శంకరార్పణం - 413

**************************************************************************************************

శంకరాభరణం వృత్త సమస్య - 413

"ఖరమునుఁ గాంచినంత మదిఁ గమ్మని భావము పొంగులెత్తెడిన్"

స్థిరముగ గోడ నీడనటు తియ్యని భావనలందు తేలుచున్ 

వరమగు ధ్యాన మందునహ ప్రక్కను వారల గాంచకుండనే 

దరికిని పృష్ఠ భాగమున తాకగ వచ్చిన వారిఁ దన్నెడిన్ 

ఖరమునుఁ గాంచినంత మదిఁ గమ్మని భావము పొంగులెత్తెడిన్

(కంది శంకరయ్య గారి సౌజన్యంతో)

************************************************************************************************

శంకరార్పణం - 3324

******************************************************************************************************

శంకరాభరణం సమస్య - 3324

"మదిరాపాన విశేష మత్తులు గదా మాచర్ల వాసుల్ సదా"

కదనం బందున దాహమొందు తఱినిన్ గగ్గోలునున్ చేయగా 

ముదమున్ గొల్పెడి నీరమున్ కుడువగన్ పోరాడగా వెల్లువౌ 

నదులే లేకయె పోవగా నచటనున్,...నాట్యమ్మునున్ జేయుచున్ 

మదిరాపాన విశేష మత్తులు గదా మాచర్ల వాసుల్ సదా

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3324

******************************************************************************************************

శంకరాభరణం సమస్య - 3324

"మదిరాపాన విశేష మత్తులు గదా మాచర్ల వాసుల్ సదా"

పదరా! పోదము బీరుబుడ్లు గొనుచున్ బజ్జీలు బోండాలతో... 

గదినిన్ గూడుచు బంధుమిత్రువులతో గమ్మత్తులన్ గాంచగా; 

కదనం బందున కీర్తి నొందు నగరిన్కైతల్ భలా క్రోలగా... 

మదిరాపాన విశేష మత్తులు గదా మాచర్ల వాసుల్ సదా!

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 412

**************************************************************************************************************

శంకరాభరణం వృత్త సమస్య - 412

"కారాగారమునందు లభ్యమగు సౌఖ్యం బెన్నఁగా సాధ్యమే"

పోరున్ సైచను జాలకే గృహములో ప్రొద్దున్ననున్ రాత్రినిన్

గారాబమ్మును కోరుచున్ ఘనముగా కష్టమ్ములన్ త్రోలగన్

జారుల్ చోరులు మూఢు లెల్లరికినిన్ స్థానమ్మునౌ సానులన్

కారాగారమునందు లభ్యమగు సౌఖ్యం బెన్నఁగా సాధ్యమే

(కంది శంకరయ్య గారి సౌజన్యంతో)

************************************************************************************************

శంకరార్పణం - 411

***************************************************************************************************

శంకరాభరణం వృత్త సమస్య - 411

"చెల్లెలిఁ బెండ్లియాడిన విశేషముగా జనమెల్ల మెచ్చిరే"

ఒల్లుచు క్రైస్తవమ్ము కడు హుందగ దాల్చుచు సూటుబూటునున్ 

కొల్లలు మాటలాడకయె కోరిక తీరగ గాంధి కోటనున్ 

మెల్లగ మెల్లగా నిరికి మేడము కూతురు రాహులన్నకున్ 

చెల్లెలిఁ బెండ్లియాడిన విశేషముగా జనమెల్ల మెచ్చిరే

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 410

************************************************************************************************

శంకరాభరణం వృత్త సమస్య - 410

"సోదరు లిర్వురున్ మిగుల శోభిల జేసిరి రెండు గాథలన్"

సాదగ సీదగా పలుక జాలక మాయల పెండ్లి వారలన్ 

వేదన జేయగా దలచి వేడుక నొందెడి వక్రబుద్ధులన్

బాదర బంది గొల్పెడిని వంకర మాటల లంబు జంబులౌ

సోదరు లిర్వురున్ మిగుల శోభిల జేసిరి రెండు గాథలన్

రెండు గాథలు = కొండపైన, విడిది నందు

(కంది శంకరయ్య గారి సౌజన్యంతో)

*************************************************************************************************************************

శంకరార్పణం - 408

************************************************************************************************

శంకరాభరణం వృత్త సమస్య - 408

"నరుఁడయి జన్మనెత్తెఁ గరుణారహితుం డయి చంద్రమౌళియే"

అరయగ నెహ్రు వంశమును హాయిగ మాపగ భూమినందునన్ 

మురియుచు విప్ప బూనుచును మూడవ కంటిని ముద్దుముద్దుగా 

తరుణము జూచి కాంగ్రెసున దారుణ నేతగ వృక్షమందు వా 

నరుఁడయి జన్మనెత్తెఁగరుణా రహితుం డయి చంద్రమౌళియే

(కంది శంకరయ్య గారి సౌజన్యంతో)

*********************************************************************************************************************************************