శంకరార్పణం - 3563

 **********************************************************************************************************

శంకరాభరణం సమస్య - 3563

“దినకరుఁ డుద్భవించి నలుదిక్కుల నింపెను చిమ్మచీఁకటిన్”

దినమును రాత్రినిన్ తనరి దిక్కులు తోచక గాలివాననున్

ఘనముగ నుర్ములున్ పడుచు కన్నులు మూయు తటిత్తులందునన్

కనగను మబ్బులాదటను క్రమ్మగ నేడిట హైద్రబాదునన్

దినకరుఁ డుద్భవించి నలుదిక్కుల నింపెను చిమ్మచీఁకటిన్...

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 3562

 ********************************************************************************************************

శంకరాభరణం సమస్య - 3562

"జన్మదినోత్సవమ్మును శ్మశానమునం జరుపంగ యుక్తమౌ"

చిన్మయ రూపుడౌ నగెడి జేజను తల్వగ భారతీయులౌ

మన్మలు తాత తండ్రులును మామలు నత్తలు వేనవేలుగా

తన్మయ మొందుచున్ జనరె ధన్యులు కాగను రాజఘాటుకున్...

జన్మదినోత్సవమ్మును శ్మశానమునం జరుపంగ యుక్తమౌ...

(కంది శంకరయ్య గారి సౌజన్యంతో)

**************************************************************************************************

శంకరార్పణం - 3562

 **************************************************************************************************************

శంకరాభరణం సమస్య - 3562

"జన్మదినోత్సవమ్మును శ్మశానమునం జరుపంగ యుక్తమౌ"

పుట్టుకతో వచ్చినది పుడకలతో కూడా పోకుండెడిది: (కొంత మెట్ట వేదాంతము) 😊

జన్మము నుండిమృత్యునకు జంబము మీరగ చెంతచేరుచున్

చిన్మయ రూపునున్ మరువ జేయుచు హృత్తున దాగియుండుదిన్

కన్మరుగొంద కాల్చి కడు కమ్మగ నుండు నహంకృతుండుదౌ

జన్మదినోత్సవమ్మును శ్మశానమునం జరుపంగ యుక్తమౌ...

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3562

 *******************************************************************************************************

శంకరాభరణం సమస్య - 3562

"జన్మదినోత్సవమ్మును శ్మశానమునం జరుపంగ యుక్తమౌ"

చిన్మయ రూపునాదటను చిందులు వేయుచు కొల్వగా జనుల్

కన్మరు గొందగన్ మురిసి కానగ రాగను వాక్సినయ్యనున్

తన్మయ మొందుచున్ తనరి దండుగ మాలిన వైరసమ్మదౌ

జన్మదినోత్సవమ్మును శ్మశానమునం జరుపంగ యుక్తమౌ...

(కంది శంకరయ్య గారి సౌజన్యంతో)

*********************************************************************************************************

శంకరార్పణం - 3561

 **********************************************************************************************************

శంకరాభరణం సమస్య - 3561

“శివపూజం బొనరింపకున్న నలుగున్ శ్రీకాంతుఁ డెల్లప్పుడున్”

బోనసు సరదా పూరణ:

భవనమ్మందున నోరుగల్లు నగరిన్ పండంగ వే నోములే

లవలేశమ్మును శంకనున్ గొనకయే లాలించుచున్ సూనుకున్

కవిగా శంకరు నామమున్ నిలుపగన్ కందింటినిన్ వైష్ణవుల్

శివపూజం బొనరింపకున్న నలుగున్ శ్రీకాంతుఁ డెల్లప్పుడున్...

(కంది శంకరయ్య గారి సౌజన్యంతో)

**************************************************************************************************

శంకరార్పణం - 3561

 *******************************************************************************************************

శంకరాభరణం సమస్య - 3561

“శివపూజం బొనరింపకున్న నలుగున్ శ్రీకాంతుఁ డెల్లప్పుడున్”

వైష్ణవులు శైవులు పోరాడి కొట్లాడుకునే రోజులున్నవట:

"అవమానమ్మును శైవులన్ పఱపుచున్ హ్లాదమ్మునన్ వైష్ణవుల్

చెవినిన్ బెట్టక పార్వతిన్ శివునినిన్ చేదస్తమౌ కీర్తనల్

కవిరో! కుమ్ముచు కోడిమాంసమునహో కార్తీక మాసమ్మునన్

శివపూజం బొనరింపకున్న నలుగున్ శ్రీకాంతుఁ డెల్లప్పుడున్..."

😊

(కంది శంకరయ్య గారి సౌజన్యంతో)

*******************************************************************************************************************************************************************

శంకరార్పణం - 3561

 **********************************************************************************************************

శంకరాభరణం సమస్య - 3561

“శివపూజం బొనరింపకున్న నలుగున్ శ్రీకాంతుఁ డెల్లప్పుడున్”

శివమౌ తీరున వైష్ణవుల్ మరువకే శ్రీకాంతునున్ లక్ష్మినిన్

కవిరో! శ్రద్ధను భామలే చనుచు భల్ కార్తీక మాసమ్మునన్

రవి వారమ్మున పోవుచున్ మురియుచున్ రమ్యంపు కాశీననున్

శివపూజం బొనరింపకున్న నలుగున్ శ్రీకాంతుఁ డెల్లప్పుడున్...

(కంది శంకరయ్య గారి సౌజన్యంతో)

**************************************************************************************************