శంకరార్పణం - 2915

****************************************************************************************************

శంకరాభరణం సమస్య - 2915

"నీరజమందునన్ గలువ నెచ్చెలికాని నివాస మేర్పడెన్"

భవిష్య పురాణం:👇 

పోరున భాజపాకు ప్రజ పొట్టిగ కాళ్ళను కత్తిరించగా 

కోరగ సీటునిమ్మనుచు కూరిమి నొల్కుచు మోడివర్యుడే

కారును చంద్రశేఖరుడు గమ్మున త్రిప్పగ పార్లమెంటునన్

...

"నీరజమందునన్ గలువ నెచ్చెలికాని నివాస మేర్పడెన్"

నీరజము = భాజపా ఎన్నికల గురుతు 

కారు = తెరాస ఎన్నికల గురుతు 

కలువ నెచ్చెలికాడు = తెలంగాణ "చంద్రుడు"

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 2654

***********************************************************************************************

శంకరాభరణం సమస్య - 2654

"రంభం గూడి శకుంతలం గనియె నా రాజర్షి సంరంభియై"

దంభమ్మందున శాపమొందె గదరా దైత్యుండు లంకేశుడే 

రంభం గూడి;...శకుంతలం గనియె నా రాజర్షి సంరంభియై

సంభోగమ్మున గూడి యప్సరనుతా సంకల్ప భిన్నత్వమున్...

గంభీరమ్మగు కైపదమ్మునిడితే గాండ్రించు శార్దూలమై :)

(కంది శంకరయ్య గారి సౌజన్యంతో)

********************************************************************************************************************************************************

శంకరార్పణం - 2653

****************************************************************************************************

శంకరాభరణం - 2653

"పూల ధరింప నిష్టపడు ముగ్ధలు లోకమునందు నుందురే"

జలపుష్పము = మీనము 

వీలుగ గంగలో నొదవి విచ్చుచు త్రుళ్ళుచు వేడ్కలందునన్

జాలరి జాలమందమరి చక్కగ చేరుచు వంటయింటిలో

మేలగు వంగదేశమున మెచ్చుచు వండగ భోజనమ్ములౌ 

పూల ధరింప నిష్టపడు ముగ్ధలు లోకమునందు నుందురే?

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 2914

*******************************************************************************************************

శంకరాభరణం సమస్య - 2914

"సాధుశ్రేష్ఠునిగా గ్రహింతుము దురాచారున్ జనుల్ మెచ్చఁగన్"

రిసర్చి స్కాలరువాచ:👇 

బాధల్ బెట్టుచు డబ్బులివ్వకయె  తా ప్రాజెక్టు గ్రాంట్లందునన్

బోధల్ జేయక కాళ్లు పట్ట మనుచున్ పొర్లాడి దొర్లాడుచున్

ప్రాధేయమ్ముల కొప్పుచున్ వడివడిన్ పట్టమ్ము నిప్పించుచో...

సాధుశ్రేష్ఠునిగా గ్రహింతుము దురాచారున్ జనుల్ మెచ్చఁగన్

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 2652

**************************************************************************************************

శంకరాభరణం సమస్య - 2652

"కాంతకు మ్రొక్కినం గలుఁగుఁ గామితసంపద లెల్ల శీఘ్రమే"

రిసర్చి స్కాలరువాచ: 

కొంతయు గిన్నెలన్ కడిగి కోరిన కూరలు కోసిపెట్టుచున్

కొంతయు బూజులన్ దులిపి కోరిన వేళల నిల్లుజిమ్ముచున్

పంతము వీడుచున్ కడిగి బంగరు కాళ్ళను గుర్వుగారిదౌ

కాంతకు మ్రొక్కినం గలుఁగుఁ గామితసంపద లెల్ల శీఘ్రమే

(కంది శంకరయ్య గారి సౌజన్యంతో)

*************************************************************************************************

శంకరార్పణం - 2651

********************************************************************************************************

శంకరాభరణం సమస్య - 2651

"మునికిన్ నేర్పఁగ నొప్పు రాజవదనా మోహంపు బుద్ధుల్ దమిన్"

రాజవదనకు ఒక అర్జీ: 

కనుమా దీదిని!  వంగభూమినట తా కాంక్షింప లేరే వరుల్

పనిలో మున్గగ దేశమేలగను తా ప్రాధాన్యమున్ గోరుచున్;...

కనుగొన్ దెచ్చుచు కాననమ్ములనటన్ గాలించు కోదండ రా 

మునికిన్ నేర్పఁగ నొప్పు రాజవదనా మోహంపు బుద్ధుల్ దమిన్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 2913

************************************************************************************************

శంకరాభరణం సమస్య - 2913

"వరమది దేవుఁ డిచ్చినది వంచన సేసెను భక్తసంఘమున్"

కొరకగ జామకాయలను కోరలు నుండిన యౌవనమ్మునున్

కరచెడి యత్తగారికహ కంపము లేపెడి కర్రనెత్తుటన్

మరచుట వృద్ధులందరికి మబ్బుల చాటున చందమామగా 

వరమది దేవుఁ డిచ్చినది వంచన సేసెను భక్తసంఘమున్

(కంది శంకరయ్య గారి సౌజన్యంతో)

***********************************************************************************************