Wednesday, October 31, 2018

శంకరార్పణం - 2196

******************************************************************************************************




శంకరాభరణం సమస్య - 2196

"మారుతి చక్రమున్ విడిచి మన్మథుఁ జంపెను గ్రూరకర్ముఁడై"







మారుతి కారునన్ "శివుడు" "మన్మథు" గైకొని షైరుజేయగా

దారిని మన్మథుండపుడు త్రాగుచు త్రుళ్ళుచు గోలజేయగా

మారుతి బూటునన్ శివుడు మార్పిడి చక్రము చేత బూనుచున్

మారుతి చక్రమున్ విడిచి మన్మథుఁ జంపెను గ్రూరకర్ముఁడై :)







(కంది శంకరయ్య గారి సౌజన్యంతో)


*********************************************************************************************************************************************************

శంకరార్పణం - 2195

***************************************************************************************************





శంకరాభరణం సమస్య - 2195

"సిగ్గెగ్గుల్ దమలోన లేని మనుజున్ శ్రీ చేరు నెల్లప్పుడున్"







నెగ్గంజాలక చద్వుసంధ్యలిలలో నేతృత్వ మొప్పారగా

పగ్గాల్లేనివి యాశలెప్డు మనమున్ పట్టించి పీకించగా

జగ్గన్మోహన రూపుడై వెలుగుచున్ జంజాటమే లేనిచో

సిగ్గెగ్గుల్ దమలోన లేని మనుజున్ శ్రీ చేరు నెల్లప్పుడున్







(కంది శంకరయ్య గారి సౌజన్యంతో)


*******************************************************************************************************************************************************

శంకరార్పణం - 2194

*****************************************************************************************************





శంకరాభరణం సమస్య - 2194

"మానిని మానముం జెఱచి మన్ననలన్ మగవాఁడు పొందెరా"








"Indira Gandhi, the only man in her Cabinet"


కానల కానలన్ వెదకి కన్నెల మానము దోచమంచుచున్ 

కోనల కోనలన్ తరిమి ఖూనులు జేయుచు బంగవాసులన్

దానవ రూపుడై మెలగి దండన జేసిన యాహ్యఖానునిన్,.. 

మానిని,...మానముం జెఱచి మన్ననలన్ మగవాఁడు పొందెరా!








(కంది శంకరయ్య గారి సౌజన్యంతో)


****************************************************************************************************************************************************

శంకరార్పణం - 2193

**************************************************************************************************





శంకరాభరణం సమస్య - 2193

"దోషము లెంచ రెవ్వరును దుష్టుని చెంతను విత్త మున్నచో"







దోషము లేకయే ప్రజల విత్తము దోచుచు వింతరీతులన్ 

భాషణ లిచ్చుచున్ విరివి బాధల నోర్చుచు వోట్లకోసమై

వేషము లెన్ని మార్చినను వేడుక మీరగ రాజధానిలో 

దోషము లెంచ రెవ్వరును దుష్టుని చెంతను విత్త మున్నచో







(కంది శంకరయ్య గారి సౌజన్యంతో)


**************************************************************************************************************************************************

శంకరార్పణం - 2191

*************************************************************************************************



శంకరాభరణం సమస్య - 2191

"హారము గొల్చి చూడఁ బది యామడ లున్నది కంటివే సఖీ"







చీరలు సారెలన్ గొనుచు చేరిరి పెండ్లికి డింపులయ్యెదౌ

గౌరవనీయు లెల్లరును గంపల దెచ్చిరి కాన్క వాన్కలన్ 

నీరవ మోడి తెచ్చినది నేనెటు చెప్పెద నోరురాదయో! 

హారము గొల్చి చూడఁ బది యామడ లున్నది కంటివే సఖీ!







(కంది శంకరయ్య గారి సౌజన్యంతో)


************************************************************************************************************************************************


శంకరార్పణం - 2832

******************************************************************************************************




శంకరాభరణం సమస్య - 2832

"కోడినిఁ బట్టి ముక్కలుగఁ గోసి భుజించిరి గాదె శ్రోత్రియుల్"







కాళీ ఘాట్, కలకత్తా (1900):


వాడిగ మంత్రముల్ నుడివి పాడుచు పాటలు కాళిమాతకై 

వేడుక మీరగా బలిని వేయుచు మేకల నమ్మకోసమై

వాడుక వీడకే మురిసి వండుచు ప్రీతిని మీనరాజముల్ 

కోడినిఁ బట్టి ముక్కలుగఁ గోసి భుజించిరి గాదె శ్రోత్రియుల్!







