శంకరార్పణం - 1041

***************************************************************************************************

శంకరాభరణం సమస్య - 1041

"దారా రమ్మని పిల్చె నొక్క సతి భర్తన్ ప్రేమ పొంగారగన్"

బెంగాలు గోకులాష్టమి వేడుకలు: 

చోరుండా వ్రజమోహనుండు వలె భల్ షోగ్గాడుగా వచ్చెనే

కోరండీతడు పాలు వెన్నలనువే కొట్లాడునే నవ్వుచున్

పోరాయన్నను పోడు వీడు రహినిన్ పోరాడుచున్ కోరె చం 

దా! రా! రమ్మని పిల్చె నొక్క సతి భర్తన్ ప్రేమ పొంగారగన్ 😊

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3122

*************************************************************************************************************

శంకరాభరణం సమస్య - 3122

"గాడిద కర్ణపేయముగ గానము సేయఁగ మెచ్చి రెల్లరున్"

వేడుక మీర మోడియహ వీడగ నస్త్రము కాశ్మిరమ్మునన్

తాడును పేడునున్ గనక తన్నుకు చచ్చుచు వీధి వీధినిన్

పాడగ పాకు ఖానుడట ప్రాకట రీతిని తోచె నివ్విధిన్: 

"గాడిద కర్ణపేయముగ గానము సేయఁగ మెచ్చి రెల్లరున్"

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3122

*****************************************************************************************************

శంకరాభరణం సమస్య - 3122

"గాడిద కర్ణపేయముగ గానము సేయఁగ మెచ్చి రెల్లరున్"

పాడిగ కారు స్కూటరులు పండుగ జేయగ వీధులందునన్

గాడిదలన్ని వీడగను కన్నుల కానక పట్టణమ్ములన్

చూడగ నాలినిన్ కడకు సుమ్ముగ వీధిని హైద్రబాదునన్

 

గాడిద కర్ణపేయముగ గానము సేయఁగ మెచ్చి రెల్లరున్

(కంది శంకరయ్య గారి సౌజన్యంతో)

***********************************************************************************************

శంకరార్పణం - 1040

*********************************************************************************************************

శంకరాభరణం సమస్య - 1040

"కుండెడు పాలు బోసి యిడె కోమలి కప్పెడు కాఫి భర్తకున్"

చండిని బోలు కోడలిది చారెడు నోరని గేలిజేయగా

వండుచు పాయసమ్మునట భాద్రపదమ్మున పండుగందునన్ 

గుండెలు మండ నత్తయని కూడలి నందున గాంచి గుండునన్

 

కుండెడు పాలు బోసి;..యిడె కోమలి కప్పెడు కాఫి భర్తకున్

(కంది శంకరయ్య గారి సౌజన్యంతో)

********************************************************************************************************

శంకరార్పణం - 1039

**********************************************************************************************************

శంకరాభరణం సమస్య - 1039

"కన్నెలవంకఁ జూచి మెటికల్ విఱిచెన్ నగజాత భీతయై"

వెన్నెల రేయినిన్ శివుని వేడ్కను రెచ్చ హిమాలయమ్మునన్

మిన్నగ జేరుచున్ ముదము మీరగ నల్పపు పచ్చడమ్ములన్

సన్నని నడ్ములన్ బిగువు చన్నుల శ్రోణుల నూపుచుండెడిన్ 

కన్నెలవంకఁ జూచి మెటికల్ విఱిచెన్ నగజాత భీతయై 😊

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 1038

**********************************************************************************************************

శంకరాభరణం సమస్య - 1038

"గొడ్రాలికి కొడుకొకండు గొబ్బునఁ బుట్టెన్"

రుడ్రాభిషేకములతో 

చిడ్రూపము వలన లొసుగు ఛేడింపంగా 

భడ్రాడ్రిరాము డయతో 

గొడ్రాలికి కొడుకొకండు గొబ్బునఁ బుట్టెన్ 😊

(కంది శంకరయ్య గారి సౌజన్యంతో)

****************************************************************************************************

శంకరార్పణం - 1037

**************************************************************************************************

శంకరాభరణం సమస్య - 1037

"శవతత్త్వం బెఱిగింపఁ దండ్రి వినెనా సత్పుత్రు సద్వాక్యముల్"

