శంకరార్పణం - 2669

****************************************************************************************************

శంకరాభరణం సమస్య - 2669

"ధవుని దురూహలే సుతు నధర్మపుఁ జావుకు మూల మయ్యెడిన్"

శివుని తపస్సు మాన్పుటకు శ్రీమతి గౌరిని పన్పుచుండగా

నవనవలాడు చైత్రమున నందము నీయగ కామదేవునిన్ 

తవులుచు నీవు పొమ్మనుచు తంపులు పెట్టిన తండ్రి యైన మా

ధవుని దురూహలే సుతు నధర్మపుఁ జావుకు మూల మయ్యెడిన్ 

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం - 2917

***************************************************************************************************

శంకరాభరణం సమస్య - 2917

"యోగికి యోగి యోగ్యమగు యోగ నియోగ మొనర్చె యోగ్యుఁడై"

యోగిని తెచ్చి మోడియట యుక్తులు నేర్పుచు గుంభనమ్మునన్ 

రాగము తోడ యూపికిని రమ్యపు రీతి ప్రధాని జేయగా

భోగము జేసి మార్చనహ! బోలెడు పేరులు నగ్రినగ్రికిన్

యోగికి యోగి యోగ్యమగు యోగ నియోగ మొనర్చె యోగ్యుఁడై 

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 2668

*****************************************************************************************************

శంకరాభరణం సమస్య - 2668

"చీకటిలోపలన్ వెదుకఁ జిక్కును వస్తుచయంబు దప్పకన్"

పాకెటు టార్చిలైటొకటి పన్నుగ నింపిన బ్యాటరీలదౌ...

చేకొని పృష్ఠభాగమున చెన్నుగ తట్టుచు గట్టిగట్టిగా 

కేకలు వేయుచున్ పతిని గిచ్చుచు మొట్టుచు మీట నొక్కగా...

చీకటిలోపలన్ వెదుకఁ జిక్కును వస్తుచయంబు దప్పకన్

(కంది శంకరయ్య గారి సౌజన్యంతో)

********************************************************************************************************

శంకరార్పణం - 2667

******************************************************************************************************

శంకరాభరణం సమస్య - 2667

"నాలుగు రెండు నయ్యెనట నల్లనివాని కదేమి చిత్రమో"

నాలుగు చేతులన్ వెలసి నల్లని కృష్ణుడనంతుడౌటచే

బేలతనమ్ము నర్జునుడు వేడుచు ప్రార్థన నిట్లుచేయుచున్:👇

"చాలును విశ్వరూపమిక చల్లగ మారుము బావగా"ననన్ 

నాలుగు రెండు నయ్యెనట నల్లనివాని కదేమి చిత్రమో

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 2666

**************************************************************************************************

శంకరాభరణం సమస్య - 2666

"హానిం జేయని యాతఁ డెవ్విధినిఁ దా నాచార్యుఁడై యొప్పునో"

నేటి మాస్టార్లు: 👇

దీనారమ్ముల గూర్చుటన్ వడివడిన్ ధ్యేయమ్ముగా నెంచుచున్

నానారీతి ట్యుటోరియల్సు బడులన్ నందమ్ముతో జేరుచున్

వానాకాలపు విద్యలన్ గరపుచున్ పానుల్ సిగారెట్లకున్ 

హానిం జేయని యాతఁ డెవ్విధినిఁ దా నాచార్యుఁడై యొప్పునో!

(కంది శంకరయ్య గారి సౌజన్యంతో)

*********************************************************************************************************

శంకరార్పణం - 2665

****************************************************************************************************

శంకరాభరణం సమస్య - 2665

"మ్రొక్కెఁ బతివ్రతాసుతుఁడు పూజ్యులు తండ్రుల కెల్ల భక్తితోన్"

ప్రక్కన తమ్ములుండగను రాజ్యము వీడి యుధిష్ఠురుండటన్

గ్రక్కున జేరుచున్ యమున కర్మలు జేయుచు శాస్త్రరీతినిన్ 

మ్రొక్కెఁ బతివ్రతాసుతుఁడు పూజ్యులు తండ్రుల కెల్ల భక్తితోన్;...

చక్కగ జేసి పూరణను చల్లగ నిత్తరి నిద్రవోయెదన్ :)

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 2663

***************************************************************************************************

శంకరాభరణం సమస్య - 2663

"సతి సతి క్రీడ సల్ప మగసంతు జనించెను మెచ్చి రెల్లరున్"

అతివల పండుగన్ వడిగ, హాయిగ నూగుచు; నట్లు పోయుచున్

పతులకు నాయువిమ్మనుచు పాటలు పాడుచు గౌరి పూజలన్

సతి సతి క్రీడ సల్ప; ...మగసంతు జనించెను మెచ్చి రెల్లరున్

సతియును నీశు కూడగనె;...షణ్ముఖ ప్రాప్తికి సంతసించుచున్

అతివల పండుగ = అట్లతద్ది

"త్రిలోక సంచారి అయిన నారదుని ప్రోద్బలముతో గౌరీదేవి శివుని పతిగా పొందగోరి తొలుతగ 

చేసిన  విశిష్టమైన వ్రతమే ఈ అట్లతద్ది"

https://te.m.wikipedia.org/wiki/అట్లతద్ది

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 2662

******************************************************************************************************

శంకరాభరణం సమస్య - 2662

"తల్లికిఁ దాళిఁ గట్టిన నుదారుని దాశరథిం దలంచెదన్"

ఉల్లము పొంగ నేనికను నోపిక తగ్గగ నా కుమారునిన్ 

తల్లికిఁ దాళిఁ గట్టిన నుదారుని;...దాశరథిం దలంచెదన్

చల్లగ జూడు మమ్మనుచు చక్కగ మ్రొక్కుచు దొర్లి పొర్లుచున్...

