శంకరార్పణం - 279

**************************************************************************************************

శంకరాభరణం వృత్త సమస్య - 279

"భారత యోధులన్న రిపువాహినికిన్ దృణకల్పులే కదా"

హైదరాబాదు దాడీ మహాశయుడు ఉవాచ: 

తోరపు బొజ్జలన్ కలిగి దూకుడు లేకయె భీతిజెందుచున్ 

పోరున పారిపోయెదరు పోకిరి మూకలు చుట్టుముట్టగా

కోరిక తీరగా గజిని గోరియు వచ్చుచు చూడగానహా! 

భారత యోధులన్న రిపువాహినికిన్ దృణకల్పులే కదా!

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3296

************************************************************************************************

శంకరాభరణం సమస్య - 3296

"ముది యొక పుణ్యమూలముగ మోదమొసంగును మాటిమాటికిన్"

కుదురుగ కంది శంకరుని కూటమి నందున వార్ధకమ్మునన్ 

ముదమున జేరి పూరణలు ముప్పది వందల పైన జేయుచున్ 

చదువులు సంధ్యలన్ విడిచి చక్కగ కూర్చగ బ్లాగునందునన్ 

ముది యొక పుణ్యమూలముగ మోదమొసంగును మాటిమాటికిన్

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 3296

***********************************************************************************************************

శంకరాభరణం సమస్య - 3296

"ముది యొక పుణ్యమూలముగ మోదమొసంగును మాటిమాటికిన్"

కుదురుగ కాటువేయగను కూరిమి మీరగ జామకాయలన్

కదులుచు నొప్పి పెట్టుచును కన్నుల నీరము తెచ్చు దంతముల్ 

ముదమున రాలి పోవగను ముప్పది రెండును హాయిహాయిగా 

ముది యొక పుణ్యమూలముగ మోదమొసంగును మాటిమాటికిన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 278

**************************************************************************************************

శంకరాభరణం వృత్త సమస్య - 278

"ఊరక కల్గు భోగములు యోగము గూడిన వారి కిద్ధరన్"

కూరుచు నుండగన్ మురిసి కోడలి రూపున నిందిరమ్మకున్

పోరును జేయకే నగుచు పొందగ  భారత రాజ్యమున్ భళా

కోరని కోర్కెలన్నియును కూరిమి మీరగ తీరగా నిటుల్:👇 

"ఊరక కల్గు భోగములు యోగము గూడిన వారి కిద్ధరన్"

(కంది శంకరయ్య గారి సౌజన్యంతో)

**********************************************************************************************************************************************

ఆకాశవాణి సమస్య

***********************************************************************************************

శంకరాభరణం సమస్య - 3295

"లలితమ్మై వినసొంపుగన్ నవరసాలన్ జిల్కు నీ పేటియే"

"Yes! Boss!"

పిలువన్ గా వడి వచ్చుచున్ మొరుగుచున్ ప్రేమించి పాదమ్ములన్ 

కలనన్ గానని రీతి నెత్తుకొనుచున్ గారాబుగా నొత్తుచున్

బలుపౌ పాటలు పద్యముల్ విరివిగా పాడంగ భట్రాజహో

లలితమ్మై వినసొంపుగన్ నవరసాలన్ జిల్కు నీ పేటియే

(కంది శంకరయ్య గారి సౌజన్యంతో)

******************************************************************************************************************************************

ఆకాశవాణి సమస్య

*******************************************************************************************************

శంకరాభరణం సమస్య - 3295

"లలితమ్మై వినసొంపుగన్ నవరసాలన్ జిల్కు నీ పేటియే"

"మండిత నాయకి" 

జలసాలాటకు మానసమ్ము తగులన్ సంపంగులన్ పూనుచున్ 

పిలువన్ గా వడి వచ్చుచున్ దిటవుగా ప్రేమించి ముద్దాడుచున్ 

కలనన్ గానని శ్లాఘముల్ పలికెడిన్ గారాబు నాథుండహో 

లలితమ్మై వినసొంపుగన్ నవరసాలన్ జిల్కు నీ పేటియే

(కంది శంకరయ్య గారి సౌజన్యంతో)

***********************************************************************************************

శంకరార్పణం - 277

*************************************************************************************************

శంకరాభరణం వృత్త సమస్య - 277

"కవి సన్మానము సేతుమంచుఁ బలుకం గంపించె భీతాత్ముఁడై"

పవలున్ రేతిరి పండుగల్ సెలవులన్ ప్రార్థించగా నొల్లకే 

నవలల్ పాటలు పద్యముల్ విరివిగా నందమ్ముతో వ్రాయగా

రవికల్ కోకలు శాలువల్ ముదముతో రప్పించి యర్ధాంగికిన్ 

కవి సన్మానము సేతుమంచుఁ బలుకం గంపించె భీతాత్ముఁడై...