కవిరో! పుత్రుడు ప్రీతినంది మెడికల్ కాలేజినిన్ జేరుచున్

శవముల్ కోయుచు లాబునందు నెముకల్ శాస్త్రమ్మునున్ నేర్చుచున్

లవలేశమ్మును సిగ్గు లేక నగుచున్ లౌక్యమ్మునున్ వీడుచున్

శవతత్త్వం బెఱిగింపఁ దండ్రి వినెనా సత్పుత్రు సద్వాక్యముల్

(కంది శంకరయ్య గారి సౌజన్యంతో)

****************************************************************************************************

శంకరార్పణం - 1036

**************************************************************************************************

శంకరాభరణం సమస్య - 3120

"ప్రకృతి వినాశనంబె కడు పావన కార్యము మానవాళికిన్"

ముకుళిత హృత్సరోజమున పూరుషు రూపము గాంచనెంచగా 

నికటమునున్న నాత్మభవు నివ్వెర పాటున తల్లడిల్లకే 

వికల మనమ్మునన్ దవిలి వీర్యము చేకొని మాయదారియౌ

ప్రకృతి వినాశనంబె కడు పావన కార్యము మానవాళికిన్ 😊

(కంది శంకరయ్య గారి సౌజన్యంతో)

***************************************************************************************************************************

శంకరార్పణం - 1036

***********************************************************************************************************

శంకరాభరణం సమస్య - 1036

"వివర మెఱుఁగ లేనివాఁడె విజ్ఞుఁడు జగతిన్"

తవులుచు నూతన పత్నిని

పవలును రేయిని విడువక పడకల గదిలో

చవిగొని పూర్వపు చెలువుర 

వివర మెఱుఁగ లేనివాఁడె విజ్ఞుఁడు జగతిన్

(కంది శంకరయ్య గారి సౌజన్యంతో)

******************************************************************************************************************************************

శంకరార్పణం - 3120

*********************************************************************************************************

శంకరాభరణం సమస్య - 3120

"ప్రకృతి వినాశనంబె కడు పావన కార్యము మానవాళికిన్"

అమాయక విశాఖపట్టణం (1950s):

పకపక నవ్వుచున్ దవిలి భామల వెంటను కోతిచేష్టలన్ 

తికమక రీతులన్ పొగడి తిట్టుల సైచుచు కండ్లుగొట్టుచున్ 

సకలపు బీడి పీకలను చంగున రాల్చెడి రోడ్డు రోమియోల్ 

ప్రకృతి వినాశనంబె కడు పావన కార్యము మానవాళికిన్

ప్రకృతి = స్వభావము

(కంది శంకరయ్య గారి సౌజన్యంతో)

*********************************************************************************************************************************

శంకరార్పణం - 1035

********************************************************************************************************

శంకరాభరణం సమస్య - 1035

"కలువలు వికసించెను దినకరుఁ డుదయించన్"

చెలియా! చూడుము కొలనున 

కలువలు వికసించెను;...దినకరుఁ డుదయించన్

తలుపులు మూయుము త్వరపడి 

పలువురు నా మెడ గ్రహించి బాదక ముందున్

(కంది శంకరయ్య గారి సౌజన్యంతో)

*****************************************************************************************************

శంకరార్పణం - 1033

****************************************************************************************************

శంకరాభరణం సమస్య - 1033

"రామ పదాబ్జమే శరణురా యని పల్కెను రావణుం డహో!"

తోముచు మోడి కాళ్ళనిక తుమ్ముచు దగ్గుచు ముక్కుచీది జై

రామ రమేశుడీ తడవ రమ్యపు రీతిని మ్రొక్కుచుండుటన్

గోముగ చూడగా నితని గొల్లున నేడ్పును తోచు నివ్విధిన్: 👇

"రామ పదాబ్జమే శరణురా యని పల్కెను రావణుం డహో!"

(కంది శంకరయ్య గారి సౌజన్యంతో)

***************************************************************************************************

శంకరార్పణం - 1028

****************************************************************************************************

శంకరాభరణం సమస్య - 1028

"రాముని పెండ్లి జరిగెను ధరాధరసుతతోన్"

భీమ నినాదము తోడన్ 

రాముడు తనవిల్లు విరిచి రంజింపంగన్ 

సోముడు ముదమున జూడగ;

రాముని పెండ్లి జరిగెను;...ధరాధరసుతతోన్

సోముడు = శివుడు 

ధరాధరసుత = పార్వతి

(కంది శంకరయ్య గారి సౌజన్యంతో)

***********************************************************************************************

శంకరార్పణం - 3119

******************************************************************************************************

శంకరాభరణం సమస్య - 3119

"ఏనుఁగు చంపజాలదు గదే యెలుకన్ గడు విక్రమించినన్"

