శంకరార్పణం - 3208

****************************************************************************************************

శంకరాభరణం సమస్య - 3208

"శోధనఁ జేయుచున్ రుచులఁ జూడఁగ జాడ యొకండె మిత్రమా"

"Bombay Talkies" 

క్రోధము మీరగా చెలగి గొంతులు కోసెడి శైవసైనికున్

మేధను తొల్చు భాజపను మేలిమి సోనియ "పావరా"లతో

బాధను నాది చూచుచును భారత దేశపు రాజనీతినిన్ 

శోధనఁ జేయుచున్ రుచులఁ జూడఁగ జాడ యొకండె మిత్రమా

(కంది శంకరయ్య గారి సౌజన్యంతో)

************************************************************************************************

శంకరార్పణం - 3208

**************************************************************************************************

శంకరాభరణం సమస్య - 3208

"శోధనఁ జేయుచున్ రుచులఁ జూడఁగ జాడ యొకండె మిత్రమా"

కలియుగ కృష్ణ పరమాత్మ ఉవాచ: 

రాధను రుక్మిణిన్ మిగుల రాజస మొప్పెడు సత్యభామనున్ 

మేధను తల్చుచున్ వెరసి మెండుగ వారలు నెత్తికిచ్చెడిన్

బాధల సైచజాలకయె బావురు మంచును రోజురోజునున్ 

శోధనఁ జేయుచున్ రుచులఁ జూడఁగ జాడ యొకండె మిత్రమా

(కంది శంకరయ్య గారి సౌజన్యంతో)

*********************************************************************************************************************************************************

ఆకాశవాణి సమస్య

*******************************************************************************************************

శంకరాభరణం సమస్య - 3207

"వడ్డనఁ జేయువాఁడు పగవాడె తినందగు నిర్భయమ్ముగన్"

ఇడ్డెను చట్ని లేదిచట యెక్కడ దోసెలు నుత్తపమ్ములున్?

గ్రుడ్డులు మాంసముండునిట కుండల నిండుగ రాజభోగులున్

చెడ్డది వంగదేశముర చేపలు పీతలు తిందురేయిటన్

వడ్డనఁ జేయువాఁడు పగవాఁడె! తినం దగు నిర్భయమ్ముగన్

పడ్డవి బాధలన్ మరచి పస్తును మానుచు హాస్టలందునన్

(కంది శంకరయ్య గారి సౌజన్యంతో)

*****************************************************************************************************

ఆకాశవాణి సమస్య

**********************************************************************************************************

శంకరాభరణం సమస్య - 3207

"వడ్డనఁ జేయువాఁడు పగవాడె తినందగు నిర్భయమ్ముగన్"

"వివాహ భోజనమ్ము..."

లడ్డు జిలేబులున్ బరిఫి లస్సియు రబ్రియు రాజభోగులున్

తెడ్డుల తోడ పాయసము తియ్యని హల్వయు కజ్జికాయలన్,

చెడ్డది పంచదార కడు చేరగ నాదగు రక్తమందు, భల్

వడ్డన జేయువాడు పగవాడె!...తినందగు నిర్భయమ్ముగన్

నడ్డిని సూదినిచ్చుకొని నందము నొందుచు పెండ్లిపందిరిన్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 1929

**************************************************************************************************

శంకరాభరణం సమస్య - 1929

"అదిగో ద్వారక యనఁ గననయ్యెను ఢిల్లీ"

ముదమున ముచ్చట లాడుచు

పదుగురు గుజరాతు స్త్రీలు పండుగ పూటన్

మదిలో మోడిని తలచుచు 

నదిగో ద్వారక యనఁ గననయ్యెను ఢిల్లీ

(కంది శంకరయ్య గారి సౌజన్యంతో)

**************************************************************************************************

శంకరార్పణం - 1927

*****************************************************************************************************

శంకరాభరణం సమస్య - 1927

"పురుషుని నిందించు సతినిఁ బూజింతు రిలన్"

సరసపు మాటల నాడక 

విరసంబగు చేష్ట లొల్లి విడ్డూరముగా

 

కరచుచు తిట్టుచు కొట్టెడి 

పురుషుని నిందించు సతినిఁ బూజింతు రిలన్

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 1925

***********************************************************************************************************

శంకరాభరణం సమస్య - 1925

"వందే మాతర మన్నమాట చెవి కింపై తోఁచ దెవ్వారికిన్"

