శంకరార్పణం - 707

**************************************************************************************************

శంకరాభరణం సమస్య - 707

"శని పట్టినవారల కగు సకలశుభమ్ముల్"

వినుడీ కిటుకును శుంఠల్! 

శని పూజలు జేయు శాస్త్రి చక్కటి తనయన్ 

కనుగొని పెండిలి యాడగ 

శని పట్టినవారల కగు సకలశుభమ్ముల్

(కంది శంకరయ్య గారి సౌజన్యంతో)

*****************************************************************************************************

శంకరార్పణం - 705

******************************************************************************************************

శంకరాభరణం సమస్య - 705

"మాధవునకు శత్రువు గద మకరధ్వజుఁడే!"

అరేబియా: 

సాధించుచు రాత్రి పవలు 

వేధించుచు నల్గురమ్ము వెంబడి పడగా 

బాధల నిచ్చెడి వాడై 

మా ధవునకు శత్రువు గద మకరధ్వజుఁడే!

(కంది శంకరయ్య గారి సౌజన్యంతో)

****************************************************************************************************************************************

శంకరార్పణం - 703

***************************************************************************************************

శంకరాభరణం సమస్య - 703

"సినిమాలను  జూచువాఁడు  శ్రీమంతుఁ డగున్"

తినుటకు తిండియు లేకయె

పనిపాటులు లేక మెండు వ్రాయుచు కథలన్

ధనమును కోరుచు కలలో 

సినిమాలను  జూచువాఁడు  శ్రీమంతుఁ డగున్

(కంది శంకరయ్య గారి సౌజన్యంతో)

**********************************************************************************************

శంకరార్పణం - 3063

********************************************************************************************************

శంకరాభరణం సమస్య - 3063

"కలువల సంగడీ డెసఁగి కాకవెలుంగును మ్రింగె నల్కమై"

తలుపుల చాటు దాగుచును తాండవ మాడుచు పేరు చెప్పకే

పలుకుల రాణి మెచ్చగను పాడుచు నాడుచు నవ్వులొల్కుచున్

 

కులుక జిలేబి శంకరుని కొల్వున చేయుచు పూరణమ్ములన్ 

కలువల సంగడీ డెసఁగి కాకవెలుంగును మ్రింగె నల్కమై

(కంది శంకరయ్య గారి సౌజన్యంతో)

*********************************************************************************************

శంకరార్పణం - 3063

**************************************************************************************************

శంకరాభరణం సమస్య - 3063

"కలువల సంగడీ డెసఁగి కాకవెలుంగును మ్రింగె నల్కమై"

కలువలు వాడిపోవగను గారబు దీదికి వంగభూమినిన్ 

కిలకిలలాడు భామలను కెవ్వున నవ్వుచు దిల్లినంప నా

చెలియలు పార్లమెంటునను శీతల మిచ్చుచు వెల్గుచుండగా 

కలువల సంగడీ డెసఁగి కాకవెలుంగును మ్రింగె నల్కమై 

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 701

******************************************************************************************************

శంకరాభరణం సమస్య - 701

"అందఱు నందఱే మఱియు నందఱు నందఱె యంద ఱందఱే!"

"సరదా" శంకరాభరణం: 

కొందరు పండితోత్తములు కొందరు మణ్డిత శబ్దశాస్త్రులున్

కొందరు కావ్యకంఠులిట కొందరు మెండు వితండవాదులున్

పొందుగ కంది శంకరుని ప్రొద్దున  రాతిరి  బోరుగొట్టు  వా 

రందఱు నందఱే మఱియు నందఱు నందఱె యంద ఱందఱే!

