శంకరార్పణం - 3176

*****************************************************************************************************

శంకరాభరణం సమస్య - 3176

"అడలెన్ సోదరుఁ డారగింప భగినీ హస్తాన్నమున్ భీతుఁడై"...

పడిగాపుల్ పడి కొంప చేరుచును తా పాటానుచెర్వందునన్

వడిగా పోవుటకై తయారవుచుతా బంజార హిల్సందునన్

జడివానల్ వడగళ్లు భాగ్యనగరిన్  ఝాడించి బాధించగా

నడలెన్ సోదరుఁ డారగింప భగినీ హస్తాన్నమున్ భీతుఁడై...

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3176

***********************************************************************************************************

శంకరాభరణం సమస్య - 3176

"అడలెన్ సోదరుఁ డారగింప భగినీ హస్తాన్నమున్ భీతుఁడై"...

విడకే ప్రేమను పంచుచున్ వడివడిన్ వీక్షించగా బావనున్

పడకల్ సర్దుచు పుట్టినింటినను తా బ్రహ్మాండమౌ రీతినిన్

కడకున్ బంగరు నిండ్లనున్ విడిచి తా కష్టమ్ములే గ్రోలగా 

నడలెన్ సోదరుఁ డారగింప భగినీ హస్తాన్నమున్ భీతుఁడై...

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 1639

*******************************************************************************************************

శంకరాభరణం సమస్య - 1639

"పద్యములను వ్రాయు కవులు వ్యర్థులు సుమతీ!"

విద్యల నరయుచు తడబడి 

హృద్యమ్మగు నాంగ్లమునను హీనపు రీతిన్ 

గద్యము వ్రాయను జాలక 

పద్యములను వ్రాయు కవులు వ్యర్థులు సుమతీ!

(కంది శంకరయ్య గారి సౌజన్యంతో)

*****************************************************************************************************

శంకరార్పణం - 1637

******************************************************************************************************

శంకరాభరణం సమస్య - 1637

"కరటక దమనకుల కంటె కలరే సుజనుల్"

పరువులు పెట్టుచు త్వరపడి 

మరియాదను వీడి రాజు మంత్రుల కొరకున్ 

వరలుచు వెదుకగ నాంధ్రను 

కరటక దమనకుల కంటె కలరే సుజనుల్

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 1635

****************************************************************************************************

శంకరాభరణం సమస్య - 1635

"అవలీలగ మోక్ష మబ్బు నజ్ఞానమునన్"

సవరించగ ఛందస్సును

కవివరు డాగ్రహమునొంది కందము లోనన్

చవిగొని రాజుల తిట్టిన 

నవలీలగ మోక్ష మబ్బు నజ్ఞానమునన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 1634

*****************************************************************************************************

శంకరాభరణం సమస్య - 1633

"ప్రవరుఁడు పాదలేపనము వద్దనె సిద్ధుఁ డొసంగవచ్చినన్"

నవులుచునుండి బాదముల నాలుగు కోరలు కోలుపోవగా

చివరవి నాల్గు దంతములు చీకుడు పళ్ళను పీకివేయగా

చవిగొనలేక యాత్రలను జానువు కీళ్ళను తీపులెచ్చగా 

ప్రవరుఁడు పాదలేపనము వద్దనె సిద్ధుఁ డొసంగవచ్చినన్

(కంది శంకరయ్య గారి సౌజన్యంతో)

**************************************************************************************************

శంకరార్పణం - 1634

******************************************************************************************************

శంకరాభరణం సమస్య - 1634

"మత్తేభమునకు గణములు మసజసతతగల్"

చిత్తుగ సభరనమయవల్ 

కత్తెరతో కోసికొంత ఘనమగు ప్రీతిన్ 

సత్తువ గొని యతికించగ 

మత్తేభమునకు గణములు మసజసతతగల్

(కంది శంకరయ్య గారి సౌజన్యంతో)

***********************************************************************************************