ధోనిని జూచుచున్ మురిసి దోమల గూడను ఘీంకరించుచున్

ఖానును జూచుచున్ వగచి కాశ్మిరు నందున బాంబు వేయుచున్

సోనియ గాంచగా బెదిరి శోకము మీరగ నేలగూలగా

నేనుఁగు చంపజాలదు గదే యెలుకన్ గడు విక్రమించినన్

(కంది శంకరయ్య గారి సౌజన్యంతో)

***************************************************************************************************

శంకరార్పణం - 3119

***************************************************************************************************

శంకరాభరణం సమస్య - 3119

"ఏనుఁగు చంపజాలదు గదే యెలుకన్ గడు విక్రమించినన్"

కానల నందునన్ తిరిగి గాభర నొందుచు దోమకుట్టగా

దీనుడు డెంగినిన్ వగచి దిల్లిని జేరుచు కుంటుచున్ భళా

పీనుగు వోలెనున్ సమసి పీడితుడౌచును వ్యాధితోనహా 

యేనుఁగు చంపజాలదు గదే యెలుకన్ గడు విక్రమించినన్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 1025

***************************************************************************************************

శంకరాభరణం సమస్య - 1025

"సంసారము దుర్భరమ్ము సత్పురుషులకున్"

ధ్వంసము జేయుచు క్షుదనున్ 

మాంసము మీనములు వండి మగనికి నిడకే 

హింసించు వంగ కోమలి 

సంసారము దుర్భరమ్ము సత్పురుషులకున్

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 1024

*******************************************************************************************************

శంకరాభరణం సమస్య - 1024

"మరునిం బూజించ మేలు మాతామహికిన్"

పరువపు వేడ్కల నందున 

మరునిం బూజించ మేలు;..మాతామహికిన్

దొరకక కామపు సూక్తుల 

బరువగు పొత్తమును దాచి పరుపుల క్రిందన్

(కంది శంకరయ్య గారి సౌజన్యంతో)

**************************************************************************************************

శంకరార్పణం - 1022

******************************************************************************************************

శంకరాభరణం సమస్య - 1022

"కరి చెర విడిపించుమని మకరి వేడె హరిన్"

తరమిక కాదుర నావల 

పెరిగెను నాదౌ బడలిక పేరిమి క్రుంగెన్ 

కరి కాలు మూసె గొంతును

కరి చెర విడిపించుమని మకరి వేడె హరిన్

(మకరి ప్రార్థన: 

"లావొక్కింతయు లేదు ధైర్యము విలోలంబయ్యెఁ బ్రాణంబులున్

ఠావుల్ దప్పెను మూర్చ వచ్చెఁ దనువున్ డస్సెన్ శ్రమంబయ్యెడిన్

నీవే తప్ప నితఃపరం బెఱుఁగ మన్నింపందగున్ దీనునిన్

రావే ఈశ్వర కావవే వరద సంరక్షింపు భద్రాత్మకా!")

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 3118

******************************************************************************************************

శంకరాభరణం సమస్య - 3118

"బారునఁ గూరుచున్న వర భక్తుఁడుగా గణియింత్రు సజ్జనుల్"

కోరి చిదంబరుండచట కోటుల రూకల వ్యాజ్యమందునన్

పోర ప్రభుత్వమున్ రహిని పొందుగ ప్లీడరు దొందుతో వెసన్ 

చేరుచు రోజు రోజునట చెన్నుగ మ్రొక్కుచు బైలు కోసమై

బారునఁ గూరుచున్న వర భక్తుఁడుగా గణియింత్రు సజ్జనుల్

బైలు = bail

బారు = courtroom

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3118

*******************************************************************************************************

శంకరాభరణం సమస్య - 3118

"బారునఁ గూరుచున్న వర భక్తుఁడుగా గణియింత్రు సజ్జనుల్"

చేరుచు వేంకటాద్రినట చెల్వము మీరగ దారతో భళా

పోరక తోటి మూకనిక పొందుగ మ్రొక్కుచు కూతుకోసమై 

కోరిక లెన్నియో తెలిపి కొండల రాయుని కోవెలందునన్ 

బారునఁ గూరుచున్న వర భక్తుఁడుగా గణియింత్రు సజ్జనుల్

బారు = వరుస

****************************************************************************************************************************

"ప్రభాకర శాస్త్రి గారూ,

ఉదయాన్నే కలియుగ వైకుంఠ ప్రస్తావనతో ప్రశస్తమైన పూరణ నందించారు. 

అభినందనలు."

...కంది శంకరయ్య

************************************************************************************************************************************************************************