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 696

***************************************************************************************************

శంకరాభరణం సమస్య - 696

"జారులు చోరులున్ కుటిలచారులు దుష్టులు దుర్మదాంధులున్"

వీరులు కొందరున్ గలరు బీహరు బెంగలు నాగలాండునన్ 

శూరులు కొందరున్ గలరు చూడగ యూపిని కేరళందునన్

కారుర! పార్లమెంటునను గందర గోళము చేయునందరున్ 

జారులు చోరులున్ కుటిలచారులు దుష్టులు దుర్మదాంధులున్

(కంది శంకరయ్య గారి సౌజన్యంతో)

*************************************************************************************************

శంకరార్పణం - 691

*************************************************************************************************

శంకరాభరణం సమస్య - 691

"జారగుణంబు గల్గు సతి సాధ్వి యటంచు నుతించి రెల్లరున్"

తీరుగ బొచ్చుకుక్క కొక తియ్యని కౌగిలినిచ్చి త్రోలెడిన్

కారున నద్దమందుగని కమ్మగ పూయుచు లిప్పుస్టిక్కునున్

నీరుల స్టోరు నందునను నిక్కపు రీతిని బేరమాడు బం

జారగుణంబు గల్గు సతి సాధ్వి యటంచు నుతించి రెల్లరున్

నీరుల స్టోరు = Neerus' Store @ Banjara Hills, Hyderabad

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 3062

**********************************************************************************************

శంకరాభరణం సమస్య - 3062

"మోసముఁ జేయువారలకె పుణ్యఫలంబు లభించు నెల్లెడన్"

స్వానుభవం:

కాసిని పద్యసూత్రములు కమ్మగ నేర్చుచు నాంధ్రభాషనున్

దాసిగ నాంధ్రభారతికి దండము లిచ్చుచు మాటిమాటికిన్

వాసిగ శంకరాభరణ ప్రాంగణ మందున చేసి పూరణల్ 

మోసముఁ జేయువారలకె పుణ్యఫలంబు లభించు నెల్లెడన్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 3062

************************************************************************************************

శంకరాభరణం సమస్య - 3062

"మోసముఁ జేయువారలకె పుణ్యఫలంబు లభించు నెల్లెడన్"

దోసమె  లేదు  నీదిటను  దోసెల  పిండిదె  దోసమంచు,  నే

వాసన  లేకపోయినను  వన్నెగ  నున్నవి  పూలటంచు,  నీ 

వీసపు  టెత్తుబంగరువు  వీసెడు  కాంతియె  కూర్చునంచు  పెన్ 

మోసము  చేయువారలకె  పుణ్యఫలంబు  లభించు  నెల్లెడన్.

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 688

****************************************************************************************************

శంకరాభరణం సమస్య - 688

"మహిళను  దూషించువాఁడు  మాన్యుఁడు  జగతిన్"

అహరహము పొన్ను కోరుచు 

దహనము గావించి సుఖము దాహము తోడన్

ఇహమున పరమున కడ్డిడు 

మహిళను  దూషించువాఁడు  మాన్యుఁడు  జగతిన్

(కంది శంకరయ్య గారి సౌజన్యంతో) 

*************************************************************************************************************************************************

శంకరార్పణం - 686

****************************************************************************************************

శంకరాభరణం సమస్య - 686

"సుగ్రీవుని యెడమకాలు శునకము గఱచెన్"

అగ్రీమెంటుకు రాగనె 

నాగ్రా నగరపు ప్లవములు నక్కల పెంచన్ 

ఆగ్రహముతోడ పరుగిడి 

సుగ్రీవుని యెడమకాలు శునకము గఱచెన్

(కంది శంకరయ్య గారి సౌజన్యంతో)

************************************************************************************************

శంకరార్పణం - 685

********************************************************************************************************

శంకరాభరణం సమస్య - 685

"విపరీతపుఁబులుసు కూర విస్తరి మ్రింగెన్"

అపర గణేశుండొకచో 

విపులముగా లడ్లు, వడలు, ఫేణీ, పూరీల్, 

కుపితుండై మోదకములు,

విపరీతపుఁబులుసు, కూర, విస్తరి, మ్రింగెన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3061

****************************************************************************************************

శంకరాభరణం సమస్య - 3061

"ఈప్సిత దాతలై హితము నెంతయొ కూర్తురు చోరు లెప్పుడున్"

టిప్సును నిచ్చెదన్ వినుము ఢీకొని గెల్వగ శత్రులెల్లరిన్:👇

లిప్సును మూయుచున్ చనుము లెక్కను బెట్టక లేమవాక్కులన్...

చిప్సును మెక్కుటన్ విడుము జిహ్వను చంపుము హిప్సు పెంపకోయ్...

