శంకరార్పణం - 883

********************************************************************************************************

శంకరాభరణం సమస్య - 883

"దిన ఫలముల వలన మనకుఁ దృప్తి కలుఁగునే?"

వినుమా! బ్రాహ్మణ పుత్రా! 

దినదినమున తగ్గు తిండి దీనపు దుడ్డున్ 

కనులను నీటినినిడు త 

ద్దిన ఫలముల వలన మనకుఁ దృప్తి కలుఁగునే?

ఫలము = లాభము

(కంది శంకరయ్య గారి సౌజన్యంతో)

************************************************************************************************

శంకరార్పణం - 882

*******************************************************************************************************

శంకరాభరణం సమస్య - 882

"శివ శివ యంచు విష్ణు పద సీమను జేరెను భక్తు డొప్పుగా"

చవిగొని భారతావనిది చక్కని ఫ్లైటున కైలసమ్ముకున్

భువినిక వీడుచున్ జనగ బుద్ధిగ పైలటు నిద్రపోవగా

చివరకు దారి తప్పుచును చిందులు వేయగ యాత్రికుల్ భళా!

శివ శివ యంచు విష్ణు పద సీమను జేరెను భక్తు డొప్పుగా

భారతావని ఫ్ల్లైటు = Air India Flight

(కంది శంకరయ్య గారి సౌజన్యంతో)

***************************************************************************************************

శంకరార్పణం - 880

***************************************************************************************************

శంకరాభరణం సమస్య - 880

"మచ్చా! అది కాదు కాదు మణిభూషణమే"

మెచ్చుచు పాపడి మోమున 

వెచ్చని స్నానమ్ము పిదప పేర్చగ ముద్దుల్ 

ముచ్చట తోడుత తిలకము... 

మచ్చా! అది కాదు కాదు మణిభూషణమే!

(కంది శంకరయ్య గారి సౌజన్యంతో)

*******************************************************************************************************************************************

శంకరార్పణం - 3092

***************************************************************************************************

శంకరాభరణం సమస్య - 392

"తొందరపడి కైత పిట్ట తుఱ్ఱున నెగిరెన్"

పందెమ్మున మోడి గెలువ 

సందడి చప్పుడును లేక సంగ్రామమునన్ 

ముందును వెనుకను చూడక 

తొందరపడి కైతపిట్ట తుఱ్ఱున నెగిరెన్  :)

(కంది శంకరయ్య గారి సౌజన్యంతో)

*******************************************************************************************************

శంకరార్పణం - 3092

************************************************************************************************

శంకరాభరణం సమస్య - 392

"తొందరపడి కైత పిట్ట తుఱ్ఱున నెగిరెన్"

వందనలిడి శంకరునకు

పందెమ్మున వ్రాయగలను పద్యము లంచున్ 

కందమ్ముల నీరీతిని

తొందరపడి కైత పిట్ట తుఱ్ఱున నెగిరెన్

(కంది శంకరయ్య గారి సౌజన్యంతో)

***********************************************************************************************

శంకరార్పణం - 877

*******************************************************************************************************

శంకరాభరణం సమస్య - 877

"ధనువే సాధ్వి కరంబునందలరె నత్యంతోగ్ర సర్పాకృతిన్"

కనులన్ కాటుక తీర్చకుండగను తా కంఠమ్మునన్ హారమున్ 

చనుచున్ వంగ మసీదు లందునను తా సైయంచు పర్దాలతో 

మునుపే రాణియు నూనజాల నదియౌ ముల్లాల రక్షార్థమౌ 

ధనువే సాధ్వి కరంబునందలరె నత్యంతోగ్ర సర్పాకృతిన్

(కంది శంకరయ్య గారి సౌజన్యంతో)

***********************************************************************************************

శంకరార్పణం - 875

*********************************************************************************************************

శంకరాభరణం సమస్య - 875

"మమ్మీ సంస్కృతి యోగసాధకులకున్ మార్గమ్ము జూపున్ గదా!"

రమ్మున్ త్రాగక చీట్ల పేకలుగొనిన్ రమ్మీని క్రీడించకే

దమ్మున్ బట్టుచు వీడుచున్ క్రమముగా ధైర్యమ్ము గోల్పోవకే

సమ్మానించుచు బాబరాముని భళిన్ జంబంపు న్యూయార్కునన్ 

మమ్మీ! సంస్కృతి యోగసాధకులకున్ మార్గమ్ము జూపున్ గదా!

