శంకరార్పణం - 435

******************************************************************************************************

శంకరాభరణం వృత్త సమస్య - 435

"దూరముగాఁ జరింపకుఁడు ధూర్తున కుత్తములన్ ద్యజింపుమా"

తీరగ నీదు కోరికయె తియ్యని రాత్రుల స్వప్నమందునన్ 

చేరుచు గొప్పదౌ పదవి చెన్నుగ ప్రస్తుతి చేసి శేఖరున్

పోరగ చోరునున్ ఖలుని పోలిసు వీరుడ! వెంబడించుచున్ 

దూరముగాఁ జరింపకుఁడు ధూర్తున; కుత్తములన్ ద్యజింపుమా!

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 434

*****************************************************************************************************

శంకరాభరణం వృత్త సమస్య - 434

"హారము లేకపోయిన మహాప్రళయమ్మె సముద్భవించెడిన్"

పోరును బెట్ట వల్లభుని ప్రొద్దున రాతిరి పండుగందునన్ 

హారము నీయ సోదరికి హాయిని గొల్పెడి రోల్డుగోల్డుదౌ....

చీరలు చింపుచున్ వధువు చెప్పును పూనగ పుష్యరాగపుం 

హారములేకపోయిన మహాప్రళయమ్మె సముద్భవించెడిన్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 3326

*****************************************************************************************************

కరాభరణం సమస్య - 3326

"విషమును మ్రింగె మాధవుఁడు వేల్పులు దైత్యులు సంతసింపఁగన్"

పండిత రాహులుండువాచ: 

ధిషణిని బ్రోవనెంచి వడి తీరిచి దిద్దుచు నిర్ణయమ్మునున్ 

శషభిష లాడకుండగయె శంకరి ప్రీతిని  చెంతనుండగా 

విషమును గ్రోల శంకరుడు;...వీడుచు సంద్రపు పాలనున్ వడిన్ 

విషమునుమ్రింగె మాధవుఁడు వేల్పులు  దైత్యులు సంతసింపగన్

విషము = 1) గరళము, 2) జలము

(కంది శంకరయ్య గారి సౌజన్యంతో)

***********************************************************************************************

శంకరార్పణం - 3326

*****************************************************************************************************

శంకరాభరణం సమస్య - 3326

"విషమును మ్రింగె మాధవుఁడు వేల్పులు దైత్యులు సంతసింపఁగన్"

పండిత రాహులుండువాచ:

ఖుషినిక వీడి వేల్పులట కూడుచు దైత్యుల, చక్రధారితో,

విషయములన్ని తెల్పగను వీడుచు నందిని వెండికొండనున్

శషభిష లాడకుండగను చక్కగ నవ్వుచు శంకరుండహో

విషమునుమ్రింగె;... మాధవుఁడు, వేల్పులు, దైత్యులు సంతసింపగన్

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 433

*******************************************************************************************************

శంకరాభరణం వృత్త సమస్య - 433

"సరములు సర్వజీవుల కసహ్యము లయ్యెను దుర్నిరీక్ష్యతన్"

తరలుచు హైద్రబాదునను తల్లిని దారను చెల్లినిన్ గొనిన్ 

స్థిరముగ పండుగందునను తీర్చగ కోరిక లెల్లవారలౌ 

వరమగు చార్మినారమున వందల షాపుల ఫేకు ముత్యపుం 

సరములు సర్వజీవుల కసహ్యము లయ్యెను దుర్నిరీక్ష్యతన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 432

*****************************************************************************************************

శంకరాభరణం వృత్త సమస్య - 432

"తల్లిం జంపి ప్రసిద్ధుఁ డయ్యె జగతిన్ ధర్మాత్ముఁ డెంతేనియున్"

రాహులీయము: 