(కంది శంకరయ్య గారి సౌజన్యంతో)

***********************************************************************************************

శంకరార్పణం - 275

****************************************************************************************************

శంకరాభరణం వృత్త సమస్య - 275

"కవనం బయ్యెను లుప్తసత్త్వ మది శ్లాఘ్యంబౌట బొంకే సుమా"

MCP (Male Chauvinist Pig):👇

లవలేశమ్మును సిగ్గు వీడుచునయో రాకాసులన్ బోలుచున్ 

జవరాండ్రెల్లరు బల్లగుద్దుచునహో జైకొట్టి లంఘించుచున్  

కవితల్ చెప్పగ నోటికొచ్చినటులన్ ఘాటైన వాక్యమ్ములన్ 

కవనం బయ్యెను లుప్తసత్త్వ మది శ్లాఘ్యంబౌట బొంకే సుమా!

(కంది శంకరయ్య గారి సౌజన్యంతో)

******************************************************************************************************************************************

శంకరార్పణం - 3294

***************************************************************************************************

శంకరాభరణం సమస్య - 3294

"చెలువలు సత్కవిత్వమునుఁ జెప్పఁగ నేర్తురె మేలనన్ బుధుల్"

చెలువలు నందమొందుచును చేరువ లేకయె హైద్రబాదుకున్

పలువురు శంకరాభరణ ప్రాంగణ మందున చేరి నేర్చుచున్

చిలకల వోలె పల్కగను శ్రేయమె యిట్టుల మాటలాడగన్:👇

"చెలువలు సత్కవిత్వమునుఁ జెప్పఁగ నేర్తురె మేలనన్ బుధుల్"?

(కంది శంకరయ్య గారి సౌజన్యంతో)

************************************************************************************************

శంకరార్పణం - 3294

*******************************************************************************************************

శంకరాభరణం సమస్య - 3294

"చెలువలు సత్కవిత్వమునుఁ జెప్పఁగ నేర్తురె మేలనన్ బుధుల్"

కులుకుచు వల్లభుల్ కడకు గూడును చేరగ తప్ప త్రాగి "హిక్"!...

చెలగుచు భామలెల్లరును చేరువ నున్నది రోకలెత్తుచున్

పలుకగ పాట పద్యములు పాడియె కాదయె సంశయింపగన్:👇

"చెలువలు సత్కవిత్వమునుఁ జెప్పఁగ నేర్తురె మేలనన్ బుధుల్"?

(కంది శంకరయ్య గారి సౌజన్యంతో)

************************************************************************************************

శంకరార్పణం - 273

****************************************************************************************************

శంకరాభరణం వృత్త సమస్య - 273

"ధారాదత్తము సేయ సంపదలు కాంతాదాసులే పూరుషుల్"

దారిన్ తప్పుచు సత్యభామ నొకతెన్ ధైర్యమ్మునన్ పొందగా 

పోరున్ బెట్టుచు రాత్రి ప్రొద్దుటనహో పోట్లాడి కాట్లాడుచున్

జోరున్ కొట్టుచు లాగుకొన్న వడినిన్ జొప్పించి బాత్రూమునన్ 

ధారాదత్తము సేయ సంపదలు కాంతాదాసులే పూరుషుల్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 272

***************************************************************************************************

శంకరాభరణం వృత్త సమస్య - 272

"హారముకోసమై ప్రజలహర్నిశముల్ కృషి చేయఁగాఁ దగున్"

Ideal Wife:

పోరును పెట్టకే నగుచు ప్రొద్దున రాత్రిని పొయ్యిమీదనున్

వారము వర్జ్యమున్ గనక వంటలు వార్పులు చేసి స్వామికిన్

తీరుగ భోజనమ్మిడెడి తియ్యని పత్నికి మేటి ముత్యపున్ 

హారముకోసమై ప్రజలహర్నిశముల్ కృషి చేయఁగాఁ దగున్ 😊

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3293

**************************************************************************************************

శంకరాభరణం సమస్య - 3293

"పరమ సుఖంబు నిచ్చుఁ గద పానుపు కంటకపూర్ణమైనచో"

