శంకరార్పణం - 3406

*****************************************************************************************************

శంకరాభరణం సమస్య - 3406

"ఇంతుల్ వ్రాయఁగ లేరు నిశ్చయముగా హృద్యమ్ముగాఁ బద్యముల్"

కాంతన్ గానక వ్రాయలేని కవులే గ్రంథమ్ములన్ కూర్చగన్

సంతోషమ్మున స్ఫూర్తి నొందగ కడున్ జాగ్రత్తనున్ వీడుచున్

గంతుల్ వేయగ మర్కటాల వలెనున్ కన్చూపునన్ లేకయే

యింతుల్;.. వ్రాయఁగ లేరు నిశ్చయముగా హృద్యమ్ముగాఁ బద్యముల్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3406

********************************************************************************************************

శంకరాభరణం సమస్య - 3406

"ఇంతుల్ వ్రాయఁగ లేరు నిశ్చయముగా హృద్యమ్ముగాఁ బద్యముల్"

గొంతుల్ కోసెడు రాజకీయముననున్ కొండాడగా మిత్రులే

పంతమ్మొందుచు దూకి పోరుచునహో పైకమ్ము కోల్పోవుచున్

సంతాపమ్మున క్రుంగి యేడ్వగనయో సాధించనత్తయ్యలే

యింతుల్ వ్రాయఁగ లేరు నిశ్చయముగా హృద్యమ్ముగాఁ బద్యముల్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3405

**********************************************************************************************************

శంకరాభరణం సమస్య - 3405

"బుద్ధులు గల్గు వారలకు బూదియె దక్కును నిక్కువంబుగన్"

ఇద్ధర సత్యమిద్దియెర హేళన జేయకు శాస్త్రివర్యునిన్:

బద్ధమునౌచు సత్యమున బాధల నోర్చుచు నొజ్జ వృత్తినిన్

శ్రద్ధగ శాస్త్రముల్ చదివి చక్కని బోధలు చేయబూను స

ద్బుద్ధులు గల్గు వారలకు బూదియె దక్కును నిక్కువంబుగన్"

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3405

*************************************************************************************************

శంకరాభరణం సమస్య - 3405

"బుద్ధులు గల్గు వారలకు బూదియె దక్కును నిక్కువంబుగన్"

ఇద్ధర సత్యమిద్దియెర హేళన జేయకు శాస్త్రివర్యునిన్:

బద్ధము గాని మాటలను వందలు వేలుగ చాటి చెప్పుచున్

శ్రద్ధగ రాజనీతిగొని జారుల చోరుల తామసంబులౌ 

బుద్ధులు గల్గు వారలకు బూదియె దక్కును నిక్కువంబుగన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3404

****************************************************************************************************

శంకరాభరణం సమస్య - 3404

"గాడిద గ్రుడ్డుఁ దెచ్చెనఁట కాశికిఁ బోయి జనమ్ము మెచ్చఁగన్"

పాడుచు క్రీస్తు గీతములు బంగరు గ్రుడ్డును కోరి వేదనన్ 

వేడుచు విశ్వనాథునట వేగమె నిమ్మని రచ్చజేయగా 

చేడియ లెల్లరున్ నగుచు చెంతను చేరగ రాళ్ళసీమదౌ 

గాడిద, గ్రుడ్డుఁ దెచ్చెనఁట కాశికిఁ బోయి జనమ్ము మెచ్చఁగన్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3404

***************************************************************************************************

శంకరాభరణం సమస్య - 3404

"గాడిద గ్రుడ్డుఁ దెచ్చెనఁట కాశికిఁ బోయి జనమ్ము మెచ్చఁగన్"

2019: 

మోడిని గెల్చి తుక్కుగను మోదము నొంద ప్రధానమంత్రిగా

తోడుగ నాకు రమ్మనుచు తొందర జేయగ రాహులన్నయే

పోడిమి మీర చెల్లియలె పోకిరి నవ్వులు వేయి కూర్చుచున్ 

గాడిద గ్రుడ్డుఁ దెచ్చెనఁట కాశికిఁ బోయి జనమ్ము మెచ్చఁగన్

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3403

**********************************************************************************************

శంకరాభరణం సమస్య - 3403

"తమ్ములఁ జంపుమంచు నొక తండ్రిని పుత్రుఁడు కోరెఁ నమ్రుఁడై"

Bhopal, 2019:

గమ్మున సాధ్విఁ బూడ్చగను ఘాటగు హోమము జేయబూనుచున్

కమ్మగ గెల్వ గోరుచును కాంగ్రెసు నేతగు డిగ్గిరాజహో

నమ్ముచు భూతపూజలను నాకము జూచుచు భాజపాల ప్రే 

తమ్ములఁ జంపుమంచు నొక తండ్రిని పుత్రుఁడు కోరెఁ నమ్రుఁడై...

డిగ్గి రాజు = Digvijay Singh

సాధ్వి =  Sadhvi Pragya Singh Thakur

(కంది శంకరయ్య గారి సౌజన్యంతో)

******************************************************************************************************************************************************