ఒల్లన్ భామను చంప బోవుటనుచున్ హుందాగ మాట్లాడుచున్ 

చల్లంగా యతి సూత్రముల్ తెలుపగన్ శాస్త్రీయమౌ రీతినిన్ 

విల్లున్ బూనుచు నెక్కుపెట్టి శరమున్ వీరుండు; మారీచునిన్ 

తల్లిం జంపి ప్రసిద్ధుఁ డయ్యె జగతిన్ ధర్మాత్ముఁ డెంతేనియున్

(కంది శంకరయ్య గారి సౌజన్యంతో)

***********************************************************************************************

శంకరార్పణం - 431

************************************************************************************************

శంకరాభరణం వృత్త సమస్య - 431

"చీరను విప్పి మానవతి చిందులు వేసెను చూడ నెల్లరున్"

కోరిక తీరగా విడిగ క్రొత్తది పెట్టుచు కాపురమ్మహో 

కూరను వేచుచున్ తనరి కుంపటి మీదను; కాళ్ళ మధ్యనున్ 

దూరగ మూషికమ్మెగిరి తొందర జేయుచు లంగపైనదౌ 

చీరను విప్పి మానవతి చిందులు వేసెను చూడ నెల్లరున్

(కంది శంకరయ్య గారి సౌజన్యంతో)

******************************************************************************************************

శంకరార్పణం - 430

******************************************************************************************************




శంకరాభరణం వృత్త సమస్య - 430

"భండనమందు భార్గవుఁడు పాఱెను భీత మనస్కుఁడై వడిన్"

రాహులీయము: 

మండుచు శైవధన్వునట మంచిగ త్రుంచిన క్షత్రియుండిపై 

దండిగ కోపమున్ గొనుచు దారుణ రీతిని యుద్ధమందునన్

కొండొక తీరు రాఘవుని కొట్టను జాలక గండ్రగొడ్డలిన్ 

భండనమందు భార్గవుఁడు పాఱెను భీత మనస్కుఁడై వడిన్

(కంది శంకరయ్య గారి సౌజన్యంతో)

*****************************************************************************************************************************************

శంకరార్పణం - 427

********************************************************************************************************

శంకరాభరణం వృత్త సమస్య - 427

"భారతదేశమందు జనభార మగున్ గణతంత్ర మన్నచో"

కారును త్రోలుచున్ వడిగ కమ్మగ నేతయె దుమ్ములేపగా

ధీరుడు సైకిలెక్కుచును తిన్నగ త్రోలగ కృష్ణలోనికిన్

పోరును బెట్ట దీది ప్రతి ప్రొద్దున రాత్రి ప్రధాన మంత్రితో

భారతదేశమందు జనభారమగున్ గణతంత్ర మన్నచో

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 426

*************************************************************************************************

శంకరాభరణం వృత్త సమస్య - 426

"మారీచుండు ధరాతలమ్మునను సంరక్షించె జీవాళినిన్"

పోరాటమ్మును సల్పి దేవతలతో మోదమ్మునున్ పొందుచున్ 

ఆరాటమ్మును గొల్పుచున్ యతులకున్ యాగాలకున్ భూమికిన్

భారమ్మయ్యెడి రావణాసురుని వే పంపించి నాకమ్ముకున్ 

మారీచుండు ధరాతలమ్మునను సంరక్షించె జీవాళినిన్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 425

****************************************************************************************************

శంకరాభరణం వృత్త సమస్య - 425

"రమణిరొ! పుత్రివో? మనుమరాలవొ? చెల్లివొ? ధర్మపత్నివో?"

సమముగ శూలమూనుచును స్వైరవిహారము జేసి చెండుచున్

 

కమలపు దుష్టులెల్లరిని కాంగ్రెసు వీరుల కమ్యునిష్టులన్ 

మమతమ! నిన్ను గాంచగను మండును గుండెలు; వంగభూమికిన్ 

రమణిరొ! పుత్రివో? మనుమరాలవొ? చెల్లివొ? ధర్మపత్నివో?