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 874

******************************************************************************************************

శంకరాభరణం సమస్య - 874

"కారాగారమ్ము లొసఁగుఁ గైవల్యమ్మున్"

హారే! మాధురి దీక్షిత్!

దేరే! ఫోటోను నీది దివ్యపు రూపున్  

గారాబున నీ స్మితముల 

కారాగారమ్ము లొసఁగుఁ గైవల్యమ్మున్!

(కంది శంకరయ్య గారి సౌజన్యంతో)

***********************************************************************************************

శంకరార్పణం - 3091

*******************************************************************************************************

శంకరాభరణం సమస్య - 3091

"పడమట నుద్భవించి రవి ప్రాగ్దిశఁ జేరఁగ సాగె ముందుకున్"

High School Exhibition:

పడమట నుండి తూర్పునకు వాసిగ దొర్లగ భూమి గోళమే

పడమట నస్తమించి రవి భళ్ళున లేచును తూర్పు దిక్కునన్;...

రెడి! యని చెప్పి బాలుడట త్రిప్పగ గ్లోబును వక్ర రీతినిన్

పడమట నుద్భవించి రవి ప్రాగ్దిశఁ జేరఁగ సాగె ముందుకున్

(కంది శంకరయ్య గారి సౌజన్యంతో)

**********************************************************************************************

శంకరార్పణం - 3091

********************************************************************************************************

శంకరాభరణం సమస్య - 3091

"పడమట నుద్భవించి రవి ప్రాగ్దిశఁ జేరఁగ సాగె ముందుకున్"

దడదడ బుట్టి లేటుగను దబ్బున లేవగ క్షౌరకర్మకున్

విడిచిన నద్దమంతటను విందుగ కూర్పుచు తూర్పు దిక్కుకున్

తడబడి గీకి గడ్డమును తన్మయ మొందుచు చూచుచుండగా 

పడమట నుద్భవించి రవి ప్రాగ్దిశఁ జేరఁగ సాగె ముందుకున్

(కంది శంకరయ్య గారి సౌజన్యంతో)

*************************************************************************************************

శంకరార్పణం - 873

*****************************************************************************************************

శంకరాభరణం సమస్య - 873

"తనయునకును దండ్రి కొకతె దారగ నయ్యెన్"

ఘనుడగు ముస్లిము వరుడా!

కనుమా! మా కులమునందు కష్టమ్మిదియే!

పిన ముత్తాతకు, తాతకు, 

తనయునకును, దండ్రి, "కొకతె" దారగ నయ్యెన్ 😢

(కంది శంకరయ్య గారి సౌజన్యంతో)

**********************************************************************************************

శంకరార్పణం - 872

*****************************************************************************************************

శంకరాభరణం సమస్య - 872

"సిగరెట్టులఁ గాల్చఁదగును సేమము కొఱకున్"

మగువల ధాటిని తాళక 

జగమెరిగిన సాంబశివుడు జపతపములతో 

తగవులు జగడములు వదలి 

సిగరెట్టులఁ గాల్చఁదగును సేమము కొఱకున్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 871

*****************************************************************************************************

శంకరాభరణం సమస్య - 871

"కరములు దిద్దంగలేని కరము కరమ్మే?"

అధికృత గణకులకు: (for chartered accountants):

విరివిగ నల్ల ధనమ్ము 

న్నరచేతులు త్రిప్పి దాచు నాసాములకై 

తిరకాసుగ నాదాయపు 

కరములు దిద్దంగలేని కరము కరమ్మే?

కరము = పన్ను (కప్పము)

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3090

************************************************************************************************************

శంకరాభరణం సమస్య - 3090

"శవమా సంతస మొప్ప రమ్ము వడిగన్ శశ్వద్యశశ్శాలివై"

"Marriage is the funeral of bachelorhood"

అవురా! ఎంతటి తప్పు చేసితినిరా! అత్తయ్యనున్ దెచ్చుచున్

పవలున్ రాతిరి కోరునే వసతినిన్ బంజార హిల్సందునన్...

నవరత్నమ్ముల మించెడిన్ సఖులతో నా బ్రహ్మచర్యమ్మునౌ 

శవమా సంతస మొప్ప రమ్ము వడిగన్ శశ్వద్యశశ్శాలివై!