RSS భక్తుడువాచ: 

విందుల్ జేయుచు గోవు మాంసమున భల్ వెంటాడి పందుల్ నహో

బందోబస్తులు జేసి బుర్కలనయో బంగారు బూబమ్మలన్ 

హిందూత్వమ్మన కంపమొందెడిని  యా హేయంపు మస్జీదులన్ 

వందే మాతర మన్నమాట చెవి కింపై తోఁచ దెవ్వారికిన్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 1923

*******************************************************************************************************

శంకరాభరణం సమస్య - 1923

"నన్నయ తిక్కనాది కవినాథులు సెప్పినదే కవిత్వమా?"

పన్నుగ శంకరాభరణ ప్రాంగణ మందున గోల జేయుచున్

కన్నును గొట్టు కాలమున కంపము లేకయె కైపదమ్ములన్

చెన్నుగ పూర్తి జేసెదనె చీకటి రాత్రిని గూబవోలుచున్...

నన్నయ తిక్కనాది కవినాథులు సెప్పినదే కవిత్వమా?

😊

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 1154

*****************************************************************************************************

శంకరాభరణం పద్య రచన - 1154

“సతి పుట్టింటికి నేగిన....”

ఇది పద్యప్రారంభం. 

దీనిని కొనసాగిస్తూ పద్యాన్ని వ్రాయండి.

సతి పుట్టింటికి నేగిన

మతి పోవును పతికి త్వరగ మమతయె పోవన్ 

సతి రాగనె తిరిగి తిరిగి 

మతి పోవును పతికి త్వరగ మండగ పోపే

(కంది శంకరయ్య గారి సౌజన్యంతో)

************************************************************************************************************************************************

శంకరార్పణం - 1153

******************************************************************************************************

శంకరాభరణం పద్య రచన - 1153

“పతి పరదేశం బేగిన....”

ఇది పద్యప్రారంభం. 

దీనిని కొనసాగిస్తూ పద్యాన్ని వ్రాయండి.

పతి పరదేశం బేగిన,

మతిబోవును సతికి త్వరగ మమతయె పోగన్ 

పతిరాగను తిరిగి తిరిగి, 

మతిబోవును సతికి త్వరగ మగటిమి మీరన్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 1919

****************************************************************************************************

శంకరాభరణం సమస్య - 1919

"రావణు కథ లేక వ్రాసె రామాయణమున్"

గోవుల చంపెడు తురకడు 

కావలెనని పట్టుబట్టి కర్నూలందున్ 

బావురుమన భక్తవరులు 

రావణు కథ లేక వ్రాసె రామాయణమున్

(కంది శంకరయ్య గారి సౌజన్యంతో)

***********************************************************************************************************************************************

శంకరార్పణం - 1918

*******************************************************************************************************

శంకరాభరణం సమస్య - 1918

"అపరాధము కాదు తల్లి నాశ్రమ మంపన్"

శపథమునన్ వచ్చెదనను 

తపమున నరుణాచలమున తాదాత్మ్యమునన్ 

రెపరెప లాడగ హృత్తున 

నపరాధము కాదు తల్లి నాశ్రమ మంపన్

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 1151

***************************************************************************************************

శంకరాభరణం పద్య రచన - 1151

“సిరిగలవానికిఁ జెల్లును

దరుణులఁ బదియారువేలఁ దగఁ బెండ్లాడన్,

దిరిపెమున కిద్దరాండ్రా?

పరమేశా గంగ విడుము పార్వతి చాలున్.

ఈ శ్రీనాథుని చాటువును అన్యచ్ఛందంలో చెప్పండి.

అరెవో శంకర! శ్రీకరుండు కొనగన్ హ్లాదంపు వే భార్యలన్

పరవా లేదుర! వాని బొక్కసమునన్ బంగారమే పండురా!

సరియౌ తిండియు లేని భిక్షువుర! నీ సంసారమందేలరా?

వరమౌ నిర్వురు భార్యలే! విడువుమా బంగారు గంగమ్మనున్

కరముల్ మోడ్చెద! పార్వతమ్మ నికపై గారాబుగా హత్తుమా!