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 424

*******************************************************************************************************

శంకరాభరణం వృత్త సమస్య - 424

"ఇంతుల నెల్ల నంత మొనరించెడువాఁడె ఘనుండు వీరుఁడున్"

కొంతయు సిగ్గునున్ గనక కోతుల చేష్టల బాధబెట్టుచున్ 

వంతలు పెట్టి గోపికల వస్త్రము లెల్లయు దోచి దాచుచున్

సుంతయు జాలిజూపకయె సుందర రూపుడు వేణువూదుచు 

న్నింతుల నెల్ల నంత మొనరించెడువాఁడె ఘనుండు వీరుఁడున్

(కంది శంకరయ్య గారి సౌజన్యంతో)

**************************************************************************************************

శంకరార్పణం - 424

****************************************************************************************************




శంకరాభరణం వృత్త సమస్య - 424

"ఇంతుల నెల్ల నంత మొనరించెడువాఁడె ఘనుండు వీరుఁడున్"

సుంతయు నొల్లకే తొలిని సూత్రము చెప్పుచు సుందరాంగుల

న్నంతము జేయ పాపమని హంగమ జేయుచు నంతిమమ్మునన్

సంతస మొందుచున్ యతియె సంశయ మూడ్చగ, తాటకాదులౌ 

నింతుల నెల్ల నంత మొనరించెడువాఁడె ఘనుండు వీరుఁడున్

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 3325

***************************************************************************************************

శంకరాభరణం వృత్త సమస్య - 3325

"పతి సంపర్కము లేక పుత్రుని గనెన్ వామాక్షి సచ్ఛీలయై"

సతినిన్ వీడుచు శాస్త్రి వర్యుడయయో జల్గాము పట్నమ్మునన్ 

వెతలన్ సైచుచు ఖర్గపూరు వనినిన్ వేవేల దండాలతో 

ప్రతి రోజెంచగ గంటలన్ నిమిషముల్; భద్రమ్ము లాభమ్ముగా 

పతి సంపర్కము లేక పుత్రుని గనెన్ వామాక్షి సచ్ఛీలయై....

..

సంపర్కము = కలయిక

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 3325

******************************************************************************************************************

శంకరాభరణం వృత్త సమస్య - 3325

"పతి సంపర్కము లేక పుత్రుని గనెన్ వామాక్షి సచ్ఛీలయై"

సుతునున్ గోరుచు పండితుండు సరియౌ సూత్రమ్ము పాటించుచున్ 

నుతమౌ కాన్పుల శాలయందు నిడగా నోరారుచున్ పత్నినిన్ 

జతగా సర్జను మత్తువైద్యుడచటన్ శస్త్రమ్ములన్ పన్నగా 

పతి సంపర్కము లేక పుత్రుని గనెన్ వామాక్షి సచ్ఛీలయై....

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 423

****************************************************************************************************

శంకరాభరణం వృత్త సమస్య - 423

"పురుషుండే ప్రసవించి యా శిశువు నంభోజాక్షి కిచ్చెం గదా"

పురుషుం డాదట వైద్యమున్ అరయుచున్ మోదమ్మునన్ మారగా

వరమౌ కాన్పుల సర్జనుండు తెరగున్ బంజార హిల్సందునన్

సరియౌ సాధనముల్ వహించి దిటవౌ శాస్త్రీయమౌ తీరునన్ 

పురుషుండే ప్రసవించి యా శిశువు నంభోజాక్షి కిచ్చెం గదా

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 422

************************************************************************************************

శంకరాభరణం వృత్త సమస్య - 422

"రాముఁడె నా హితుండనుచు రావణుఁ డంగదుతోడఁ జెప్పఁడే"

ప్రభాకర రామాయణం:

ఏమరుపాటు నందునను హీనపు బుద్ధిని కారణమ్ముగా

తామస రీతినిన్ కొలది తప్పులు జేయుచు కోలుపోవగా

గోముగ ద్వారపాలకపు గొప్పగు పట్టము సంఘటించెడిన్

రాముఁడె నా హితుండనుచు రావణుఁ డంగదుతోడఁ జెప్పఁడే

(కంది శంకరయ్య గారి సౌజన్యంతో)i

*************************************************************************************************************************************************

శంకరార్పణం - 421

***************************************************************************************************



 

శంకరాభరణం వృత్త సమస్య - 421

"శునకమ్ముల్ గుసుమంబు లాయె ననఁగాఁ జోద్యమ్ముగా నెంతురా?"