(కంది శంకరయ్య గారి సౌజన్యంతో)


*************************************************************************************************************************************************

Tuesday, October 30, 2018

శంకరార్పణం - 2190

*******************************************************************************************************






శంకరాభరణం సమస్య - 2190

"దేవుఁడు లేనెలేఁడని మదిన్ నెర నమ్ముచుఁ గొల్తు భక్తితోన్"







కోవెల లెన్నియో నిచట కోరిక తీరగ కట్టితిన్ గురూ

లేవనకుండనే ముడుపు లెన్నియొ నిచ్చితి రోటరీలకున్

నావలె దాతలేడనుచు  నమ్ముచు చాటుచు నన్నుమించెడిన్ 

దేవుఁడు లేనెలేఁడని మదిన్ నెర నమ్ముచుఁ గొల్తు భక్తితోన్







(కంది శంకరయ్య గారి సౌజన్యంతో)


**********************************************************************************************************************************************



శంకరార్పణం - 2189

************************************************************************************************





శంకరాభరణం సమస్య - 2189

"తనయుఁడు తమ్ముఁ డయ్యె నది తప్పగునో మఱి యొప్పునో సఖీ"






దినమొక గండ మాయెనున దేమిటి చిత్రమొ పాలుద్రాగడే 

తనయుఁడు;..తమ్ముఁ డయ్యె నది తప్పగునో మఱి యొప్పునో సఖీ

వినకయె నింజినీరిచట వీధులు చిమ్మిరి సీనియర్లహో! 

కనుమిక నా మగండటును కమ్మగ జారును నైటుక్లబ్బుకున్






(కంది శంకరయ్య గారి సౌజన్యంతో)


*************************************************************************************************************************************************



శంకరార్పణం - 2188

****************************************************************************************************





శంకరాభరణం సమస్య - 2188

"కారాగారమునందు లభ్యమగు సౌఖ్యంబుల్ ముదం బొప్పగన్"







GP Sastry (21) @
IIT Kharagpur 1965:👇


లేరే బాంధవులీ యరణ్యముననున్ లెక్కింపగా నొక్కడున్ 

తీరుల్ తెన్నులు లేని తిండ్లిచటఛీ! తియ్యందనాలన్నిటన్...

పోరాటమ్మవ వేన వేల ఘనమౌ పొత్తంపు దొంతర్లతో

కారాగారమునందు లభ్యమగు సౌఖ్యంబుల్ ముదం బొప్పగన్!







(కంది శంకరయ్య గారి సౌజన్యంతో)


********************************************************************************************************************************************************

శంకరార్పణం - 2187

*************************************************************************************************




శంకరాభరణం సమస్య - 2187

"అయ్యనుఁ గాంచి నాతి విరహాతుర యయ్యెను సాజమే కదా"






పొయ్యిని నూదియూది పొగ పోరుచు స్నానపు నీళ్ళనిచ్చునే

కుయ్యన కుండ రోజతడు కుంపటి రాజిడి కాఫి పెట్టునే

కయ్యము నేలజేసితిని కన్నడు నేడిక పారిపోవునం 

చయ్యనుఁ గాంచి నాతి విరహాతుర యయ్యెను సాజమే కదా






(కంది శంకరయ్య గారి సౌజన్యంతో


***********************************************************************************************************************************************************


శంకరార్పణం - 2186

*************************************************************************************************





శంకరాభరణం సమస్య - 2186

"రణమేగా సుఖశాంతు లిచ్చి మనకున్ రంజిల్లఁ జేయున్ మదిన్"






వినకన్ సాకుల నెన్నిజెప్పినను నిర్వీర్యుండుగా నవ్వుచున్

తినకన్ లంచము లెప్పుడున్ మనలనున్ తిన్నీయకుండెప్పుడున్

పనికిన్ మాలిన బాసు తోడ నెపుడున్ వాగ్యుద్ధమై జేసెడిన్ 

రణమేగా సుఖశాంతు లిచ్చి మనకున్ రంజిల్లఁ జేయున్ మదిన్






(కంది శంకరయ్య గారి సౌజన్యంతో)


******************************************************************************************************************************************************



శంకరార్పణం - 2831

*************************************************************************************************




శంకరాభరణం - 2831

"పుష్టినిఁ దుష్టి నిచ్చునఁట పుర్వుల మందుల మ్రింగ మే లగున్"






పుష్టిగ నున్నదంచు నొక పుష్పను బెంగలు భూమినందు  నా

కిష్టమదంచుచున్ విరివి క్లిష్టము లెంచక తోటరాముడై 

కష్టము లోర్చుచుండి విషకన్యను భేషుగ కట్టుకున్నచో

పుష్టినిఁ దుష్టి నిచ్చునఁట!...పుర్వుల మందుల మ్రింగ మే లగున్ :)


తోట రాముడు = డింగరి (పాతాళ భైరవి)






(కంది శంకరయ్య గారి సౌజన్యంతో)

**********************************************************************************************************************************************



Monday, October 29, 2018

శంకరార్పణం - 2183

***********************************************************************************************




hilsa 👆



శంకరాభరణం సమస్య - 2183

"విప్ర కులావతంసునకుఁ బేరగు జంధ్య మదేల వేయఁగన్"






విప్రకులోద్భవుండనయి వేదము నొక్కటి కాంచలేదు నే 

విప్రకులోద్భవుండనయి బీరుని విస్కిని రమ్ము గొట్టి నే 

విప్రకులోద్భవుండనయి బీడిని చుట్టను పీల్చివేసి నే 

విప్రకులోద్భవుండనయి బెంగలు నందున హిల్స తిన్నచో 

విప్ర కులావతంసునకుఁ బేరగు జంధ్య మదేల వేయఁగన్?