కల్లలు కావు నా నుడులు కమ్మగ నిత్తును వేయి రూప్యముల్ :)

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 2661

******************************************************************************************************

శంకరాభరణం సమస్య - 2661

"...కౌపీనము దాల్చువాఁడె కద సంపన్నుండు దర్కించినన్"

(ఛందోగోపనము)

మా చిన్నప్పటి విద్యాసంపన్నుడైన బడిపంతులు (1950):

సరకుల్ లేవని వంటకై సతియు హా! సాధించుచుండంగ తా 

కరువున్ భత్యము జీతమున్ కలిపి లెక్కల్ వేసి భాగించుచున్ 

బరువుల్ మోయుచు దించుచున్ కొలది సాపాటున్ భుజించన్ పరం 

పర కౌపీనము దాల్చువాఁడె కద సంపన్నుండు దర్కించినన్!

కరువున్ భత్యము = DA

పరంపర = పదేపదే (అదే అదే) 

కౌపీనము = గోచి పోసి కట్టిన ధోవతి

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 2660

*************************************************************************************************

శంకరాభరణం సమస్య - 2660

"పొలమును దున్నినంత సుత పుట్టట యెట్టుల సాధ్య మమ్మరో"

కలమును పట్టినంతట సుకావ్యము వ్రాయుట సాధ్య మమ్మరో?

శిలలను తట్టినంతటనె సింగము పారుట సాధ్య మమ్మరో?

జలమును పట్టినంత జలజమ్ములు పూయుట సాధ్య మమ్మరో?

పొలమును దున్నినంత సుత పుట్టట యెట్టుల సాధ్య మమ్మరో?

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 2916

***************************************************************************************************

శంకరాభరణం సమస్య - 2916

"అల్పునిఁ జెప్పగాఁ దగు మహాత్ముఁ డటంచు జనుల్ భళీ యనన్"

కల్పుచు నోబిసీయులను స్కంధము నెత్తుచు బ్రాహ్మణాదులన్ 

స్వల్పపు మేతతో నలరి వాక్కుల నిచ్చుచు మన్-కి-బాతులన్ 

కల్పము నొక్కడై యొదవు కమ్మని చాయిని నమ్మువానినిన్...

అల్పునిఁ జెప్పగాఁ దగు మహాత్ముఁ డటంచు జనుల్ భళీ యనన్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 2916

****************************************************************************************************

శంకరాభరణం సమస్య - 2916

"అల్పునిఁ జెప్పగాఁ దగు మహాత్ముఁ డటంచు జనుల్ భళీ యనన్"

కల్పుచు భారతీయులను కర్రను పట్టుచు దొర్ల ద్రోలుచున్

స్వల్పపు మేతతో నలరి శక్తులు యుక్తులు మేళవించుచున్

కల్పము నొక్కడై యొదవు గాంధిని వోలెడు గుడ్డగోచితో

నల్పునిఁ జెప్పగాఁ దగు మహాత్ముఁ డటంచు జనుల్ భళీ యనన్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 2659

***************************************************************************************************

శంకరాభరణం సమస్య - 2659

"గరుడుఁడు సర్పభీతుఁడయి గ్రక్కునఁ జొచ్చెను పుట్టలోనికిన్"

తురకల మాల యాదవుల తోరపు వోటులు కోలుపోవగా

గురకలు వీడి మోడియుడు గూడుపుఠానిని తీర్చిదిద్దుటన్ 

పరువులు బెట్టి బ్రాహ్మలకు పన్నుగ నిచ్చెను మేటి కోటలన్..

.

"గరుడుఁడు సర్పభీతుఁడయి గ్రక్కునఁ జొచ్చెను పుట్టలోనికిన్"

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 2658

****************************************************************************************************

శంకరాభరణం సమస్య - 2658

"మోదము నందరే ప్రజలు మూర్ఖుఁ డొకండు నృపాలు డైనచోన్"

గేదెలు దున్నపోతులును కీటక పన్నగ జంబుకమ్ములున్ 

భేదము లేక నత్తలును పీతలు కొంగలు కొండముచ్చులున్ 

వాదన జేయ ప్రీతిగను పందుల రీతిని కొల్వునందునన్ 

మోదము నందరే ప్రజలు మూర్ఖుఁ డొకండు నృపాలు డైనచోన్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 2657

****************************************************************************************************

శంకరాభరణం సమస్య - 2657

"రక్షస్సంఘ మహో పఠించెను గదా రామాయణంబున్ దమిన్"

రక్షించంగను తీసుకొమ్మని మహిన్ రాధస్సు జల్లించుచున్

శిక్షించంగను భారతావనిని నాక్షేపించి కవ్వించుచున్

భక్షించంగను లంకవాసుల మహా భాగ్యమ్ము, చీనీయులౌ

రక్షస్సంఘ మహో పఠించెను గదా రామాయణంబున్ దమిన్

...China's Belt & Road Strategy in Sri Lanka

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 2655

***************************************************************************************************

శంకరాభరణం సమస్య - 2655

"తారానాథుని భీతితో నణువు మధ్యన్ దాఁగె సంద్రంబు సూ"

పారెన్ తమ్ముడు కొండ కోనలను భల్ పండంగ పాపమ్ములా 

తారానాథుని భీతితో;...నణువు మధ్యన్ దాఁగె సంద్రంబు సూ

శ్రీరామున్ గని కంపమొందుచును తా శ్రీకంఠు ప్రార్థించుచున్...

పోరున్ మానుచు పృచ్ఛకుండ వడిగా పోపొమ్ము పొమ్మింటికిన్

(కంది శంకరయ్య గారి సౌజన్యంతో)

*****************************************************************************************************************************************************