కనగన్ మాధురి దీక్షితున్ ముదముతో కన్యా విలోలుండహో 

పనుపన్ మారుడు పుష్పబాణములనున్ బాధింపగా హృత్తునున్ 

తనువున్ మానసమంతయున్ తడియగా తాదాత్మ్య భావంబుతో

శునకమ్ముల్ గుసుమంబు లాయె ననఁగాఁ జోద్యమ్ముగా నెంతురా?

(కంది శంకరయ్య గారి సౌజన్యంతో)

************************************************************************************************

శంకరార్పణం - 420

************************************************************************************************

శంకరాభరణం వృత్త సమస్య - 420

"కన గంధర్వపురమ్ము కాపురము శంకల్ నీకు నింకేలరా"

తినగన్ కూర్చొన ప్రీతిభావనలతో తీండ్రించు క్షుద్బాధతో

కనుచున్ మానస నేత్రమందు ముదమున్ గారాబుటాజ్యమ్మహో

వినకే యత్తయ పూరి పోళిలనున్ వేయించ డాల్డానయో...

కన గంధర్వపురమ్ము కాపురము శంకల్ నీకు నింకేలరా?

(కంది శంకరయ్య గారి సౌజన్యంతో)

***********************************************************************************************

శంకరార్పణం - 419

**************************************************************************************************

శంకరాభరణం వృత్త సమస్య - 419

"పార్వతి మెచ్చి ముద్దుగొనె పంకజనాభునిఁ బ్రేమ మీరఁగన్"

దుష్కర ప్రాస: 

ఉర్విని నాకు సాటియిక నుండెడి వారలు లేరటంచు భల్ 

గర్వము మీర చేయినిడ గాభర లేకయె పుట్టనందునన్

కర్వగ నాగుపాము మది కల్వర మొందగ రాహులిట్లనెన్: 

"పార్వతి మెచ్చి ముద్దుగొనె పంకజనాభునిఁ బ్రేమ మీరఁగన్"

(కంది శంకరయ్య గారి సౌజన్యంతో)

****************************************************************************************************

శంకరార్పణం - 417

***************************************************************************************************

శంకరాభరణం వృత్త సమస్య - 417

"తరుణము మించఁ గార్యములు దద్దయు మేలొనరించు నిద్ధరన్"

తరచుగ కాఫినందునను తక్కువ వేయగ పంచదారనున్ 

పరుషపు మాటలాడుచును బంధుల దాసుల చేరువందునన్ 

నిరసన జేసి దారలను నిద్దుర ముందర వేడు వల్లభుల్!

తరుణము మించఁ గార్యములు దద్దయు మేలొనరించు నిద్ధరన్!

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 415

********************************************************************************************************

శంకరాభరణం వృత్త సమస్య - 415

"జలమున నగ్ని పుట్టెనని సంతస మందెను మీనజాలముల్"

తలపులు మైథునమ్మునను తన్నుకు వచ్చెడి కాలమబ్బగా

చెలియను కోరు లోలురకు చేడియ కానగ రానివేళనున్

వలపుల రాణి యొక్కతియె వాసిగ చేరగ మత్స్యధామమున్ 

జలమున నగ్ని పుట్టెనని సంతస మందెను మీనజాలముల్

(కంది శంకరయ్య గారి సౌజన్యంతో)

*********************************************************************************************************************************************