విరివిగ బూది మెత్తుచును వేషము వేయుచు నంగసాధుగా 

మురియుచు సంగమందునను ముచ్చట మీరగ కుంభమేళలో

వరములు కోరి స్వర్గమున భంగును త్రాగెడు ఫేకు యోగికిన్ 

పరమ సుఖంబు నిచ్చుఁ గద పానుపు కంటకపూర్ణమైనచో

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3293

****************************************************************************************************

శంకరాభరణం సమస్య - 3293

"పరమ సుఖంబు నిచ్చుఁ గద పానుపు కంటకపూర్ణమైనచో"

తరచుగ నిల్లు జేరుచును తంటలు పెట్టుచు రోజురోజునన్

కరచుచు నల్లుడిన్ సతము గారము చేయగ కూతురిన్ సదా..

మురియుచు పండుగన్ కొనగ ముద్దులు మీరుచు నత్తగారికిన్;...

పరమ సుఖంబు నిచ్చుఁ గద;...పానుపు కంటకపూర్ణమైనచో

(కంది శంకరయ్య గారి సౌజన్యంతో)

***********************************************************************************************

శంకరార్పణం - 271

*********************************************************************************************************

శంకరాభరణం వృత్త సమస్య - 271

"అన్నను భర్తగాఁ గొనిన యన్నులమిన్న యదృష్టరాశియౌ"

నిన్ననొ మొన్ననో ననగ నేర్పున జేరుచు మంత్రిమండలిన్

పున్నమి చంద్రునిన్ వలెను ముద్దులు మీరిన హైద్రబాదునున్

మిన్నున కెత్తి చూపగల మేదిని నొక్కడు కల్వకుంట రా 

మన్నను భర్తగాఁ గొనిన యన్నులమిన్న యదృష్టరాశియౌ

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 269

**************************************************************************************************

శంకరాభరణం వృత్త సమస్య - 269

"నా పతి యేగుదెంచఁ గని నా పతి భీతిని నక్కె నొక్కెడన్”

నా పతి చెప్పు వీడకయె నన్నిట జేరగ వేగిరమ్మునన్...

నాపయి ప్రేమ తాళకయె నందము నొందుచు నర్థరాత్రినిన్

చేపను త్రుంచినన్ విధము చెప్పెద నిప్పుడె నీకు నంచహో 

నా పతి యేగుదెంచఁ గని నా పతి భీతిని నక్కె నొక్కెడన్ 😊

(కంది శంకరయ్య గారి సౌజన్యంతో)

****************************************************************************************************************************************************

శంకరార్పణం - 268

***********************************************************************************************************

శంకరాభరణం వృత్త సమస్య - 268

"వానరు లెల్ల నొక్కటయి వర్ధిలు కాలము వచ్చు టెన్నడో?"

కోనల కోనలన్ దవిలి కొండొక నేతను కానరాకయే

నేనును నేను నేననెడి నీచులు క్రూరులు దున్నపోతులున్

హీనులు మూర్ఖులున్ శునులు   హిందుల దూఱెడు గార్దబమ్ములున్  

వానరు లెల్ల నొక్కటయి వర్ధిలు కాలము వచ్చు టెన్నడో?

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 3292

*****************************************************************************************************************

శంకరాభరణం సమస్య - 3292

"తులువా వందనమయ్య నాకిపుడు సద్బుద్ధుల్ దగన్ నేర్పుమా"

కులుకుల్ మీరగ చెట్టపట్ట లిడుచున్ కొండాడి నీ రూపమున్

చెలియల్ చేరుచు దొర్వుగట్టున రహిన్ చేదోడు వాదోడుగా

వలువల్ వీడగ స్నానమాడగనయో వస్త్రమ్ములన్ దాచెడిన్ 

తులువా! వందనమయ్య నాకిపుడు సద్బుద్ధుల్ దగన్ నేర్పుమా

తులువ = తుంటరి

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3292

*****************************************************************************************************

శంకరాభరణం సమస్య - 3292

"తులువా వందనమయ్య నాకిపుడు సద్బుద్ధుల్ దగన్ నేర్పుమా"

పలకన్ బల్పము పట్టకుండగనహో పండంటి సెల్ఫోనునన్

కలనున్ గానని కైపదమ్ము లిడుచున్ కంగారు లేకుండనే

తెలుగున్ నేర్పిన కంది శంకరవరా! తేనీరు నిప్పింతు పం

తులు! వా! వందనమయ్య నాకిపుడు సద్బుద్ధుల్ దగన్ నేర్పుమా!

(కంది శంకరయ్య గారి సౌజన్యంతో)

***********************************************************************************************************************************************