శంకరార్పణం - 267

*****************************************************************************************************

శంకరాభరణం వృత్త సమస్య - 267

"మాతను బెండ్లియాడి జనమాన్యుఁడుగా నుతి కెక్కె మిత్రమా!”

రాతిరి ప్రొద్దుబుచ్చుటకు రంగుల టీవిని మాకు తెచ్చెనే!

నాతులు గప్పుకొట్టుటకు నల్లని ఫోనుల నంటగట్టెనే!

ప్రీతిని బారునందునను ప్రేమను తాళక రాహులయ్యదౌ 

మాతను బెండ్లియాడి జనమాన్యుఁడుగా నుతి కెక్కె మిత్రమా!

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 265

****************************************************************************************************

శంకరాభరణం వృత్త సమస్య - 265

"బమ్మెర పోతనార్యుఁ డొక వ్యాకరణమ్మును వ్రాసెఁ దెల్గునన్”

తుమ్ముచు పెద్దనార్యుడట తూలుచు వ్రాసెను భారతమ్మునున్

కమ్మని సంస్కృతమ్మునను గమ్మున వ్రాసెను వేమనార్యుడే

రమ్మును గ్రోలి వ్రాసిరట రాయల వారలె పంచతంత్రమున్

బమ్మెర పోతనార్యుఁ డొక వ్యాకరణమ్మును వ్రాసెఁ దెల్గునన్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 264

**************************************************************************************************

శంకరాభరణం వృత్త సమస్య - 263

"నవనీతమ్మఁట రావణాసురు సుకన్యాసక్తచిత్తం బిలన్”

కీమాయణం: 

భవనంబందున నిద్దురోవకనయో  బాధించి సాధింపగా

పవలున్ రేయిని వేడుకొంచు తగులన్ బంగారు కొండన్ వలెన్

లవలేశమ్మును ముట్టకుండ మగువన్ లాలించి పాలించబోన్ 

నవనీతమ్మఁట రావణాసురు సుకన్యాసక్తచిత్తం బిలన్

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 3291

****************************************************************************************************

శంకరాభరణం సమస్య - 3291

"విలసద్ధర్మపరాయణుండు మిగులన్ వేధించె శిష్టాత్ములన్"

కలనున్ గాంచని మేకపాలు కొనుచున్ గారాబుగా త్రాగుచున్

మొలనున్ గోచిని దోపుచున్ వెడలుచున్ ముంజేతినిన్ కఱ్ఱతో

కలిలో సత్యమహింసయంచు ప్రజలన్ కష్టమ్ములన్ బెట్టుచున్ 

విలసద్ధర్మపరాయణుండు మిగులన్ వేధించె శిష్టాత్ములన్ 😊

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3291

****************************************************************************************************

శంకరాభరణం సమస్య - 3291

"విలసద్ధర్మపరాయణుండు మిగులన్ వేధించె శిష్టాత్ములన్"

బలుపౌ వోటులు కోరుచున్ వడివడిన్ బంగారు కొండన్ వలెన్

చలిలో జందెము నూనుచున్ వెడలుచున్ జంబమ్ముగా కోవెలన్

కలిలో సత్యము ధర్మమంచు ప్రజలన్ కవ్వించి నవ్వించుచున్ 

విలసద్ధర్మపరాయణుండు మిగులన్ వేధించె శిష్టాత్ములన్

(కంది శంకరయ్య గారి సౌజన్యంతో)

***********************************************************************************************

శంకరార్పణం - 263

***************************************************************************************************

శంకరాభరణం వృత్త సమస్య - 263

"సీతారాముని కోగుఁ జేయఁ దగునే చింతింప నిల్లాలివై”

తాతల్ కాలపు కమ్యునిస్టుడగుచున్ దండమ్ముతో దీదినిన్

కోతల్ కోసెడు రాహులయ్య వరునిన్ కొండాడి బేషర్ముగా

మూతుల్ నాకెడి వీరుడంచు నగుచున్ పోట్గాడు యేచూరుడౌ

సీతారాముని కోగుఁ జేయఁ దగునే చింతింప నిల్లాలివై...

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 262

***************************************************************************************************

శంకరాభరణం వృత్త సమస్య - 262

"ధీరత్వమ్మున దోమ తుమ్మె గదరా దిగ్దంతు లల్లాడఁగన్”

కారాగారమునందు త్రోయగ మదిన్ కంపించకే నవ్వుచున్ 

మూరల్ రెండగు గోచి నూనుచునహో ముంజేతినిన్ కఱ్ఱతో

పోరున్ జేయుచు తెల్లవాండ్ర ప్రభుతన్ ముంచెన్ గదా యివ్విధిన్:👇

"ధీరత్వమ్మున దోమ తుమ్మె గదరా దిగ్దంతు లల్లాడఁగన్”

(కంది శంకరయ్య గారి సౌజన్యంతో)

*********************************************************************************************************************************************