ఈప్సిత దాతలై హితము నెంతయొ కూర్తురు చోరు లెప్పుడున్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3061

****************************************************************************************************

శంకరాభరణం సమస్య - 3061

"ఈప్సిత దాతలై హితము నెంతయొ కూర్తురు చోరు లెప్పుడున్"

అప్సుజ భాజపా విడిచి హైరన నొందకు మోరి మిత్రమా! 

అప్సర లెందరో గలరు హాయిని గూర్చగ పార్లమెంటులో!

అప్సరు లందరున్ కలిసి హాయిని జెందుచు నిల్లుకూల్తురే! 

ఈప్సిత దాతలై హితము నెంతయొ కూర్తురు చోరు లెప్పుడున్!

అప్సుజము = కమలము 

అప్సరులు = ఆఫీసరులు 

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 680

***************************************************************************************************

శంకరాభరణం సమస్య - 680

"హనుమంతుని వేడుకొనిన నాయువుఁ దీయున్"

మనమున కలిగిన వ్యథలను

కనుటకు వినుటకును లేక ఘనులగు వైద్యుల్ 

దినదినము క్రుంగుచుండగ 

హనుమంతుని వేడుకొనిన నాయువుఁ దీయున్

(కంది శంకరయ్య గారి సౌజన్యంతో)

*************************************************************************************************

శంకరార్పణం - 675

******************************************************************************************************

శంకరాభరణం సమస్య - 675

"గణపతినిఁ గన నిందలొదవును గాదే"

(ఛందోగోపనము)

రాగమ్మెంతయొ గద! బా 

బో! గణపతినిఁ గన నిందలొదవును గాదే

బాగుగ పూజలు జేయక 

శ్రీగణపతి చవితి రోజు శీతలు జూడన్!

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం - 3060

*****************************************************************************************************

శంకరాభరణం సమస్య - 3060

"జీవా కాంక్షలు ముక్తికారకములై జేజేల మెప్పొందెడిన్"

హోం లోన్ మోక్షం:

లావొక్కింతయు లేదు; పైకము విలోలంబయ్యె; బ్రాణంబులున్

ఠావుల్దప్పెను; మూర్ఛ వచ్ఛెఁ; దనువున్ డస్సెన్; శ్రమంబయ్యెడిన్; 

నీవేతప్ప నితఃపరం బెఱుఁగరా! నీచుండ కాపాడుమన్

జీవా కాంక్షలు ముక్తికారకములై జేజేల మెప్పొందెడిన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3060

****************************************************************************************************

శంకరాభరణం సమస్య - 3060

"జీవా కాంక్షలు ముక్తికారకములై జేజేల మెప్పొందెడిన్"

చావుల్ తప్పవు రాజనీతిననెడిన్  సత్యమ్ము కోల్పోవుచున్

లావొక్కింతయు లేక పోరుటకిటన్ రక్షింపగా కోరుచున్ 

కావంగన్ గడు గోల బెట్టి చనెడిన్ కాంగ్రేసు హీరోలవౌ 

జీవా కాంక్షలు ముక్తికారకములై జేజేల మెప్పొందెడిన్

(కంది శంకరయ్య గారి సౌజన్యంతో)

**************************************************************************************************

శంకరార్పణం - 674

**************************************************************************************************

శంకరాభరణం సమస్య - 674

"కనరాని విశేషములను కవి కాంచుగదా!"

మినుముల పచ్చడి తోడన్ 

తినుటకు లేకున్న నెయ్యి తిప్పలు పడుచున్

ఘనమగు కైతల కన్నుల  

కనరాని విశేషములను కవి కాంచుగదా!

(కంది శంకరయ్య గారి సౌజన్యంతో)

***********************************************************************************************

శంకరార్పణం - 673

*****************************************************************************************************

శంకరాభరణం సమస్య - 673

"పాపములకు మూలములగుఁ బశుపతి పూజల్"

దీపము ధూపము తోడను 

కైపున తెలగాణమనెడు కైలాసమునన్

మోపులు మోపులు కూడుచు

పాపములకు మూలములగుఁ బశుపతి పూజల్

(కంది శంకరయ్య గారి సౌజన్యంతో)

************************************************************************************************************************************************