శంకరార్పణం - 95

***************************************************************************************************

శంకరాభరణం సమస్య - 95

"సిగపువ్వే వాడిపోదు చిత్రము కాదే!"

వగలాడీ! తురిమితి నీ

సిగలో ప్లాస్టికు గులాబి శ్రీకరముగ నేన్

పగలును రాత్రియునిక నీ 

సిగపువ్వే వాడిపోదు చిత్రము కాదే!

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం - 91

******************************************************************************************************

శంకరాభరణం సమస్య - 91

"పరహిత మొనరించువాఁడె పాపాత్ముఁ డగున్"

అరెవో! ఏమని సెబితివి?: 

"పరహిత మొనరించువాఁడె పాపాత్ముఁ డగున్"!!!

సరిజేయర టైపాటును:👇 

"పరహత మొనరించువాఁడె పాపాత్ముఁ డగున్" :)

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 89

********************************************************************************************************

శంకరాభరణం సమస్య - 89

"పోలీసును కలిసె దొంగ పొలిమేర కడన్"

స్త్రీలవి గొలుసులు లాగుచు

మేలుగ మార్చుచు నగదుకు మిర్యల గూడన్

కేలున కమిషను నిడుటకు

పోలీసును కలిసె దొంగ పొలిమేర కడన్

(కంది శంకరయ్య గారి సౌజన్యంతో)

********************************************************************************************************************************************************

శంకరార్పణం వృత్త సమస్య - 7

*****************************************************************************************************

శంకరాభరణం వృత్త సమస్య - 7

"సారా త్రాగిన మోక్ష మందెదము శిష్యా! శంక నీ కేలరా?"

బోరున్ కొట్టెను బ్రహ్మచర్య మనుచున్ పోరాడి పెండ్లాడగా

తీరా జూడగ ప్రేమ పాశములనున్ త్రెంపించి కాల్పించెడిన్

వారం వారము నత్త గారి పలుకుల్ బాధించి సాధింపగన్ 

సారా త్రాగిన మోక్ష మందెదము శిష్యా! శంక నీ కేలరా?

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 2971

*************************************************************************************************

శంకరాభరణం సమస్య - 2971

"రణము సెలంగెరా తెలుఁగు రాష్ట్రములందున నేమి చెప్పుదున్"

గుణమగు మేక బిర్యనికి గుంటురు గోంగుర పచ్చడందునన్

వణకిడు మిర్చి బజ్జిలకు వాడ్చిన వంకయ గుత్తికూరకున్

పుణుకులు జొన్న రొట్టెలకు పూర్ణపు బూరెలకిచ్చటచ్చటన్ 

రణము సెలంగెరా తెలుఁగు రాష్ట్రములందున నేమి చెప్పుదున్

(కంది శంకరయ్య గారి సౌజన్యంతో)

********************************************************************************************************************************************************

శంకరార్పణం - 2971

*************************************************************************************************

శంకరాభరణం సమస్య - 2971

"రణము సెలంగెరా తెలుఁగు రాష్ట్రములందున నేమి చెప్పుదున్"

గొణుగుడు మోడి వైరమటు గోలగ మారగ నాంధ్రమందునన్

రణమిటు రాష్త్ర పెన్నికల రచ్చల లోన తెలంగణమ్మునన్ 

వ్రణములు పాత కాలపువి భగ్గున రేగగ బాబు రాకతో 

రణము సెలంగెరా తెలుఁగు రాష్ట్రములందున నేమి చెప్పుదున్

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 83

***************************************************************************************************

శంకరాభరణం సమస్య - 83

"అల్లా! కాపాడు మనుచు హరి వేడుకొనెన్"

సరదాగా: 

నల్లని బురకా లందున

తల్లుల, పిల్లలను దాచి దాడీ ప్రియులౌ

చిల్లర బుద్ధుల తురకల 

నల్లా! కాపాడు మనుచు హరి వేడుకొనెన్ :)

(కంది శంకరయ్య గారి సౌజన్యంతో)

******************************************************************************************************************************************************