శంకరార్పణం - 3565

 ********************************************************************************************************

శంకరాభరణం సమస్య - 3565

“సహదేవుండు ధరాత్మజన్ గని కడున్ సంతోషమున్ బొందెరా"

దహినిన్ గ్రోలుచు కోడలిన్ పొగడుచున్ ధారాళపున్ పల్కులన్

రహినిన్ జూడగ రాత్రినిన్ ముదమునన్ వ్రాయంగ నే పూరణన్

వహవా! శంకర! కందివర్యులహహా!  వైనంపు ప్రాబ్లమ్మునన్

“సహదేవుండు ధరాత్మజన్ గని కడున్ సంతోషమున్ బొందెరా!"

ప్రాబ్లము = సమస్య

(కంది శంకరయ్య గారి సౌజన్యంతో)

*********************************************************************************************************************************************************

శంకరార్పణం - 3565

 ********************************************************************************************************

శంకరాభరణం సమస్య - 3565

“సహదేవుండు ధరాత్మజన్ గని కడున్ సంతోషమున్ బొందెరా"

సహదేవుండను శంకరాభరణపున్ ఛందంపు శాస్త్రజ్ఞుడే

మహలున్ వీడుచు తీరుగన్ కడపనున్ మైకంపు స్వప్నమ్మునన్

మహినిన్ మేలగు సింహపూరు జనగన్ మర్యాదలన్ పొందగన్

సహదేవుండు ధరాత్మజన్ గని కడున్ సంతోషమున్ బొందెరా...

సింహపురము = (గుఱ్ఱం సీతా దేవి గారి) నెల్లూరు

(కంది శంకరయ్య గారి సౌజన్యంతో)

********************************************************************************************************************************************************

శంకరార్పణం - 3564

 ********************************************************************************************************

శంకరాభరణం సమస్య - 3564

“ఓడినవాఁడు గెల్చె మఱి యోడెను గెల్చినవాఁడు చిత్రమే”

"ధర ఖర్వాటు డొకండు..."

బోడిగ ఖల్వటమ్ములయి బొద్దుగ నుండెడి బ్రాహ్మలిద్దరున్

వేడిమి తాళజాలకయె వేగమె పర్వుచు ముత్తుకూరునన్

జోడుగ పోటినిన్ పడగ చొప్పడి యొక్కడు తాళవృక్షపుం

నీడను జేరగా వడిగ నెత్తిని రాలగ తాటిపండు తా

నోడినవాఁడు గెల్చె మఱి యోడెను గెల్చినవాఁడు చిత్రమే...

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం - 3564

 *******************************************************************************************************

శంకరాభరణం సమస్య - 3564

“ఓడినవాఁడు గెల్చె మఱి యోడెను గెల్చినవాఁడు చిత్రమే”

త్రాడును పేడునున్ గనక తన్నుకు చచ్చుచు కాకినాడనున్

కూడుచు నిర్వురాదటను గొప్పగ కన్నులు కొట్టి వేడుకన్

రోడున రోమియోలహహ రువ్వగ ముద్దులు "సూర్యకాంత"కై 

యోడినవాఁడు గెల్చె మఱి యోడెను గెల్చినవాఁడు చిత్రమే...

(కంది శంకరయ్య గారి సౌజన్యంతో)

***************************************************************************************************

శంకరార్పణం - 3564

 *********************************************************************************************************

శంకరాభరణం సమస్య - 3564

“ఓడినవాఁడు గెల్చె మఱి యోడెను గెల్చినవాఁడు చిత్రమే”

పోడిమి మీర ప్రీతిగొని పోరున వీరులు రాజధానిదౌ

కోడుల పందెమందు భళి కొంపలు కూలగ గోడుబెట్టగా

కూడిక నందు తప్పులయి కొండొక నెన్నిక నందు లాస్టుగా

నోడినవాఁడు గెల్చె మఱి యోడెను గెల్చినవాఁడు చిత్రమే...

(కంది శంకరయ్య గారి సౌజన్యంతో)

**************************************************************************************************

శంకరార్పణం - 3563

 ********************************************************************************************************

శంకరాభరణం సమస్య - 3563

“దినకరుఁ డుద్భవించి నలుదిక్కుల నింపెను చిమ్మచీఁకటిన్”

తినగను దోసెలున్ వడలు తియ్యని లడ్డుల, నర్ధరాత్రినిన్

మనమును తన్వునున్ మరువ మందపు దుప్పటి లాగి కప్పుచున్

ఘనమగు హైద్రబాదునహ కన్నులు మూయగ;...క్యాలిఫోర్నియన్

దినకరుఁ డుద్భవించి;...నలుదిక్కుల నింపెను చిమ్మచీఁకటిన్...

(కంది శంకరయ్య గారి సౌజన్యంతో)

***********************************************************************************************************************************************************

శంకరార్పణం - 3563

 ********************************************************************************************************

శంకరాభరణం సమస్య - 3563

“దినకరుఁ డుద్భవించి నలుదిక్కుల నింపెను చిమ్మచీఁకటిన్”

వినకయె నాదు మాటలను ప్రీతిని సూనుడు కోడలమ్మయో

పనుపగ హైద్రబాదునను పండుగ పూటను మొండిజేయుచున్

కనులకు కప్పగా నలుపు గ్లాసులు సర్జరి కాటరాక్టునన్

దినకరుఁ డుద్భవించి నలుదిక్కుల నింపెను చిమ్మచీఁకటిన్...

(కంది శంకరయ్య గారి సౌజన్యంతో)

***************************************************************************************************