శంకరార్పణం - 3542

 *********************************************************************************************************

శంకరాభరణం సమస్య - 3542

“రాముని మానసంబు గడు రంజిలె మేనకఁ గాంచినంతనే”

రాముడు కోలుపోవగను రాక్షసి వ్యాధికి ధర్మపత్నినిన్

గోముగ హైద్రబాదునను గొప్పగ కూర్చుచు నాసుపత్రినిన్

ప్రేమను స్వర్గమున్ జనుచు వీధిని బోవగ నందమూరుడౌ

రాముని మానసంబు గడు రంజిలె మేనకఁ గాంచినంతనే...

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం - 3542

 *********************************************************************************************************

శంకరాభరణం సమస్య - 3542

“రాముని మానసంబు గడు రంజిలె మేనకఁ గాంచినంతనే”

పాములపాడునన్ పెరిగి పాపపు భీతిని పాముఁ జంపకే

కామము కోపమున్ విడిచి గారబు రీతిని చిత్రసీమనున్

ప్రేమను స్వర్గమున్ జనుచు వీధిని  బోవగ తోటమాలియౌ

రాముని మానసంబు గడు రంజిలె మేనకఁ గాంచినంతనే..

(కంది శంకరయ్య గారి సౌజన్యంతో)

*****************************************************************************************************

న్యస్తాక్షరి - 68

 ******************************************************************************************************

శంకరాభరణం న్యస్తాక్షరి - 67

11, నవంబర్ 2020, బుధవారం

న్యస్తాక్షరి - 68

12-11-2020 (గురువారం)

కవిమిత్రులారా,

ఉత్పలమాలలో రుద్రమాంబ పౌరుషాన్ని వర్ణించండి.

1వ పాదం 1వ అక్షరం ‘కా’

2వ పాదం 7వ అక్షరం ‘క’

3వ పాదం 13వ అక్షరం ‘తీ’

4వ పాదం 19వ అక్షరం ‘య’

*************************************************************

"శ్రీ రాముని దయ చేతను..."

సరదా పూరణ:

కానగ లేనుగా తనరి కన్నుల నిండుగ రుద్రమాంబనున్

గానుగ యెద్దునున్, కవిని కానుగ నేనిట కంది శంకరా!

చేనున దున్నుచున్ మురిసి చెన్నుగ తీసెద పర్వులాదటన్

మౌనమె నాకికన్ శరణు మందపు బుద్ధిని నూచుమూయలన్ 😊

స్వామీ! సమస్యా పూరణములో తప్ప వేరొక అంశములో నాకు "ఆసక్తి" లేదని వచించారుగా!

(కంది శంకరయ్య గారి సౌజన్యంతో)

******************************************************************************************************************************

---

శంకరార్పణం - 3541

 **************************************************************************************************

శంకరాభరణం సమస్య - 3541

“భయపడి ఋష్యమూకమున వాలియె దాఁగెను ప్రాణరక్షకై"

రంగనాయకమ్మ ఉవాచ:

"భయమును వీడి వేడుకను భళ్ళున చెప్పెద నాపురాణమున్

ప్రియముగ నాలకించుముర! భీతిని వీడుచు శాస్త్రివర్యుడా!

రయమున రాగనాదటను రాముడు బాణము నెక్కుపెట్టుచున్

భయపడి ఋష్యమూకమున వాలియె దాఁగెను ప్రాణరక్షకై..."

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3541

 **********************************************************************************************************

శంకరాభరణం సమస్య - 3541

“భయపడి ఋష్యమూకమున వాలియె దాఁగెను ప్రాణరక్షకై”

రయమున తమ్ముడాదటను వ్రాలెడి తోకను బుజ్జగించుచున్:

“భయపడి ఋష్యమూకమున వాలికి దాఁగెను ప్రాణరక్షకై”

నయనము విప్పి చెప్పెదను నాకిది తోచెను టైపుతప్పుగా:

“భయపడి ఋష్యమూకమున వాలియె దాఁగెను ప్రాణరక్షకై”!!!

(కంది శంకరయ్య గారి సౌజన్యంతో

******************************************************************************************************************************************************

శంకరార్పణం - 3540

 ********************************************************************************************************

శంకరాభరణం సమస్య - 3540

“పలుకరు సత్య మెన్నఁడును బాడిఁ దలంపరు న్యాయవాదులే”

వలపులు మీర చెట్టుకడ వ్రాలుచు చూచుచు లోహపృష్ఠులై...

పిలుపులు కోరకే మురిసి పిచ్చిగ గంతుచు కక్షిదార్లపై...

నిలకడలేని వాక్కులను నిండుమనమ్మున వాగుచున్ సదా

పలుకరు సత్య మెన్నఁడును బాడిఁ దలంపరు న్యాయవాదులే...

(కంది శంకరయ్య గారి సౌజన్యంతో)

**************************************************************************************************

శంకరార్పణం - 3540

 *****************************************************************************************************

శంకరాభరణం సమస్య - 3540

“పలుకరు సత్య మెన్నఁడును బాడిఁ దలంపరు న్యాయవాదులే”

తలపులు దుడ్డు మీదనిడి తన్నుకు చచ్చుచు కేసు కోసమై...

వెలుపల దాపటన్ గనక వేడుక చేయుచు వాయిదాలపై...

కులుకుచు కోర్టులందు కడు గొప్పగ వేయుచు నల్ల కోటులన్

పలుకరు సత్య మెన్నఁడును బాడిఁ దలంపరు న్యాయవాదులే...

(కంది శంకరయ్య గారి సౌజన్యంతో)

*************************************************************************************************