(కంది శంకరయ్య గారి సౌజన్యంతో)



************************************************************************************************************************************************




శంకరార్పణం - 2181

****************************************************************************************************






శంకరాభరణం సమస్య - 2181

"కోడలు మామఁ జూచి కనుగొట్టెను రమ్మని సైగఁ జేయుచున్"







గోడకు చాటుగా గురక కొట్టుచు వృద్ధుడు మామ నిద్రిడన్
 
కోడలు మామఁ జూచి;...కనుగొట్టెను రమ్మని సైగఁ జేయుచున్

పోడిమి మీరగా మగని పోకిరి చేష్టలు వీడుమంచు నా 

కోడలి జుత్తు దువ్వుచును కొల్లలు పేలను నొక్కమంచుచున్







(కంది శంకరయ్య గారి సౌజన్యంతో)


*******************************************************************************************************************************************************



శంకరార్పణం - 2180

*********************************************************************************************




శంకరాభరణం సమస్య - 2180

"మునికిన్ గోపమె భూషణం బగు ప్రజామోదంబు సంధిల్లఁగన్"







కనుడీ హైదరబాదునన్ మురికివౌ కాల్వల్ న దుర్గంధమున్

వినుడీ కుక్కల మూకలన్ మొరుగు గంభీరంపు పోట్లాటలున్

చనగా నిచ్చటకున్ రమారమణుడౌ చంద్రున్ కుమారుండు...రా

మునికిన్ గోపమె భూషణం బగు ప్రజామోదంబు సంధిల్లఁగన్


(in praise of Sri Kalvakuntla Taraka Rama Rao,  Minister for Municipal Administration and Urban Development and Brand Hyderabad)








(కంది శంకరయ్య గారి సౌజన్యంతో)


***************************************************************************************************************************************************




శంకరార్పణం - 2830

****************************************************************************************************





శంకరాభరణం సమస్య - 2830

"ముదిత నపుంసకున్ గలిసి పుత్రునిఁ బొందుట చిత్ర మెట్లగున్"






వదలక పట్టు వానరులు వారధి  కట్టగ సాగరమ్మునన్ 

కదలగ నంతరిక్షమున గ్రక్కున సారథి కాళ్ళు లేకయే

వదలుచు పూల బాణముల వాముడు దోచగ నంతరంగమున్

ముదిత నపుంసకున్ గలిసి పుత్రునిఁ బొందుట చిత్ర మెట్లగున్?



(క్రియా సిద్ధిః సత్త్వే భవతి మహతాన్నోపకరణే)






(కంది శంకరయ్య గారి సౌజన్యంతో)


********************************************************************************************************************************************************


Sunday, October 28, 2018

శంకరార్పణం - 2178

***********************************************************************************************




శంకరాభరణం సమస్య - 2178

"నడిరేయిన్ రవిఁ గాంచి యుత్పలము లానందంబునన్ విచ్చెడిన్"







నడిరేయిన్ రవిగాంచి శార్దులము లానందంబునన్ చేరగా

నడిరేయిన్ రవిగాంచి మత్తెభము లానందంబుగా కూడగా

నడిరేయిన్ రవిగాంచి చంపకము లానందంబుగా పూయెగా

నడిరేయిన్ రవిఁ గాంచి యుత్పలము లానందంబునన్ విచ్చెడిన్ :)


(ఇచ్చట "రవి" యనగా అర్ధరాత్రి పద్యములు వ్రాసి ప్రచురించు భవదీయ వృద్ధ "కవి"...పేరు "ప్రభాకరుడు" aka G. P. Sastry)







(కంది శంకరయ్య గారి సౌజన్యంతో)


********************************************************************************************************************************************************

శంకరార్పణం - 2177

**********************************************************************************************





శంకరాభరణం సమస్య - 2177

"సీతను బెండ్లియాడి శశిశేఖరుఁ డాత్మతనూభవుం గనెన్"







రాతిని నాతిగా మలచి రాముడ యోధ్యను చేరినాడయా  

సీతను బెండ్లియాడి;...శశిశేఖరుఁ డాత్మతనూభవుం గనెన్

ప్రీతిని చూపగా గిరిజ పేరిమి తోడను షణ్ముఖుండనున్...

చేతను కాదయా నికను చేయగ పూరణ నింతకన్ననున్







(కంది శంకరయ్య గారి సౌజన్యంతో)


************************************************************************************************************************************************