*****************************************************************************************************
శంకరాభరణం సమస్య - 2768
"పగవానిం బెండ్లియాడె పడతియె ప్రీతిన్"
వెగటుగ నెత్తిన దాల్చిన
వగలాడి మగువను జూచి భగ్గున మండన్
సగభాగ మాక్రమించుచు
పగవానిం బెండ్లియాడె పడతియె ప్రీతిన్ :)
సమస్య:
"పగవానిన్ సతి పెండ్లియాడి పడసెన్ భాగ్యోన్నతిన్ బ్రీతితో"
ఇషాని ఉవాచ:
తగునా యివ్విధి తప్పులన్ పలుక తాతా! బోసి నోటోడివే:👇
"పగవానిన్ సతి పెండ్లియాడి పడసెన్ భాగ్యోన్నతిన్ బ్రీతితో"
నగుబాటాయె గదా! సరే! వినుమురా! నానోట నీవాక్యమున్:👇
"భగవానున్ సతి పెండ్లియాడి పడసెన్ భాగ్యోన్నతిన్ బ్రీతితో"
(కంది శంకరయ్య గారి సౌజన్యంతో)
*****************************************************************************************************************************
No comments:
Post a Comment