😊

(కంది శంకరయ్య గారి సౌజన్యంతో)

*********************************************************************************************************************************************

శంకరార్పణం - 3206

*****************************************************************************************************

శంకరాభరణం సమస్య - 3206

"నీహారాద్రిని నిప్పుకొండ యని వర్ణింపంగ నొప్పున్ గృతిన్" 

ఒక భారతీయ జవానుకు ప్రోత్సాహము: 

సాహో! యంచును వెంబడించు! వడిగా శ్లాఘంపు సైచిన్నునన్

బాహాటమ్ముగ పాకు సైనికులనున్ బ్రహ్మాండమౌ బాంబ్లతో 

నాహా! జ్వాలలు క్రమ్మి మండగనహో! హ్లాదమ్మునన్ గాంచగా

నీహారాద్రిని నిప్పుకొండ యని వర్ణింపంగ నొప్పున్ గృతిన్

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3206

*******************************************************************************************************

శంకరాభరణం సమస్య - 3206

"నీహారాద్రిని నిప్పుకొండ యని వర్ణింపంగ నొప్పున్ గృతిన్" 

ఒక కాశ్మీరు పండిట్ కన్నెకు ప్రోత్సాహము: 

సాహో! యంచును వెంబడించు! భళిగా సంక్రాంతి పర్వమ్మునన్

రాహుల్ గాంధిని పెండ్లియాడుచును పల్ రాగమ్ము లాభమ్ముతో 

నాహా! నీ యొడినిన్ గనంగ సుఖమున్ హ్లాదంపు కాశ్మీరునన్ 

నీహారాద్రిని నిప్పుకొండ యని వర్ణింపంగ నొప్పున్ గృతిన్!

(కంది శంకరయ్య గారి సౌజన్యంతో)

*****************************************************************************************************

శంకరార్పణం - 1917

************************************************************************************************************

శంకరాభరణం సమస్య - 1917

"భార్యకు భాష రాదనుచుఁ బల్కెను బ్రహ్మ సభాముఖమ్ముగన్"

వీర్యము క్రుంగగా కనుచు వింతగు క్రొత్తవి ల్యాపుటాపులన్

ధైర్యము కోలుపోవుచును తబ్బిబు లాడుచు నెత్తిమొత్తి యి 

క్కార్యపు సాఫ్టువేరుదగు కమ్మని దైనది యొక్కటైన...నా 

భార్యకు...భాష రాదనుచుఁ బల్కెను బ్రహ్మ సభాముఖమ్ముగన్

(కంది శంకరయ్య గారి సౌజన్యంతో)

***************************************************************************************************************************************************

శంకరార్పణం - 1146

***************************************************************************************************

శంకరాభరణం పద్య రచన - 1146

“కలఁ డందురు...”

ఇది పద్యప్రారంభం. 

దీనిని కొనసాగిస్తూ దైవపరంగా కాకుండా పద్యాన్ని పూర్తి చేయండి.

కలఁ డందురు బ్యాంకాకున 

కలడందురు లండనందు కలవడు ఫోనున్ 

కలవర మొందుచు మదినిన్ 

విలపించగ సోనియమ్మ విలవిల దిల్లిన్

(కంది శంకరయ్య గారి సౌజన్యంతో)

**********************************************************************************************************************************************

శంకరార్పణం - 1145

*********************************************************************************************************

శంకరాభరణం పద్య రచన - 1145

“చేసిన వన్ని తప్పులని చింతిల నేమి ప్రయోజనంబు...”

ఇది పద్యప్రారంభం. 

దీనిని కొనసాగిస్తూ మీకు తోచిన అంశంపై పద్యాన్ని పూర్తి చేయండి.

చేసిన వన్ని తప్పులని చింతిల నేమి ప్రయోజనంబురా!

కూసిన కూతలన్ తిరిగి కుందుచు గైకొని కాళ్ళుబట్టురా!

దాసును మోడికంచు వడి దండిగ మ్రొక్కుచు నోరుమూయురా!

మాసిన గుడ్డలన్ తొడిగి మమ్మిని చేకొని పారు రాహులా!

(కంది శంకరయ్య గారి సౌజన్యంతో)

************************************************************************************************************************************************