శంకరార్పణం - 942

*******************************************************************************************************************

శంకరాభరణం సమస్య - 942

"గలగలఁ బాఱునట్టి సురగంగను మున్గినఁ గల్గుఁ బాపముల్"

పిలకల బ్రాహ్మణుల్ చదువ బేగిగ శ్రాద్ధపు మంత్రరాజముల్

చెలగుచు నర్ధభాగమున చెన్నుగ కాలక పారవేయగన్ 

పలువురి పీనుగుల్ కలిసి పండుగ జేయుచు తేలుచుండగా 

గలగలఁ బాఱునట్టి సురగంగను మున్గినఁ గల్గుఁ బాపముల్

(కంది శంకరయ్య గారి సౌజన్యంతో)

***********************************************************************************************

శంకరార్పణం - 3424

*************************************************************************************************





 శంకరాభరణం సమస్య - 3424

"గీతాశాస్త్రము గీఁత మార్చఁ గలదా కృష్ణా యశోదాత్మజా"

చేతుల్ దోపుచు బొక్కసమ్మున సదా చెండాడుచున్ పాపులన్

నీతుల్ జెప్పుచు కర్మయోగి ననుచున్ నేతుల్ కడున్ త్రాగగన్ 

మూతుల్ వాసన జైలుకంపగనయో ముమ్మారు వల్లింపగన్ 

గీతాశాస్త్రము గీఁత మార్చఁ గలదా కృష్ణా యశోదాత్మజా?

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 3424

******************************************************************************************************

శంకరాభరణం సమస్య - 3424

"గీతాశాస్త్రము గీఁత మార్చఁ గలదా కృష్ణా యశోదాత్మజా"

చేతుల్ మోడ్చుచు దొంగ భక్తి గొనుచున్ చెప్పంగ శ్రీసూక్తమున్

పాతాళమ్మున క్రుంగిపోయి కడకున్ వైశాఖ మాసమ్మునన్

ప్రీతింజెందుచు రాహులయ్య చదువన్ బీభత్సమౌ తీరునన్ 

గీతాశాస్త్రము గీఁత మార్చఁ గలదా కృష్ణా యశోదాత్మజా?

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 3423

********************************************************************************************************

శంకరాభరణం సమస్య - 3423

"తన యర్ధాంగి వివాహముం గనుటకై తానేంగె నుత్సాహియై"

వినగన్ హాయిగ వార్తనున్ తనరుచున్ బీభత్సమే పారగన్

తనువున్ మానసమందు హర్షమొలుకన్ తంటాలు తీరంగహా

కనగన్ బుద్ధివిహీనుడైన వరునిన్ గయ్యాళి పూర్వంబుదౌ

తన యర్ధాంగి వివాహముం గనుటకై తానేంగె నుత్సాహియై...

(కంది శంకరయ్య గారి సౌజన్యంతో)

***********************************************************************************************

శంకరార్పణం - 3423

****************************************************************************************************

శంకరాభరణం సమస్య - 3423

"తన యర్ధాంగి వివాహముం గనుటకై తానేంగె నుత్సాహియై"

ఘనమౌ తీరున సూటుబూటు గొనుచున్ గారాబు ముస్తాబునన్

చనుచున్ హైదరబాదునందు నగుచున్ జాగ్రత్తగా వీధులన్

కొనుచున్ పట్టువి వస్త్రముల్ విరివిగా కోపిష్ఠియౌ బాసు నూ 

తన యర్ధాంగి వివాహముం గనుటకై తానేంగె నుత్సాహియై...

(కంది శంకరయ్య గారి సౌజన్యంతో)

************************************************************************************************

శంకరార్పణం - 3422

****************************************************************************************************

శంకరాభరణం సమస్య - 3422

"కవికంటెన్ బరికింప గాడిదయె మేల్గాదే భువిన్ మిత్రమా"

కవనంబందున వీసమున్ తనరుచున్ గగ్గోలు గావించుచున్

పవలున్ రేయిని నేతలన్ మురుపుచున్ బ్రహ్మాండమౌ తీరునన్

చెవులన్ పూలను బెట్టి కావ్యములకున్ శ్రీకారమున్ జుట్టెడిన్ 

కవికంటెన్ బరికింప గాడిదయె మేల్గాదే భువిన్ మిత్రమా

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3422

****************************************************************************************************

శంకరాభరణం సమస్య - 3422

"కవికంటెన్ బరికింప గాడిదయె మేల్గాదే భువిన్ మిత్రమా"

భవనంబందున విఱ్ఱ వీగుచునహో బంజార హిల్సందునన్

లవలేశమ్మును పొంకమున్ విడుచుచున్ లాలిత్యమే గాననిన్

చవిలేనట్టివి కావ్యముల్ పఱపుచున్ జంబమ్ము చూపెట్టెడిన్ 

కవికంటెన్ బరికింప గాడిదయె మేల్గాదే భువిన్ మిత్రమా

(కంది శంకరయ్య గారి సౌజన్యంతో)

************************************************************************************************************************************************