శంకరార్పణం - 2767

********************************************************************************************

శంకరాభరణం సమస్య - 2767

" కొండలనె యలంకరించి కోమలి మురిసెన్"

ఎండలు వానలు కలబడ

పండుగ జేసె హరివిల్లు పరవశమౌచున్...

నిండుగ నగుపించె నిటుల: 

కొండలనె యలంకరించి కోమలి మురిసెన్!!!

సమస్య: 

"కొండ నలంకరించి సుమకోమలి మోదము నందె చిత్రమే"

భౌతిక శాస్త్రుని హావభావముల్ :)

అండగ వానజల్లులిట హాయిగ రాలుచు సొమ్మసిల్లగా

 

మెండుగ సూర్యరశ్మి భువి మీదుగ సోకగ క్రుంగి క్రుంగుచున్ 

పండుగ జేయుచున్ విరిసి పాడుచు నాడెడి నింద్రధన్వమై

కొండ నలంకరించి సుమకోమలి మోదము నందె చిత్రమే!!!

(కంది శంకరయ్య గారి సౌజన్యంతో)

****************************************************************************************************