరార్యుకున్

కొంతయు సిగ్గువీడుచును గోముగ పల్కెను శాస్త్రి వర్యుడే: 

"కుంతికిఁ గుంభకర్ణునకుఁ గూఁతురుగా జనియించె సీతయే"

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3420

*************************************************************************************************

శంకరాభరణం సమస్య - 3420

"కుంతికిఁ గుంభకర్ణునకుఁ గూఁతురుగా జనియించె సీతయే"

సంతును కోరకే సుతుడు సంతస మీయక సంభవించెగా;

వింతగ నిద్రబోవుటకు వేడుక గల్గెను లంకనందునన్;

చింతలు దీర్చ భూపతికి శ్రీకర మొప్పగ ధాత్రికిన్ భళా;

కుంతికిఁ; గుంభకర్ణునకుఁ; గూఁతురుగా జనియించె సీతయే

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3419

********************************************************************************************************

శంకరాభరణం సమస్య - 3419

"తన్నిన ధిక్కరించినను దాపము నొందక నవ్వుటొప్పగున్"

నిన్ననొ మొన్న జేరుచును నీరజ నేత్రయె పాఠశాలనున్

చిన్నది తప్పు జేయగను చిక్కులు పెట్టెడి ఛందమందునన్

పన్నుగ కంది శంకరులు పండ్లను రుబ్బుచు కేకలేయుచున్

తన్నిన ధిక్కరించినను దాపము నొందక నవ్వుటొప్పగున్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3419

********************************************************************************************************

శంకరాభరణం సమస్య - 3419

"తన్నిన ధిక్కరించినను దాపము నొందక నవ్వుటొప్పగున్"

కన్నుల నెఱ్ఱ జేయుచును కంపము నొందుచు దూషణమ్ములన్

చెన్నుగ తిట్టుచున్ మరిది చెంపలు పిండుచు వాచిపోవగన్

పన్నుగ కాళ్ళు చేతులిడి పండుగ పూటను తోటికోడలిన్

తన్నిన ధిక్కరించినను దాపము నొందక నవ్వుటొప్పగున్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3418

******************************************************************************************************

శంకరాభరణం సమస్య - 3418

"కొమ్ములు రెండు పుట్టినవి కోమలి శీర్షమునందుఁ గాంచఁగన్"

వమ్మవు గద్యపూరణలు వందలు జేయుచు చీదరించుచున్

సుమ్ముగ నాంధ్ర ఛందమును చూడగ నయ్యరు విస్తుపోవుచున్

కమ్మగ కంది శంకరుని గాలులు వీచగ జృంభణమ్మునన్ 

కొమ్ములు రెండు పుట్టినవి కోమలి శీర్షమునందుఁ గాంచఁగన్

(కంది శంకరయ్య గారి సౌజన్యంతో)

***************************************************************************************************