శంకరార్పణం - 2760

*********************************************************************************

శంకరాభరణం సమస్య - 2760

"శ్రీకృష్ణునిఁ దిట్టె నయొ కుచేలుం డలుకన్"

పోకిరి చంద్రుడు రాముని 

చీకాకులు పెట్టిపెట్టి చిడిముడి జేసెన్...

కాకా! ఇదియెట్లన్నన్: 

శ్రీకృష్ణునిఁ దిట్టె నయొ కుచేలుం డలుకన్ :)

********************************************************************************************

"శ్రీకృష్ణుం గటుభాషణంబులను గర్హించెన్ గుచేలుం డయో"

ఆకాశంబున నుండి వ్రాలె గదరా! హైరాణ గావించితే!

కోకల్ నూలువి పట్టువస్త్రములు హా! కోటానుకోటుల్ గ! నన్

చీకాకున్ పడజేసి నాకు చెమటల్ చిందించితే! యంచు పల్

 

శ్రీకృష్ణుం గటుభాషణంబులను గర్హించెన్ గుచేలుం డయో :)

కుచేలుడు = చీరలను లాగి లాగి సొమ్మసిలి చెమటతో తడిసి చినిగిన వస్త్రములు కల దుశ్శాసనుడు 

కుచేలము: తెలుగు నిఘంటువు 

తెలుగు-తెలుగు (జి.ఎన్.రెడ్డి-ఆం.ప్ర.సా.అ.) 1979    

సంస్కృత విశేష్యము

చినిగిన వస్త్రము.

(కంది శంకరయ్య గారి సౌజన్యంతో)

*************************************************************************************