(కంది శంకరయ్య గారి సౌజన్యంతో)

****************************************************************************************************

శంకరార్పణం - 3090

*************************************************************************************************

శంకరాభరణం సమస్య - 3090

"శవమా సంతస మొప్ప రమ్ము వడిగన్ శశ్వద్యశశ్శాలివై"

ప్రాతః కాలపు సరదా పూరణ: 

లవలేశమ్మును శాంతిలేదు కదరా లాభమ్ము రవ్వంతయున్

భవబంధమ్ములు త్రెంచలేనిది గదా ప్రారబ్ధ కర్మంబునున్

కవిగా మారుచు తాపమొందితినహో కంగారు పుట్టంగ శై 

శవమా సంతస మొప్ప రమ్ము వడిగన్ శశ్వద్యశశ్శాలివై!

(కంది శంకరయ్య గారి సౌజన్యంతో)

***************************************************************************************************

శంకరార్పణం - 867

****************************************************************************************************

శంకరాభరణం సమస్య - 867

"కలలే వాస్తవము లగుచుఁ గడు సుఖము లిడున్"

అలసటతో రాహులుడిల

గలగల మ్రోగించి డప్పు గాభర నొందన్

గెలువగ మోడియె, ప్రజలవి 

కలలే వాస్తవము లగుచుఁ గడు సుఖము లిడున్

(కంది శంకరయ్య గారి సౌజన్యంతో)

**********************************************************************************************

శంకరార్పణం - 866

*****************************************************************************************************

శంకరాభరణం సమస్య - 866

"సీతాపతి యనఁగఁ జంద్రశేఖరుఁడు గదా!"

చేతలతో మాటలతో 

కోతుల మాలిమిని పొంది గొప్పగు రీతిన్

మా తెలగాణను బ్రోచెడి 

సీతాపతి యనఁగఁ జంద్రశేఖరుఁడు గదా!

(కంది శంకరయ్య గారి సౌజన్యంతో)

***********************************************************************************************

శంకరార్పణం - 865

******************************************************************************************************

శంకరాభరణం సమస్య - 865

"నక్కలపాలు సేయఁదగునా యిటు లక్కట యీనఁగాచియున్!"

ఆజం ఖానూ: 

మక్కువ మీర నాయికయె మంచిగ నేలగ పార్లమెంటునున్ 

తిక్కగు మాటలాడుచును తియ్యగ నాపెకు కన్నుగొట్టిభో! 

గ్రక్కున నావుపాలనట గాడిద కుక్కల కొండముచ్చులన్

నక్కలపాలు సేయఁదగునా యిటు లక్కట యీనఁగాచియున్!

(కంది శంకరయ్య గారి సౌజన్యంతో)

***************************************************************************************************

శంకరార్పణం - 864

******************************************************************************************************

శంకరాభరణం సమస్య - 864

"శిలయే మృదుపుష్ప మట్లు చెలువొందె బళా!"

పిలచిన పలుకక పారెడు 

చెలియా! లాటరిని గెల్వ చెన్నుగ నాదౌ 

కలిమికి నీదౌ హృదయపు 

శిలయే మృదుపుష్ప మట్లు చెలువొందె బళా!

(కంది శంకరయ్య గారి సౌజన్యంతో)

**********************************************************************************************

శంకరార్పణం - 862

*****************************************************************************************************

శంకరాభరణం సమస్య - 862

"చిత్రమ్మే మాటలాడె చిత్రము తోడన్"

పత్రమ్ముల దినములలో 

మిత్రుల కన్నుల కలయిక మితమై యుండన్ 

చిత్రము! వ్హాట్సపు విడియో 

చిత్రమ్మే మాటలాడె చిత్రము తోడన్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 861

*******************************************************************************************************

శంకరాభరణం సమస్య - 861

"హరుఁ డుంగర మిచ్చి పంపె హనుమంతు నొగిన్"

"అరె! యా శకుంతల వలెను 

గురుతును పోగొట్టుకొనకు గుహ్యం!" బనుచున్ 

నరవరుడా రాక్షస సం 

హరుఁ డుంగర మిచ్చి పంపె హనుమంతు నొగిన్

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 3089

*****************************************************************************************************

శంకరాభరణం సమస్య - 3089

"దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్"

నవ్వుచు దోమ కుట్టగను నందము నొందుచు వంటయింటిలో 

కవ్వము చేత బూనుచును కమ్మగ గోకగ వీపునంతటన్

సవ్వడి లేక నా కనులు చల్లగ మూయగ నాదు రాణియే 

దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్

(కంది శంకరయ్య గారి సౌజన్యంతో)

***********************************************************************************************************************************************